ნოემბრის მნიშვნელოვანი ასტროლოგიური მოვლენები: მსოფლიოში უდიდესი ცვლილებების, აჯანყების დროა

2024 წლის ნოემბერში ნამდვილად არ მოვიწყენთ, რადგან თვე საკმაოდ დინამიკურია და პირველი ნახევარი განსაკუთრებით დაძაბულია. პირველში ახალმთვარეობა გველოდება და გრძელდება მარსისა და პლუტონის დაპირისპირება. ეს არის რთული დრო, რომელიც დაიწყო ოქტომბრის ბოლოს და გაგრძელდება ნოემბრის დასაწყისამდე. საოცარი ბრძოლები და მოვლენები მოხდება. თვის მეორე ნახევარი მოიტანს სიცხადეს, შედეგებს და დიდ ცვლილებებს. მზე ნოემბერში მორიელშია, ძლიერ, ჯადოსნურ, მისტიკურ, ნიშანში. თუმცა, მოდი, თანმიმდევრულად მივყვეთ ასტროლოგიურ მოვლენებს და განვიხილოთ თითოეული მათგანი:

1-ლ ნოემბერს, 16:46-ზე, მორიელის მე-10 გრადუსზე გველოდება ახალმთვარეობა . უნდა ჩავიხედოთ საკუთარ თავში და ვიმუშაოთ იმაზე, რასაც ჩვეულებრივ ვუმალავთ სხვებსაც და საკუთარ თავსაც. მოგვიწევს დისციპლინა, მოთმინება, თვითკონტროლი და ნებისმიერი ჩვენი შიშის დაძლევის სურვილი.

2 ნოემბერს მერკური იცვლის ნიშანს, გადადის მშვილდოსანში დიდი ხნით, 2025 წლამდე 8 იანვრამდე. რატომ ასე დიდი ხანს? აქ მოუწევს რეტროგრადული სვლა. ჩვენი აზროვნება გახდება უფრო პოზიტიური და მოქნილი, დავიწყებთ სტრატეგიულ აზროვნებას და გრანდიოზულ გეგმებს დავსახავთ მომავლისთვის. ეს შესანიშნავი დროა უცხო ენების შესასწავლად, საზღვარგარეთ მოგზაურობისთვის, უცხო კულტურის შესასწავლად, სამეცნიერო საქმიანობისა და ტრენინგებისთვის. 26 ნოემბრიდან მოერიდეთ არაგონივრული და სულელური გადაწყვეტილებების მიღებას. მოსწავლეებს გაუჭირდებათ სწავლა, ახალი მასალის ათვისება.

17 ნოემბრის ჩათვლით მარსი პლუტონთან ოპოზიციაშია. ეს არის ნოემბრის ყველაზე საშიში პერიოდი, რომელიც ატარებს ძალაუფლებისა და რესურსებისთვის სასტიკი ბრძოლის ენერგიებს გლობალური მასშტაბით. იქნება ქაოსი, დაპირისპირება, ბევრი უცნაური სიკვდილი და გონივრული გადაწყვეტის არარსებობა. თითოეული ჩვენგანისთვის არის ტრავმული და კრიზისული პერიოდი, როდესაც უნდა ვიყოთ აქტიური და ფრთხილი, რათა თავიდან ავიცილოთ საშიში სიტუაციები. ამ დროს გირჩევთ, იყოთ მაქსიმალურად ფრთხილი და მოერიდოთ ხალხმრავალ ადგილებს.

1-დან 6 ნოემბრამდე ვენერა-იუპიტერის ოპოზიცია სიზარმაცისა და მფლანგველობისკენ მიგვიყვანს, ამიტომ უმჯობესია ამ დროს ძვირად ღირებული შესყიდვები არ დაგეგმოთ. სურვილი, რომ მიიღოთ სიამოვნება ცხოვრებიდან, უნდა იყოს გააზრებული.

1-დან 8 ნოემბრამდე მზე სატურნთან მეგობრულ კავშირშია. კარგი პერიოდია თქვენი მიზნის მისაღწევად შრომისმოყვარეობითა და მოთმინებით. გამოავლინეთ საქმიან ჭკუას, პრაქტიკულობა და პრაგმატიზმი. ღირს ამ პერიოდის გამოყენება თქვენი გეგმების პრაქტიკაში განსახორციელებლად.

2024 წლის 4 ნოემბრიდან 2025 წლის 6 იანვრამდე მარსი ლომში იქნება. რატომ ასე დიდხანს? აქ მოუწევს რეტროგრადული პერიოდი. ლომში მარსის ყოფნისას შეიცვლება სამხედრო თემებთან დაკავშირებული ყველაფრის ხარისხი. იმატებს დომინირება სამსახურშიც და ოჯახში, ბრძოლა ძალაუფლებისთვის. ჩვენი ქმედებები გახდება უფრო ღია, აქტიური და გამოკვეთილი. გავაქტიურდებით მიზნების მისაღწევად და გეგმების პრაქტიკული განხორციელებისთვის. იზრდება კონკურენციის გამო კონფლიქტები.

9 ნოემბერს ვენერასა და რეტრო ნეპტუნს შორის დაძაბულობაა, იქმნება ილუზიის, ღალატის და მოტყუების ატმოსფერო. თაღლითები აქტიურდებიან. დროულად მოიხსენით "ვარდისფერი სათვალე“.

11 ნოემბრიდან 6 დეკემბრის ჩათვლით - ვენერა თხის რქაში იქნება. ეს არის სიყვარულისა და ზოგადად გრძნობებისადმი სერიოზული დამოკიდებულების პერიოდი. ამიტომ, ზოგიერთს მოუნდება რომანტიკული ურთიერთობების ოფიციალური ქორწინებით დაგვირგვინება. მარტოხელებს ექნება შესაძლებლობა შეხვდნენ ადამიანს სერიოზული ურთიერთობისთვის. თუმცა, ეს არ არის საუკეთესო დრო რომანტიკისა და მარტივი ურთიერთობებისთვის. ხელსაყრელი პერიოდია საქმიანი თანამშრომლობისა და დიპლომატიური ურთიერთობების დასამყარებლად. ვენერა თხის რქაში მოითხოვს სიცივეს ურთიერთობებსა და ფინანსებში. ამ ტრანზიტის დრო ხშირად იწყება საოფისე რომანები.

14-დან 21 ნოემბრამდე მზე ურანთან ოპოზიციაში იქნება. ამ პერიოდში შეიძლება არაპროგნოზირებადი მოვლენები მოხდეს მსოფლიოში. ლიდერებმა და გავლენიანმა ადამიანებმა მიიღონ მოულოდნელი გადაწყვეტილებები, რომლებიც იქნება დაკავშირებული უძრავ ქონებასთან, ფინანსებთან. ამ პერიოდში ფსიქოლოგიურ დონეზე, შეიძლება ვიგრძნოთ აგზნებადობა, დაძაბულობა და უძილობა. სიფრთხილე გმართებთ ელექტროენერგიასთან.

15 ნოემბრიდან სატურნი გამოდის რეტროგრადული სვლიდან. 19-მდე სტაციონარული იქნება და ამ დროს უმჯობესია არ ჩაერთოთ მიწის, უძრავი ქონების ყიდვა-გაყიდვასთან დაკავშირებულ საქმეებთან და რემონტთან. მაგრამ 20 ნოემბრიდან უკვე შეგიძლიათ დაიწყოთ ყველა ამ საკითხის მოგვარება.

16 ნოემბერს 01:28-ზე სავსემთვარეობა გველოდება კუროს ზოდიაქოს 24-ე გრადუსზე. ყურადღება მიაქციეთ ფინანსურ სექტორში და უძრავ ქონებასთან დაკავშირებულ მოვლენებსა და ცვლილებებს. ზოგიერთის ცხოვრება და მოვლენები მსოფლიოში ყველაზე შოკისმომგვრელი იქნება.

20 ნოემბერი პლუტონი იცვლის ნიშანს და საბოლოოდ 2043 წლამდე გადადის მერწყულში. მანამდე 2008 წლიდან იყო თხის რქაში. ეს არის გლობალური მოვლენა და ამის შესახებ სტატია გვაქვს საიტზე და შეგიძლიათ გაეცნოთ. მოკლედ კი გეტყვით, რომ პლუტონი მერწყულში ცუდ პოზიციაშია. გველოდება გლობალური ცვლილებები, რომლებიც დაკავშირებულია კოლექტიურ ცნობიერებასთან, თავისუფლებასთან, მეცნიერებასა და ტექნოლოგიურ პროგრესთან. მერწყულის დროს ყველაზე მკაცრი ზამთარია, იცის ძლიერი ქარი და თოვლის ნაკადები. პლუტონის გავლენით კი ცვლილებები იქნება გამანადგურებელი და ძლიერი, ამინდის მსგავსი.

21 ნოემბერს მზე ერთი თვით გადადის მშვილდოსნის ნიშანში. დგება დრო, როცა, ოპტიმიზმით ავივსებით, პოზიტიურები გავხდებით და გრანდიოზულ გეგმებს დავსახავთ. იღვიძებს ადამიანებში ხეტიალის, სხვა ქვეყნების სამყაროს, კულტურებისა და რელიგიების შესწავლის სურვილს.

26 ნოემბრიდან 16 დეკემბრის ჩათვლით მერკური რეტროგრადულია მშვილდოსანში. უმჯობესია არ დაიწყოთ ახალი ბიზნესი, რომელიც უკავშირდება ვაჭრობას, დოკუმენტაციას, ტრენინგს, კომუნიკაციებს და მანქანის ყიდვა-გაყიდვას. სიფრთხილე გმართებთ ახალ ნაცნობებთან, საჭესთან, უცხოელებთან, საზღვარგარეთ მოგზაურობისას.

27 ნოემბერს მზისა და მარსის ჰარმონიული ასპექტი მოიტანს ნათელ და პოზიტიურ მოვლენებს. ბევრი რამ თავის ადგილზე დადგება, თავსატეხი სრულდება.

ბედნიერ თვეს გისურვებთ!