რა ცვლილებებს მოგიტანთ რეტროგრადული ვენერა: აგვისტოს სასიყვარულო ასტროპროგნოზი
მთელი აგვისტოს განმავლობაში სიყვარულის, სილამაზისა და ფულის პლანეტა ვენერა რეტროგრადული იქნება. ამ თვეში არ გირჩევთ სილამაზის პროცედურების ჩატარებას, ფულის ფლანგვას ძვირად ღირებულ ნივთებზე, ხოლო, თუ რა გელოდებათ პირად ურთიერთობებში ამას აგვისტოს ასტროლოგიური პროგნოზიდან შეიტყობთ, თუმცა, აქვე უნდა გაგაფრთხილოთ, რომ ვენერას რეტროსვლის დროს დაქორწინებას არ გირჩევთ:
ვერძი
ვენერა მთელი თვის განმავლობაში რეტროგრადული იქნება თქვენს მეხუთე სახლში. არ არის ძალიან ხელსაყრელი პერიოდი ახალი ნაცნობობისთვის. დაწყვილებულების ცხოვრებაში ჩხუბი და შერიგებები ენაცვლება ერთმანეთს. დაოჯახებული ვერძი ყოველთვის იძულებული იქნება დათმობებზე წავიდეს და კომპრომისები გამონახოს, რათა ქორწინება კრახის ზღვარზე არ დააყენოს.
კურო
რეტროგრადული ვენერა მთელი თვე თქვენს მეოთხე სახლში იქნება. ის არა მხოლოდ ხელს არ შეუწყობს ახალ ნაცნობობას, არამედ იწვევს მუდმივ კამათს და კონფლიქტებს არსებულ ურთიერთობებში. შეიძლება გამოიწვიოს ძლიერი ეჭვები პარტნიორში. სიტუაციას გადაარჩენთ, თუ არ მოგერიდებათ სათუთი გრძნობების გამოხატვა თქვენი საყვარელი ადამიანის მიმართ. მოერიდეთ ნაჩქარევ ხარჯებს, უარი თქვით ძვირად ღირებული ნივთების შესყიდვაზე. შესაძლოა, ოჯახის რომელიმე წევრის გამო მოგიწიოთ დანაზოგის დახარჯვამ.
ტყუპი
არახელსაყრელი პერიოდია ახალ ნაცნობობისთვის, უფრო მეტიც, შეიძლება მოხდეს გაუგებრობები არსებულ ურთიერთობებში. ფრთხილად უნდა იყოთ, რომ არ გადავარდეთ უაზრო თავგადასავალში - დიდია ალბათობა, რომ ზოგიერთი მათგანი ფინანსური ზარალით დასრულდეს. გვირჩევთ, ყურადღებით შეამოწმოთ მიღებული ინფორმაცია, დაკვირვებული იყოთ მოლაპარაკებებისა და გარიგებების დროს. არ არის გამორიცხული, რომ ვინმეს თქვენი მოტყუება, შეცდომაში შეიყვანა სურდეს.
კირჩხიბი
პირად ცხოვრებაში შეიძლება გარკვეული პრობლემები წარმოიშვას. აგვისტოში დაოჯახებულებს არ გირჩევთ რომანის დაწყებას, სასიყვარულო თავგადასავლებს, უმჯობესია, მეტად ენდოთ პარტნიორს და იზრუნოთ ურთიერთობის გაუმჯობესებაზე. ზოგიერთმა შეიძლება დაქორწინდება გადაწყვიტოთ და ეს კავშირი დაფუძნებული იქნება ანგარებაზე და არა გრძნობებზე.
ლომი
მოგინდებათ, რომ საყვარელმა ადამიანმა ყოველდღიურად დაგიმტკიცოთ სიყვარული. მოითხოვთ, მისგან ყურადღებას, მაგრამ ბოლომდე მაინც არ იქნებით კმაყოფილი. ერთი მხრივ, თავისუფლებისკენ ისწრაფვით, მეორე მხრივ, შეგაშინებთ იმაზე ფიქრიც კი, რომ პარტნიორს ნამდვილად შეუძლია წავიდეს და მარტო დაგტოვოთ. მარტოხელა ლომებს გაგიჭირდებათ საპირისპირო სქესთან ურთიერთობა, ფლირტი და რომანტიკული ურთიერთობის დაწყება. დაელოდეთ ვენერას რეტროგრადული სვლიდან გამოსვლას.
ქალწული
აგვისტოში არ გირჩევთ ახალი რომანტიკული ურთიერთობის დაწყებას. ზოგიერთი შეიძლება დაუბრუნდეთ წარსულ რომანს, ყოფილ პარტნიორს. რაც შეეხება დაოჯახებულებს, შეიძლება შეამჩნიოთ გარკვეული გაცივება თქვენს საყვარელ ადამიანთან ურთიერთობაში. ნუ მიიღებთ მნიშვნელოვან გადაწყვეტილებებს, დაიცადეთ, გაიაროს რთულმა პერიოდმა. შეინარჩუნეთ სიმშვიდე და აკონტროლეთ ემოციები.
სასწორი
თქვენი მმართველი პლანეტა ვენერა რეტროგრადულია. შესაძლოა მეგობრებთან ემოციური პრობლემები წარმოიშვას. ეს შეიძლება იყოს უთანხმოება, წყენა, შეუსრულებელი იმედების გამო უკმაყოფილება. შესაძლებელია მეგობართან ინტიმური ურთიერთობა, რასაც მოგვიანებით ინანებთ. ასევე ამ პერიოდში არსებობს მეგობრის გავლენის ქვეშ მოქცევის საშიშროება.
მორიელი
რეტროგრადული ვენერა მთელ თვეს თქვენი პროფესიული რეალიზაციისა და მიღწევების სექტორში გაატარებს. ეს არ იქნება საუკეთესო პერიოდი თქვენი პირადი ცხოვრებისთვის. აბსოლუტური გაურკვევლობა იქნება სასიყვარულო პარტნიორთან. გახშირდება ეჭვები და ვარაუდები. აგვისტოში საყვარელი ადამიანისგან მუდმივად უნდა გრძნობდეთ ყურადღების, აღტაცების, მოწონების ნიშნებს.
მშვილდოსანი
იზრდება ზოგიერთი წარსული ურთიერთობის განახლების ალბათობა. შეიძლება გაიცნოთ უცხო ქვეყნის, ეროვნების, სხვა რელიგიის ადამიანი, მაგრამ ურთიერთობის გასერიოზულება გაგიჭირდებათ. ზოგიერთმა შეიძლება უკვე გამოცხადებული ნიშნობა გააუქმოთ. ამ თვეში უმჯობესია უარი თქვათ ძვირად ღირებულ შესყიდვებზე ასევე არ უნდა გაფორმოთ ხელშეკრულება უცხოელ პარტნიორებთან.
თხის რქა
რეტროგრადული ვენერა მთელ თვეს თქვენი ექსტრემალური სიტუაციების, სხვისი ფულისა და მემკვიდრეობის სახლში გაატარებს. ამ დროს საინტერესო ნაცნობობა გელით, მაგრამ მთავარია არ გადააჭარბოთ და თავიდანვე ზედმეტი მზრუნველობით არ შეაშინოთ თქვენი ახალგაცნობილი. შეიკავეთ ემოციები და ნუ ააჩქარებთ მოვლენებს. დაოჯახებულები დროდადრო და სხვადასხვა საკითხზე იკამათებთ მეუღლესთან. პარტნიორის ყველაფერში კონტროლის სურვილმა და უმიზეზოდ ეჭვიანობამ შეიძლება მხოლოდ კონფლიქტის გამწვავება გამოიწვიოს.
მერწყული
რეტროგრადული ვენერა მთელ თვეს თქვენი პარტნიორობისა და მეგობრობის სახლში გაატარებს. თუ ჯერ არ გაგიფორმებიათ ურთიერთობა, ნიშნობის გამოცხადებას აგვისტოში არ გირჩევთ. მარტოხელებმა არ უნდა იჩქაროთ ახალი პარტნიორის ძებნა. რაც შეეხება დაოჯახებულებს, ეცადეთ, მეტად გაახალისოთ ყოველდღიურობა. თქვენი ფინანსური მდგომარეობა ამ თვეში ოდნავ შეირყევა.
თევზები
რეტროგრადული ვენერა მთელ თვეს გაატარებს თქვენი სამუშაოსა და ჯანმრთელობის სექტორში. შეიძლება მოულოდნელად გააცნობიეროთ, რომ ურთიერთობები, რომლებიც თავიდან ასე მარტივი და სასიამოვნო ჩანდა, გარკვეულ პასუხისმგებლობას გაკისრებთ. ამ თვეში მოგიწევთ გადაწყვიტოთ, განაგრძოთ ეს ურთიერთობა თუ არა. ფინანსური თვალსაზრისით, აგვისტო ასევე შეიძლება იყოს სტრესული.