18
მაისიდღის ზოგადი ასტროლოგიური პროგნოზი
საქართველოს რეგიონებსა და თბილისში ელექტროენერგია არ მიეწოდებათ. ინფორმაციას მოქალაქეები სოციალურ ქსელში ავრცელებენ. "თელმიკოს" და "ენერგო პრო ჯორჯიას" ცხელ ხაზზე ამ დროისთვის ზარი არ ირეკება.
არსებული ინფორმაციით, ელექტროენერგია არ მიეწოდება აჭარის, გურიის, სამეგრელოს, შიდა ქართლის, ასევე კახეთის რეგიონებს.
- ელექტროენერგიის ავარიულად გათიშვის გამო, თბილისის მეტროს პირველ ხაზზე შეფერხებაა.
უფრო კონკრეტულად, ელექტროენერგიის ავარიულად გათიშვის გამო მეტროს პირველი ხაზი მგზავრებს ვერ ემსახურება.
როგორც თბილისის სატრანსპორტო კომპანიაში აცხადებენ, ელექტროენერგიის მოწოდების აღდგენისთანავე მეტრო გააგრძელებს მუშაობას ჩვეულ რეჟიმში.
- როგორც "ინტერპრესნიუსს" "საქართველოს ელექტროსისტემაში“ განუცხადეს კავკასიონის ელექტროგადამცემ ხაზში ავარიის შედეგად, ელექტროენერგიის მიწოდება ქვეყნის მასშტაბით შეიზღუდა.
მათი თქმით, ჯერჯერობით უცნობია ავარიის გამომწვევი მიზეზი, თუმცა როგორც ისინი აცხადებენ, მათი მხრიდან, ელექტროენერგიის გამანაწილებელი კომპანიებისთვის კომუნიკაციის მიწოდება კვლავ ჩვეულ რეჟიმში მიმდინარეობს და ელექტროენერგია ქვეყნის მასშტაბით ეტაპობრივად აღდგება.
განცხადება გაავრცელა "ენერგო პრო ჯორჯიამ":
"დღეს, დღის პირველ ნახევარში საქართველოს თითქმის ყველა რეგიონში დაფიქსირდა ელექტროენერგიის მასშტაბური წყვეტა. სს „ენერგო-პრო ჯორჯია“-ს ქსელში ავარიას ადგილი არ ჰქონია. შესაბამისად, აღნიშნული აბონენტებისთვის ელექტროენერგიის მიწოდების შეწყვეტა კომპანიის მიზეზით არ მომხდარა" - ნათქვამია განცხადებაში.
