მნიშვნელოვანი ინფორმაცია
27
აპრილიდღის ზოგადი ასტროლოგიური პროგნოზი
კვირა, მთვარის ოცდამეცხრე დღე დაიწყება 05:27-ზე; ხოლო მთვარის პირველი დღე 23:30-ზე, მთვარე 11:16-ზე ესტუმრება კუროს
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია ამ დღეს დაიცვათ მარხვა. ნებადართულია რძის პროდუქტები. ხორცი არა. დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პლუტონი მერწყულში გადავიდა: პროგნოზი ზოდიაქოს ნიშნებისთვის
20:07 / 10-04-2023
23 მარტს პლუტონი თხის რქიდან მერწყულში გადავიდა, სადაც მომდევნო 20 წელიწადს გაჩერდება. ამ ასტროლოგიური მოვლენის შესახებ ვრცელი სტატია დევს საიტზე და შეგიძლიათ გაეცნოთ. ახლა კი გთავაზობთ პროგნოზს ზოდიაქოს ნიშნებისთვის:
სასწორი
პლუტონი სასიამოვნო და ამაღელვებელ მომენტებს მოგიტნათ. ის თქვენი ფლირტის, გატაცებების, შემოქმედების სახლში გადადის. შვილები გაგახარებენ თავიანთი კარგი ამბებით, მიღწევებით. სასიამოვნო გახდება მათთან ურთიერთობა, თუ აქამდე გაუგებრობები და დაძაბულობები გქონდათ. საუკეთესო პერიოდია შემოქმედებითი იდეების განსახორციელებლად. შეიძლება ფული მოგიტანოთ ჰობიმ. უნდა განავითაროთ თქვენი ტალანტი. კარგი იქნება პირადი ბიზნესის დაწყება. ჰარმონიული გახდება დამოკიდებულება საყვარელ ადამიანთან. მარტოხელებს გელოდებათ რომანტიკული ნაცნობობა და თქვენს ცხოვრებაში მოსულმა ადამიანმა შეიძლება სრულად გარდაქმნათ. ერთადერთი, რასაც უნდა უფრთხილდეთ ესაა, აზარტული თამაშები; განსაკუთრებით ფულზე. მაქსიმალურად ფრთხილად უნდა იყოთ. თუ სასწორის ბოლო დეკადაში ხართ დაბადებული 2023-24 წლები კვლავ გააქტიურებს იმ თემებს, რაც 2008 წლიდან გქონდათ. ცვლილებები გექნებოდათ უძრავ ქონებასთან, ოჯახთან დაკავშირებით. ნათესავების წასვლა, უძრავი ქონების გაყოფა ან სახლის მიტოვება.
მორიელი
ცვლილებები გელოდებათ უძრავ ქონებასთან, ოჯახთან, ნათესავებთან დაკავშირებით. პლუტონი გაიძულებთ ტრანსფორმაციული ცვლილებები განიცადოთ ამ სფეროში. ზოგიერთი შეიძლება ახალი ბინის მფლობელი გახდეთ, ძველი გაყიდოთ, სხვა სახლში გადახვიდეთ საცხოვრებლად, უცხო ქვეყნის მოქალაქეობა მიიღოთ ან ემიგრაციაში გაემგზავროთ. შეიძლება სრული რემონტი გააკეთოთ ბინაში. მეტ მზრუნველობას ითხოვენ მშობლები. იყავით მათზე მზრუნველი. შეიძლება შეგეცვალოთ ოჯახის წევრთა რაოდენობა: დაქორწინდეთ, განქორწინდეთ, განცალკევებით გადაწყვიტოთ ცხოვრება. შეიძლება შეგეძინოთ შვილი ან მოზრდილმა შვილებმა დატოვონ თქვენი სახლი. 2008 წლიდან უნდა გქონოდათ ცვლილებები სამსახურში, შეიძლება მიიღეთ უმაღლესი განათლება, აიღეთ დიპლომი. ცვლილებები გექნებოდათ მეგობრების, კოლეგების გარემოცვაში ან და-ძმებთან ურთიერთობაში. ზოგიერთი კი გახდებოდით გაჯეტების ძვირად ღირებული ტექნიკის მფლობელი.
მშვილდოსანი
მომდევნო 20 წლის განმავლობაში შეგეცვლებათ მსოფლმხედველობა, დამოკიდებულება ახლობლებთან, მეგობრებთან; ზოგიერთს გამოგიჩნდებათ ახალი, გავლენიანი მეგობარი. ან შეიძლება ზოგიერთ ადამიანთან, ახლობელთანაც კი, საერთოდ გაწყვიტოთ კონტაქტი. მოგინდებათ ახალი ცოდნის, განათლების მიღება. უნდა განვითარდეთ, ჩაეწერეთ კვალიფიკაციის ამაღლების კურსებზე, ზოგმა კი შეიძლება შეიცვალოთ პროფესია. გახშირდება საქმიანი და მეგობრული შეხვედრები, ხელშეკრულებების გაფორმება. მიიღებთ უამრავ საინტერესო და საჭირო ინფორმაციას, რასაც სათქვენოდ გამოიყენებთ. მოგინდებათ პირადი ბიზნესის დაწყება; შეიცვლით სამსახურს. გადაწყვეტთ უცხო ენის შესწავლას და ზოგიერთი გადაწყვეტთ, დახვეწოთ სასაუბრო ენა, უარი თქვათ ბილწსიტყვაობაზე. მოგინდებათ ახალი, თანამედროვე ავტომობილის შეძენა. გაფრთხილდით, არ გასცეთ დაპირებები, მოგიწევთ მათი პირნათლათ შესრულება. პლუტონის წინა ტრანზიტის დროს, 2008 წლიდან ცვლილებები უნდა გქონოდათ ფინანსურ სფეროში. შეიძლება გახდით ძვირად ღირებული ნივთების მფლობელი, გამონახეთ სამსახური ან შემოსავლის დამატებითი წყარო.
თხის რქა
უნდა მოგილოცოთ, პლუტონი გადავიდა თქვენი ნიშნიდან, რომელშიც 2008 წლიდან იყო და უამრავი ტრანსფორმაცია, კარდინალური ცვლილება მოგიტანათ, - კარგიც და ცუდიც, ცხოვრების სხვადასხვა სფეროში. ახლა მეტი ყურადღება უნდა მიაქციოთ ფინანსურ სფეროს. უნდა აიმაღლოთ თვითშეფასება. თუ მომსახურების სფეროში საქმიანობთ, უნდა გააძვიროთ თქვენი მომსახურება, უნდა მოახდინოთ თქვენი ნიჭის, შესაძლებლობების მონეტიზირება. თუ სამსახურის მაძიებელი ხართ მიიღებთ თქვენთვის შესაფერის ვაკანსიას. მოხდება ღირებულებების გადაფასება და ის, რაც ადრე ძვირფასი იყო თქვენთვის, დღეს შეიძლება დაკარგოს ფასი. ეცადეთ, გაწერილი ბიუჯეტი გქონდეთ. საუკეთესო დროა ფულის დასაბანდებლად, - პირად ბიზნესში, უძრავ ქონებაში, საკუთარ ჯანმრთელობაში.
მერწყული
პლუტონი თქვენს ნიშანში გადმოვიდა და ცხოვრების სხვადასხვა სფეროში კარდინალურ ცვლილებებს გპირდებათ. მოემზადეთ, იყავით დაკვირვებული, გააზრებული. ნუ შეეწინააღმდეგებით მოვლენებს, პირიქით, იყავით მომართული განახლებაზე. თუ ხვდებით, რომ პირადი ურთიერთობა სიამოვნებას არ განიჭებთ, რაღაც უნდა შეცვალოთ. ცვლილებები გელოდებათ უძრავ ქონებასთან, სახლთან დაკავშირებით. მოგინდებათ ბინის გაყიდვა ან ყიდვა. შეიძლება იძულებით მოგიწიოთ ბინის გაყოფამ სხვასთან. ცვლილება გელოდებათ სამსახურის სფეროში: პირველად გახვიდეთ სამუშაოზე, ან პენსიაზე, გადაწყვიტოთ პროფესიის მიტოვება. პლუტონი გაგაძლიერებთ, მოგქოქავთ, რომ გააქტიურდეთ, გაიუმჯობესოთ ცხოვრების სხვადასხვა სფერო. არა გამორიცხული უცხოეთში გაემგზავროთ საცხოვრებლად, სამუშაოდ ან სიყვარულის მიზეზით.
თევზები
პლუტონის ტრანზიტი საინტერესო ცვლილებებს გპირდებათ. შეგეცვლებათ მსოფლმხედველობა. თუ აქამდე ჩაკეტილი იყავით ახლა მოგინდებათ სცენაზე გამოსვლა და პირიქით, თუ აქტიური იყავით, ახლა მოგინდებათ განმარტოება, სიმშვიდეში ყოფნა. დაიწყებთ საკუთარ მავნე ჩვევებთან ბრძოლას, პლუტონი გაიძულებთ, თვალებში შეხედოთ საკუთარ შიშებს, ფობიებს და გათავისუფლდეთ მათგან. მოგინდებათ თავისუფლება, შეზღუდვებთან ბრძოლა. არაა გამორიცხული, მოგიწიოთ ემიგრაციაში გამგზავრებამ, მუშაობამ იზოლაციაში, დახურული ტიპის სამსახურში. საუკეთესო პერიოდია შემოქმედებითი იდეების განსახორციელებლად. მოგინდებათ მეტად გარკვევა საკუთარ შინაგან სამყაროში, საკუთარი თავის გამოჯანმრთელება, გაჯანსაღება; დაგაინტერესებთ აღმოსავლური ფილოსოფია, მედიცინა. ამ პერიოდში აქტიურად ჩაერთვებით ქველმოქმედებაში. გამორიცხული არაა, გააბათ ფარული რომანი, შექმნათ სასიყვარულო სამკუთხედში ან გააბათ ინტერნეტრომანი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
