რა ელით სხვადასხვა წელში დაბადებულ კირჩხიბებს - 2020 წლის ჩინური ჰოროსკოპი

• კირჩხიბი - ხარი

უამრავი დაბრკოლება არსებობს, მაგრამ მასთან ბრძოლაც შესაძლებელია და გამოსწორებაც. ნუ ხართ ზერელე დამოკიდებულებაში სერიოზულ პრობლემებთან. მოთმინებით აღიჭურვეთ, არ იზარმაცოთ და გააკეთეთ ის საქმე, რაც წარმატებას მოგიტანთ. კარგი წელია საზღვარგარეთ მივლინებისთვის.

• კირჩხიბი - ვირთხა

უნდა დაფიქრდეთ, იქნებ ის პრინცეპები, რომლებიც გაქვთ, მოძველდა ან არ მოაქვს თქვენთვის სასურველი შედეგი. უნდა შეიცვალოთ, ამაზე იქნება დამოკიდებული თქვენი კარიერაც და თქვენი პირადი ცხოვრებაც. 2020 წელს უამრავ ინფორმაციას მიიღებთ. უნდა შეძლოთ სათქვენოს მიღება. ზოგიერთი სასიყვარულო კავშირი შეიძლება ისევე მოულოდნელად დასრულდეს, როგორც დაიწყო.

• კირჩხიბი - ვეფხვი

თუ წარსულ შეცდომებს გაითვალისწინებთ, გამარჯვებას აუცილებლად მიაღწევთ. მოემზადეთ პირად ბედნიერებასთან შესახვედრად. კარგად წაგივათ დამოკიდებულება საქმიან პარტნიორებთან. განსაკუთრებით, თუ საერთო საქმეში ფულის დაბანდებას აპირებთ. შემოდგომაზე ნუ ენდობით ახალგაცნობილებს.

• კირჩხიბი - დრაკონი

უამრავი იდეა და გეგმა გაქვთ. უმეტესობას ზედმეტი ძალისხმევის გარეშე განახორციელებთ. იყავით მეტად მობილიზებული პერსპექტიულ საქმეებზე. საბედისწერო შეხვედრა თქვენი ქალაქისგან შორს, ზაფხულში გელით. დაუვიწყარი რომანის გმირი გახდებით. დაოჯახებულებს მეტი ძალისხმევა გმართებთ, რომ გამოასწოროთ ფინანსური მდგომარეობა.

• კირჩხიბი - კატა/კურდღელი

ყველაზე რთულ სიტუაციაშიც კი შეინარჩუნებთ სიმშვიდეს და გარშემო მყოფებს თქვენი რბილი ხასიათით მოხიბლავთ. თქვენთვის არ არსებობს მწვერვალი, რომელსაც ვერ მიაღწევთ. ზოგიერთი პირადი ბიზნესის დაწყებას გადაწყვეტს. ზოგი შემოქმედებით იდეას განახორციელებს. თუ ინიციატივას არ გამოიჩენთ და არ გააქტიურდებით, ვირთხის წელიწადშიც მარტო დარჩებით. ჩაიტარეთ სამედიცინო კვლევა.

• კირჩხიბი - გველი

ისეთი თავბრუდამხვევი რომანი გელით, რომ მიხვდებით, ადრე სასიყვარულო ისტორიები მხოლოდ ბავშვური გატაცება იყო. ახლა შეგიძლიათ ახალ მეგზურთან ერთად ახალი ცხოვრება დაიწყოთ. გაიუმჯობესეთ მატერიალური მდგომარეობა. ეცადეთ, ვალებისა და კრედიტების გარეშე გაძლოთ.

• კირჩხიბი - თხა/ცხვარი

გარშემო და საკუთარ თავში ყველაფერი უნდა დაალაგოთ. რაც უფრო მიზანმიმართული იქნებით, მით უკეთესია. პირად ცხოვრებაში უსიამოვნო მომენტებზე მეტი სასიხარულო გექნებათ. შეიძლება ისევ აღადგინოთ კავშირი ადამიანთან, რომელთანაც ადრე გრძნობები გაკავშირებდათ. ექსტრემალურ სიტუაციებშიც კი უნდა შეინარჩუნოთ სიმშვიდე.

• კირჩხიბი - ცხენი

ყველა სიტუაციაში დელიკატურად მოქცევა გმართებთ. მოერიდეთ კრიტიკულ შენიშვნებს ახლობლების მიმართ. დაუყოვნებლივ გამოასწორეთ შეცდომები და მეტი დრო დაუთმეთ თვითგანვითარებას. 2020 წელს საშუალება მოგეცემათ გაიუმჯობესოთ მატერიალური მდგომარება, მიიღოთ სასურველი სამსახური/თანამდებობა. ნათესავები რთული საკითხების მოგვარებაში დაგეხმარებიან.

• კირჩხიბი - ღორი

ერთი ადგილის ტკეპნა აღარ გეპატიებათ. განვითარების - პროფესიონალური და სულიერი - ახალი გზები უნდა მოძებნოთ. თამამად შეუდექით ახალი პროექტების განხორციელებას. პირად ცხოვრებაში მეტად ლმიბიერი უნდა იყოთ საყვარელი ადამიანის მიმართ. მოსალოდნელია ხშირი მოლაპარაკებები, მივლინებები.

• კირჩხიბი - მაიმუნი

წლის დასაწყისში ენერგიის მოზღვავებას იგრძნობთ და წინ გაიჭრებით. კარგი წელია ახალი პროექტების განსახორციელებლად. არც ერთი წუთი არ იფიქროთ, რომ ვერ შეძლებთ, არ გამოგივათ. პირიქით, 2020 წელს თქვენთვის შეუძლებელი არაფერია. მოთმინება გმართებთ უფროსთან და კოლეგებთან ურთიერთობისას.

• კირჩხიბი - ძაღლი

გახშირდება შეხვედრები ადამიანებთან, რომლებთანაც წარსულში რაღაც მიზეზების გამო გაწყვეტილი გქონდათ კავშირი. მოულოდნელი ფულადი ჯილდო, მოგება ან საჩუქრები გელით. ჯანმრთელობა სტაბილური გაქვთ. სეზონურ გაცივებებს კი ვერ გაექცევით. ხშირად ისეირნეთ სუფთა ჰაერზე; გაიძლიერეთ იმუნიტეტი.

• კირჩხიბი - მამალი

მუდამ უნდა იყოთ, სადაც მნიშვნელოვანი საქმეები კეთდება. მიიღეთ მონაწილეობა, გამოცდილება. ფული სტაბილურად გექნებათ. საყვარელი ადამიანი დაქორწინებას შემოგთავაზებთ. თუ დიეტის დაცვას აპირებთ, ზომიერება უმნიშვნელოვანესია - ვარჯიშშიც და კვებაშიც.