მნიშვნელოვანი ინფორმაცია
11
ივლისიდღის ზოგადი ასტროლოგიური პროგნოზი
პარასკევი, მთვარის მეჩვიდმეტე დღე დაიწყება 23:08-ზე, მთვარე მერწყულს ესტუმრება 21:19-ზე – რეკომენდებულია კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. მოაწყვეთ კორპორაციული წვეულებები. არ არის რეკომენდებული მნიშვნელოვანი საკითხების გადაჭრა. სერიოზული და ფართომასშტაბიანი მოლაპარაკებების წარმოება. ხელსაყრელი პერიოდია სამეცნიერო საქმიანობის, კვლევისთვის. ადამიანები ავლენენ დამოუკიდებლობას, ექსტრავაგანტურობას, კომუნიკაბელურობას, ექსპერიმენტებისადმი მიდრეკილებას და გამომგონებლობას. მნიშვნელოვანია მოამზადოთ რაიმე გემრიელი და უჩვეულო, ჩაატაროთ ექსპერიმენტები სამზარეულოში.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ახალი ეტაპია ჩემს ცხოვრებაში, მარტო, ცალკე ცხოვრების... ტელევიზიის გაგონებაც აღარ მინდა" - რა სიახლეა რუსკა მაყაშვილის ცხოვრებაში
11:57 / 31-03-2025
ბოლო თვეები რუსკა მაყაშვილის ცხოვრებაში გარდამტეხი აღმოჩნდა. შეგვიძლია თავისუფლად ვთქვათ, რომ მსახიობმა ახალი ცხოვრება დაიწყო. 2024 წლის დეკემბრის დასაწყისში, მსახიობმა ტელეკომპანია "იმედი“ დატოვა. როგორც მაშინ ჩვენთან საუბარში განაცხადა, მიუხედავად "იმედზე“ მუშაობისა, ის ჯერ კიდევ გაზაფხულის აქციებზე ღიად აფიქსირებდა თავის პოზიციას საქართველოს ევროპულ მომავალზე. თუმცა არხზე დარჩა იქამდე, ვიდრე საკუთარი აზრის დაფიქსირების საშუალება ჰქონდა.
ტელევიზიიდან წასვლა ერთადერთი სიახლე არ ყოფილა მის ცხოვრებაში. მაყაშვილი შვილებთან ერთად ცალკე გადავიდა საცხოვრებლად.
"ტვ პირველზე“, გოგოლა კალანდაძის რუბრიკაში „სახლები“, მსახიობმა მაყურებელს ახალის ახლი დაათვალიერებინა. მიუხედავად ტელეწამყვანის რამდენიმეჯერ ჩაკითხვისა, რუსკამ თავი აარიდა მის ამჟამინდელ ოჯახურ მდგომარეობაზე საუბარს.
შეგახსენებთ, რომ რუსკამ 2015 წელს მორაგბე სანდრო ნიჟარაძეზე იქორწინა. მათი ოჯახური იდილია წლების მანძილზე გაგრძელდა და ორი შვილი ილია და კატო შეეძინათ.
"გადასარევად ვართ, მშვიდად, წყნარად" - ასე იწყებს საუბარს რუსკა.
"საინტერესოა მარტო ცხოვრება. ყველაფერს აქვს თავის პლუსები და მინუსები. რაღაც ახალი ეტაპია ჩემს ცხოვრებაში, მარტო, ცალკე ცხოვრების, ვნახოთ როგორ იქნება ეს ყველაფერი.
ტელევიზიიდან წამოვედი, მიზეზი იყო შეუთავსებლობა. მე ვთვლი, რომ არ აქვს მნიშვნელობა სად მუშაობ, ყველგან შეგიძლია გაპროტესტება. მე რომ არ მომეცა ამ ყველაფრის გაპროტესტების უფლება და როცა არ ეთანხმები იმ პოლიტიკას, რა პოლიტიკასაც ის არხი აწვება, ამ დროს ჯობია, რომ ადგე და გაეცალო. ბევრი ვიფიქრე... ფიქრი საჭირო იყო მაინც, ვიღაცები იტყვიან, რა დროს ფიქრი იყოო. ვარჩიე, მშვიდად, წყნარად გავცლოდი, იმდენად გავეცალე ტელევიზიას, რომ საერთოდ ტელევიზიის გაგონება აღარ მინდა".
- რუსკა მაყაშვილი ბოლო პერიოდში მის ცხოვრებაში მომხდარ ცვლილებებზე საუბრობს. გოგოლას კითხვაზე თუ როგორ იწყება მისი დღე, მას შემდეგ რაც მოკლე პერიოდში შეიცვალა მისი ცხოვრება, როგორც პირადში, ისე სამსახურებრივი თვალსაზრისით, რუსკა ამბობ, რომ მასთან ბევრი საინტერესო ხდება, ყველაფერი ლაგდება და ფაზლივით ეწყობა.
"დილა შვიდზე, ხანდახან შვიდის ნახევარზე ვიღვიძებ ბავშვების გამო. ვამზადებ სკოლისთვის და ბაღისთვის. შემდეგ ჩემს საქმეებს მივხედავ ხოლმე, რეპეტიციები, გადაღებები. კვირის დღეებში, როცა ილია და კატო ჩემთან არიან, ვცდილობ, ყველაფერი დღის განმავლობაში მოვასწრო. მერე ბავშვები სახლში მოდიან, მივდივართ სტუმრად, ან ეზოში ჩადიან და თამაშობენ. ხომ გითხარით, ფაზლივით არის ყველაფერი აწყობილი და ასე გაგრძელდება.“
რუსკა ამბობს, რომ საჭმლის მომზადება იცის, მაგრამ კეთება არ უყვარს, არც სახლის დალაგება.
"ცუდად ვხდები, გული მისკდება, ვბრაზდები, თავში მინდა რამე ჩავირტყა, და ისე დავასრულო, ამიტომ მყავს ფანტასტიკური ადამიანი, რომელიც მეხმარება ამ ყველაფერში. თუმცა ილია და კატო რომ პატარები იყვნენ ძიძა არ მყოლია და მე და სანდრო ვაკეთებდით ყველაფერს.“
მარტივად ვუყურებ ბევრ რამეს, მაგრამ ისეთი ხასიათი მაქვს, რომ არასოდეს არ მიყვარს ჩემი პრობლემების ვინმესთვის თავზე მოხვევა. როცა ცუდად ვარ, არ მიყვარს ამაზე მეგობართან საუბარი, არც მეორე ნახევართან. ადრე სხვისი პრობლემების მოსმენა მიყვარდა, მაგრამ ახლა მაგის ნერვებიც აღარ მაქვს. ზოგადად მიყვარს მე თავად მოვაგვარო პრობლემები. ყოველთვის ვცდილობ, რომ ჩემს თავზე ავიღო ყველანაირი პასუხისმგებლობა.
განსაკუთრებულად ბოლო პერიოდებში არავის ვაჩვენებ რომ დავიღალე. რაღაც დროს ხვდები, რომ არაფერი აღარ გამოგდის და ხანდახან საჭიროა დაწვე და ვიღაცამ გადაგისვას თავზე ხელი და გკითხოს, დაიღალე რუსკა? - შენ კი უთხრა, რომ კი დავიღალე და ამაში ცუდი არაფერი არ არის. ბოლო დროს ვხვდები რომ ეს შეიძლება და არავინ ამიკრძალა ამის გაკეთება.
ჩემს შვილებს ძალიან გაუმართლათ ბებია-ბაბუებში. ყოველთვის მინდოდა, რომ ბავშვებს ჰყოლოდათ კარგი ბებია ბაბუები და ოჯახური იდილია ყოფილიყო, ეს ყველაფერი არის, მიუხედავად იმისა, რომ ჩვენ ცოტა ხანი ან ბევრი ხანი ცალკე ვართ...
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
