2023 წლის ასტროლოგიური პროგნოზი ქალი და მამაკაცი მერწყულებისთვის

წარმატებული და ნაყოფიერი წელი გელოდებათ. მოგინდებათ ცვლილებები, სიახლეების გაცნობა, საკუთარი შესაძლებლობების მეტად გამოვლენა. თამამად მოკიდეთ ხელი ახალ პროექტებს, ჩაერთეთ ახალ საქმეებში; მიიღებთ ახალ თანამდებობას. განახორციელეთ ახალი იდეები. თუ მოინდომებთ, წარმატებას მიაღწევთ პროფესიულ სფეროში. პირად ცხოვრებაშიც გელოდებათ სასიკეთო ცვლილებები. მარტოხელები შეხვდებით ადამიანს, რომელსაც დიდხანს ელოდით. მაგრამ აქვე უნდა გაგაფრთხილოთ, ერთია შეხვდე ადამიანს, გაჩნდეს ურთიერთსიმპათიები და მეორეა შეინარჩუნო ეს კავშირი. ნუ იქნებით ეგოისტური, ჩაციკლული საკუთარ მოთხოვნებზე. ხანდახან გარშემო მყოფებზეც უნდა იზრუნოთ. გაითვალისწინეთ მათი რჩევები და თხოვნები. საუკეთესო წელია ახლის შესასწავლად; ახალი საქმიანი კონტაქტების დასამყარებლად.

რას გიმზადებთ იუპიტერი 2023 წელს

გამარჯვებისა და დიდი ბედნიერების პლანეტა იუპიტერი დაგეხმარებათ ახალი მეგობრების შეძენაში. გახშირდება მიმოსვლა, მივლინება. კარგი იქნება თუ ჩაეწერებით ახალ სასწავლო ან უცხო ენის კურსებზე; მასტერ-კლასებსა და ტრენინგებზე. ზოგიერთმა შეიძლება ახალი პროფესია აითვისოთ. მეტად უნდა გააქტიურდეთ სოციუმში. წარმატება გელოდებათ, თუ თქვენი საქმიანობა დაკავშირებულია ტექნოლოგიებთან, მეცნიერებასთან. გაგიუმჯობესდებათ დამოკიდებულება და-ძმებთან, გავლენიან მეზობლებთან. გახშირდება ცოდნის, ინფორმაციის გაცვლა, კომუნიკაცია. ჩაერთეთ ინტელექტუალურ საქმიანობაში ახალი ხელშეკრულებების გაფორმება შემოსავალსაც მოგიტანთ და ავტორიტეტსაც აგიმაღლებთ. საქმიანი შეხვედრების დროს იყავით დაკვირვებული, გაიუმჯობესეთ დამოკიდებულება პარტნიორებთან. სასიამოვნო ამბებს მიიღებთ უცხოეთიდან.

რას გიმზადებთ სატურნი 2023 წელს

აკრძალვების, შეზღუდვებისა და პასუხისმგებლობის პლანეტა სატურნი მოგიწოდებთ, რომ ნაყოფიერად იმუშაოთ, მეტი პასუხისმგებლობა გამოავლინოთ ვალდებულებებისადმი. იყოთ დაკვირვებული ფინანსური საკითხების მოგვარებისას; ფული გააზრებულად ხარჯოთ. უნდა გამონახოთ შემოსავლის დამატებითი წყარო. კარგი იქნება, თუ ფულს დააბანდებთ სარფიან ბიზნესში. სატურნი ცვლილებებსაც გპირდებათ. ნუ შეიქმნით ილუზიებს, რეალისტურად იმოქმედეთ. უნდა მოიცილოთ ყველაფერი ის, რაც აღარ განიჭებთ სიამოვნებას, დაემშვიდობოთ კომპლექსებს შიშებს. არაა გამორიცხული, გადაწყვიტოთ ზედმეტი წონის დაკლება.

2023 წლის სასიყვარულო პროგნოზი

რომანტიკული ნაცნობობ ამთელი წლის განმავლობაში გელოდებათ, მაგრამ თქვენი გადასაწყვეტია, ვის დაიტოვებთ გვერდით და ვისთან დაკმაყოფილდებით ფლირტით, ვნებიანი რომანით. თავადაც უნდა გააქტიურდეთ, რომ გაიუმჯობესოთ პირადი ცხოვრება. ეს მარტოხელებსაც გეხებათ და დაქორწინებულებსაც. იყავით რომანტიკული და მზრუნველი საყვარელი ადამიანის მიმართ. ხშირად ესაუბრეთ, დაინტერესდით მისი ცხოვრებით. მოუწყვეთ რომანტიკული საღამოები, სიურპრიზები. ერთად გაემგზავრეთ შვებულების გასატარებლად. თქვენი სიყვარულის გადასარჩენად თავად თუ არ გააქტიურდებით, ვერავინ გიშველით.

2023 წლის ფინანსური პროგნოზი

თუ მონდომებთ და ბეჯითად იმოქმედებთ, ფულში გაჭირვება არ გელოდებათ. ნუ დაელოდებით, რომ ვიღაც შეგიქმნით ფინანსურ სტაბილურობას, არა, თავად უნდა გააქტიურდეთ. უნდა გამონახოთ შემოსავლის დამატებითი წყარო, უნდა დააბანდოთ ფული. გაიხსენეთ ჰობი ან განახორციელეთ ახალი იდეები, რაც ფულს მოგიტანთ. ამასთან, გირჩევთ, მეტად პრაქტიკული და ეკონომიური გახდეთ. თუ ძვირად ღირებული ნივთების შეძენა გაქვთ გადაწყვეტილი, აპრილისთვის დაგეგმეთ. შემოდგომაზე მიიღებთ მატერიალურ ჯილდოს, პრემიას.

2023 წლის მკვეთრი ცვლილებები

მოულოდნელობების პლანეტა ურანი ცვლილებებს მოგიტანთ ოჯახში, მშობლებთან და ნათესავებთან ურთიერთობაში. არ დაძაბოთ მათთან ურთიერთობა. ნუ გაგიკვირდებათ, თუსახლში ხშირად გამოვა წყობიდან ელექტრონივთები, კომპიუტერული ტექნიკა. ზოგიერთ ნათესავთან შეიძლება გაწყვიტოთ კავშირი, განქორწინდეთ მეუღლესთან. ხოლო, თუ ოჯახის შენარჩუნება გსურთ, უნდა იზრუნოთ კავშირის გაუმჯობესებაზე. ხშირად მოაწყვეთ ოჯახური პიკნიკები, გაემგზავრეთ უცხოეთში. გამონახეთ გასართობი, რაშიც მეუღლესთან ერთად ჩაერთვებით.

2023 წელს სად იპოვით შთაგონებას

მოერიდეთ ფინანსურ მაქინაციებში ჩართვას; აფერისტ ადამიანებს არ ანდოთ ფული. ონლაინგადარიცხვების დროსაც კი გმართებთ სიფრთხილე. განსაკუთრებული დაკვირვება გამოავლინეთ, თუ ძვირად ღირებული ნივთების შეძენას აპირებთ ან თავად ყიდით. ზომიერება გმართებთ ფულის ხარჯვისას. ზოგიერთს ფული შეიძლება მოგიტანოთ შემოქმედებითი იდეების განხორციელებამ, ხელოვნებაში ფულის დაბანდებამ. დაიწყეთ ფოტოების გადაღება, გამოავლინეთ თქვენი ნიჭი მუსიკაში, მხატვრობაში. ამასთან, აქვე უნდა გაგაფრთხილოთ, რომ იყოთ მაქსიმალურად დისციპლინირებული და დაწყებული პროექტები აუცილებლად დაასრულოთ.

2023 წლის ჯანმრთელობა

გაზაფხულზე იზრუნეთ იმუნიტეტის ამაღლებაზე, გაიკაჟეთ სხეული. ჩაიტარეთ სამკურნალო კვლევა. არ დაარღვიოთ კვებითი რეჟიმი, მოერიდეთ ალკოჰოლის მიღებას. თუ კუჭ-ნაწლავთან დაკავშირებული უსიამოვნებები გაწუხებთ, გაესინჯეთ გასტროენტეროლოგს. გახსოვდეთ, რომ კუჭთან დაკავშირებული სიმპტომები შეიძლება ზედმეტი ნერვიულობით, სტრესით იყოს გამოწვეული. პერიოდულად უნდა დაისვენოთ, უარი არ თქვათ შვებულებაზე. მსუბუქი ვარჯიში კარგია, იარეთ ფეხით, ჩაეწერეთ აუზზე. გაფრთხილდით ტრავმებისაგან და ფრთხილად, თუ თქვენი საქმიანობა დაკავშირებულია ტექნიკასთან.დაიცავით უსაფრთხოების ნორმები.