როგორ გამოვიყენოთ პლანეტების გავლენა ჩვენს საკეთილდღეოდ

თითოეულ პლანეტას, რომელიც მზის გარშემო ტრიალებს დედამიწასთან ერთად, აქვს თავისი განსაკუთრებული ენერგია. ჩვენ გადაწყვიტეთ, გითხრათ ზუსტად როგორ უნდა მოიქცეთ, რათა მათი ენერგია საკუთარი სარგებლისთვის გამოიყენოთ და არა თქვენს საზიანოდ.

მერკური

სანამ მერკური იმყოფება ისეთ ნიშნებში, როგორიცაა ტყუპი, მერწყული ან ქალწული, თქვენ უნდა იყოთ მაქსიმალურად აქტიური ფინანსურ სექტორში. როდესაც ეს პლანეტა ძლიერია, თქვენ უნდა წახვიდეთ მივლინებებში, ეძებოთ სამუშაო, გახსნათ ბიზნესი, შეიძინოთ გაჯეტები და ინვესტიცია განახორციელოთ საკუთარ ინტელექტუალურ განვითარებაში. ასევე შესანიშნავი დროა ახალი საქმიანი და რომანტიკული ურთიერთობების, მეგობრობის დასამყარებლად.

ვენერა

სანამ ვენერა ძლიერია, თქვენ უნდა შეასრულოთ საოჯახო საქმეები, დაუახლოვდეთ ადამიანებს და განსაკუთრებული ყურადღება მიაქციოთ საყვარელ ადამიანებს. თქვენ ასევე უნდა გამოიჩინოთ თანაგრძნობა და წახვიდეთ კომპრომისებზე, შეეცადეთ დაასრულოთ ადრე გაჩაღებული კონფლიქტები. ასევე, ამ პლანეტას უყვარს, როცა ადამიანები ერთმანეთის მიმართ კეთილშობილებას იჩენენ. ის აგრეთვე აძლიერებს ადამიანის აურას და აუმჯობესებს ჩაკრების მუშაობას.

მარსი

როდესაც წითელი პლანეტა ძლიერ მდგომარეობაშია (ვერძში, მორიელში ან თხის რქაში), თქვენ უნდა იბრძოლოთ ნებისმიერი საშუალებით მზის ქვეშ ადგილის დამკვიდრებისთვის. მნიშვნელოვანია იყოთ თავდაჯერებული. განსაკუთრებით მაშინ, როდესაც საქმე ეხება გეგმის განხორციელებას. მიუხედავად იმისა, რომ მარსი ძლიერია, მნიშვნელოვანია იმპულსურობის თავიდან აცილება.

იუპიტერი

როდესაც მზის სისტემის უდიდესი პლანეტა ძლიერ მდგომარეობაშია, საკუთარ თავზე უნდა ვიმუშაოთ. მნიშვნელოვანია ებრძოლოთ მავნე ჩვევებს, განდევნოთ უარყოფითი აზრები თავიდან. იუპიტერს უყვარს კეთილი და შრომისმოყვარე ადამიანები. ის არ აძლევს თავის ძალას თავხედ და აგრესიულ პიროვნებებს.

სატურნი

სატურნი საკმაოდ დიდხანს რჩება ერთ ნიშანში. სანამ ის ძლიერია, მნიშვნელოვანია თქვენი პოზიციის გაძლიერება. როდესაც სატურნი წაგებულ მდგომარეობაშია, უმჯობესია არ გარისკოთ და არ გადადგათ ნაბიჯები, რომლებიც მომავალში შეიძლება ინანოთ. ეს არის პლანეტა, რომელიც გვეხმარება შევცვალოთ და დავარეგულიროთ ღირებულებათა სისტემა.

ურანი

ურანი ჩვენგან მხოლოდ ერთს ითხოვს - შეუპოვარ განვითარებას. თუ ეს პლანეტა ძლიერია, მაშინ თქვენ უნდა იბრძოლოთ, რომ მთელი ეს პერიოდი გახდეთ უკეთესი. ურანი, სხვათა შორის, დაახლოებით 7 წელია ერთ ნიშანშია. ამ დროის განმავლობაში მას შეუძლია მოგვცეს ბევრი ახალი შესაძლებლობა და რჩევა ნიჭის განვითარებისთვის.