2022 წლის ასტროლოგიური პროგნოზი აღმოსავლური ნიშნებისთვის: გაგანებივრებთ თუ არა წლის მბრძანებელი? და რა სფეროში გელით წარმატება?

2022 წელი მოდის და ყველას აინტერესებს, როგორი იქნება ახალი წელი, რომლის მმართველიც აღმოსავლური კალენდრით შავი ვეფხვი იქნება. ვეფხვი გამარჯვებას ჰპირდება ამბიციურ, მიზანმიმართულ ადამიანებს, რომლებიც დიპლომატიურად მოქმედებენ და ინტუიციასა და ინტელექტს ეყრდნობიან. ვეფხვს რომანტიკული და ბედნიერი ქორწინება სურს. ზოგადად, წელს მეტი დრო და ყურადღება უნდა დაუთმოთ ოჯახს, სახლს, ბავშვებს. იზრუნოთ ოჯახური ღირებულებების შენარჩუნებაზე, წინაპრების ტრადიციების აღდგენაზე. მარტოხელებს რომანტიკული ნაცნობობა გელით. მოიმატებს ხანმოკლე რომანების რაოდენობაც. 2022 წელი საუკეთესოა ჩასახვისა და შვილის გაჩენისთვის. ოჯახში "ვეფხვის" დაბადება აღმოსავლეთში ბედნიერი ნიშანია.

ვირთხა

დიდ გამარჯვებას ნუ ელით. წელს უფრო უნდა გასცეთ, ვიდრე მიიღოთ. ბიზნესისა განვითარებასა და კარიერულ წინსვლაში ახლო მეგობრები და ნათესავები დაგეხმარებიან. პირად ცხოვრებაში უსიამოვნება მომენტები გელით. განსაკუთრებით, თუ მერყევ და უპასუხისმგებლო პარტნიორს დაუკავშირებთ ბედს. ნუ მიიღებთ დაუფიქრებელ გადაწყვეტილებებს პირად ცხოვრებასთან დაკავშირებით. ფინანსურ სიტუაციაში ზარალი უფრო მეტი გექნებათ, ვიდრე მოგება. იმისათვის, რომ ვალებში არ გადავარდეთ, ძლიერი ნებისყოფა და მოთმინება უნდა გამოავლინოთ. გირჩევთ, მოძებნოთ ისეთი სამსახური, რომელიც პერსპექტიულიც იქნება და მატერიალურ კეთილდღეობასაც მოგიტანთ. თუ სამსახურში ხელმძღვანელ თანამდებობაზე ხართ, იყავით კოლეგების მიმართ დიპლომატიური, ბრძნული გადაწყვეტილებები მიიღეთ და ხშირად გაიღიმეთ. ზოგადად, უმჯობესი იქნება, თუ პოზიტიური იქნებით გარშემო მყოფებთან.

ხარი

უნდა იბრძოლოთ საკუთარი პოზიციების გასამყარებლად, მზის ქვეშ თქვენი კუთვნილი ადგილი დასაკავებლად, არ იზარმაცოთ. მოსალოდნელია ცვლილება კარიერის სფეროში. მიიღებთ კითხვაზე პასუხზე, რაც დიდი ხანია გტანჯავდათ. მიმართეთ ენერგია მატერიალური მდგომარეობის გაუმჯობესებისკენ, დაწინაურებისკენ. ზოგიერთმა შეიძლება, გაიუმჯობესოთ საცხოვრებელი პირობები ან ახალი ბინის მფლობელი გახდეთ. პირად ცხოვრებაში სიფრთხილე და დაკვირვება გმართებთ. იყავით მომართული ურთიერთობაში დიდი ხნით რომანტიკის შენარჩუნებაზე. კარგი წელია დაოჯახებისთვის. მიუხედავად მცირე დაბრკოლებებისა, საინტერესო მოვლენებიც ხშირად გექნებათ და წარმატების შანსიც, მთავარია, გულით მოინდომოთ.

ვეფხვი

ვეფხვი ვეფხვებს ყველაფერ საუკეთესოს მოგიტანთ. წარმატება გელით ცხოვრების სხვადასხვა სფეროში: ვეფხვი გპირდებათ კარიერულ წინსვლას, ფული ყველაფერზე გეყოფათ, პირად ცხოვრებაში ჰარმონია დაისადგურებს. თუმცა, კონკურენტებთან სიფრთხილე გმართებთ. მათგან მოსალოდნელია ტყუილი და ღალატი. ისწავლეთ გარშემო მყოფებთან მშვიდად თანაცხოვრება. დაუმეგობრდებით გავლენიან ადამიანებს. თუ სწორად დაგეგმავთ, ყველა სიტუაციიდან გამარჯვებული გამოხვალთ. მოერიდეთ ფულის დაბანდებას საეჭვო საქმიანობაში. რომანტიკული განწყობა მოქმედების, ახალი მწვერვალების დაპყრობის სურვილს გაგიჩნეთ. ზოგიერთმა შეიძლება უცხოელზე გადაწყვიტოს დაქორწინება. დაწყვილებულების ცხოვრებაში მოიმატებს ჰარმონია, ერთმანეთის გაბედნიერების სურვილი.

კურდღელი/კატა

ნუ იცხოვრებთ მოლოდინსა და ილუზიაში. ყველაფერი დეტალურად უნდა გქონდეთ გათვლილი. ყურადღება მიაქციეთ წვრილმანებს, მინიშნებებს. ეს დაგიცავთ შეცდომებისა და იმედგაცრუებისგან. რეალურად შეაფასეთ საკუთარი შესაძლებლობები, მოვლენები და გარშემო მყოფები. ამასთან, იყავით ინფორმირებულიც, გეგმაზომიერიც. წარმატება გელით სოციალურ და მატერიალურ სფეროში. სხვათა შორის, თუ ზომიერად განკარგავთ ფინანსებს, ფულის დაგროვებასაც შეძლებთ, რაც თვითრწმენას კიდევ უფრო მოგიმატებთ. კარიერაში გავლენიანი ადამიანების მხარდაჭერა გელით. მათი დახმარებით მიზნების განხორციელებას შეძლებთ. გააზრებულად მოაწერეთ ხელი ახალ ხელშეკრულებებს და ჩაერთეთ ახალ პროექტებში. ქარაფშუტული ნაბიჯის გადადგმა სიყვარულშიც კი არ გეპატიებათ. დაწყვილებულების ცხოვრებაში იმატებს სირთულეები. ამიტომ, მაქსიმალური სიდინჯე გმართებთ. გახსოვდეთ, რომ ნამდვილი გრძნობა არ ქრება და უსიამოვნებების ერთად გადალახვა კიდევ უფრო შეგაკავშირებთ.

დრაკონი

პროფესიულ სფეროში გრანდიოზული ცვლილებები გელოდებათ. წინსვლა ელით გამოცდილ და კარიერაზე მომართულ ნიშნებს. მოერიდეთ ჭირვეულობას, ილუზიებში გადავარდნას და იყავით მომართული გამარჯვებაზე. ზოგიერთი გადაწყვეტს საკუთარი თავისა და ძალის ახალ სფეროში მოსინჯვას. ნუ შეუშინდებით სიახლეებს, სირთულეებს, ყველაფერი გამოგივათ. ჩაერთეთ მსხვილ პროექტებში. თუმცა, ფინანსური საკითხები წინასწარ განიხილეთ. ზოგადად, 2022 წელს ფული ზომიერად უნდა ხარჯოთ. მოერიეთ კონფლიქტს გარშემო მყოფებთან. ნუ იქნებით პრეტენზიული და ეჭვიანი საყვარელი ადამიანის მიმართ.

გველი

თუ პროფესიაში პროფესიონალიზმსა და ცოდნას გამოავლენთ, არანაირი საფრთხე არ გემუქრებათ უფრო მეტი, გეძლევათ შანსი, რომ კიდევ უფრო მეტ წარმატებას მიაღწიოთ, აიმაღლოთ ცოდნა, კვალიფიკაცია. არ გირჩევთ კოლეგებთან წინასწარ ტრაბახს, ყველა სიახლე წარმატებულად დასრულებული პროექტის შემდეგ აცნობეთ. 2022 წლის მმართველი ფულის ფლანგვას არ გირჩევთ, აი, დაბანდება კი დეტალურად უნდა გათვალოთ, უსიამოვნებების თავიდან ასაცილებლად. საყვარელ ადამიანთან ურთიერთობაში წყალქვეშა ქვებს ოსტატურად უნდა აუაროთ გვერდი. იყავით უფრო კეთილი და გულისხმიერი მის მიმართ.საკუთარი თავი კი ხშირად გაინებივრეთ გამაჯანსაღებელი პროცედურებით, ახალი სამოსით.

ცხენი

გულახდილად რომ გითხრათ, დაიღალეთ პრობლემებისა და წარუმატებლობისგან. 2022 წელს ყველა დაბრკოლებისაგან გათავისუფლებით. წარმატება გელით ცხოვრების სხვადასხვა სფეროში. პირად ცხოვრებაში - თავგადასავლები და რომანტიკა. სამსახურში - წარმატება და პოზიტიური ემოციები. რთულ სიტუაციებს მარტივად გაუმკლავდებით. ის პროექტები, რომლებიც რაღაც მიზეზის გამო გადადებული გქონდათ, ვეფხვის წელში რეალიზდება და გამარჯვებას მოგიტანთ. გახშირდება მივლინა, მოგზაურობა. გაგიუმჯობესდებათ მატერიალური მდგომარეობა. თუმცა, ხარჯიც მოიმატებს ოჯახთან, სახლის მოწყობასთან, სურვილების დაკმაყოფილებასთან დაკავშირებული. თუ სტუდენტი ხართ, წარმატებით ჩააბარებთ გამოცდებს, გაივლით გასაუბრებას. გაგიუმჯობესდებათ დამოკიდებულება საყვარელ ადამიანთან, თუ კრიტიკულ მომენტში ემოციების მოთოკვას ისწავლით.

თხა

საინტერესო, გავლენიან ადამიანებს გაიცნობთ და პერსპექტივებიც გამოგიჩნდებათ. დააგროვილ გამოცდილებას კი ახალ საქმეებში, თანამდებობაზე გამოიყენებთ. კარგი იქნება, სწავლა, პროფესიის დახვეწა. ნუ გაგიკვირდებათ, თუ გამოგიჩნდებიან კონკურენტები და მოშურნეები. თუ გეგმა დეტალურად და გონივრულად გექნებათ შედგენილი და მის განხორციელებაზე დროსა და ენერგიას არ დაუშურებთ, ვერავინ ვერაფერს დაგაკლებთ. ფული უნდა დააბანდოთ სარფიან საქმიანობაში. მოერიდეთ ფულის სესხებას მეგობრებისგან, უმჯობესია, კრედიტი აიღოთ. თუმცა, ეკონომიურობა ყველაზე კარგი იქნება. მარტოხელებს რომანტიკული ნაცნობობა გელით, თუმცა, ამ სფეროშიც გმართებთ დაკვირვებულობა.

მაიმუნი

საინტერესო და აქტიური წელი გელოდებათ. უნდა მოინდომოთ, რომ ღირსეულად გადალახოთ სირთულეები. მოგინდებათ პირადი ტერიტორიის დაცვა. სასურველის მისაღებად უნდა გამოიყენოთ პირადი კავშირები. ავტორიტეტს აიმაღლებთ, თუ გავლენიან ადამიანებთან იმეგობრებთ. ნუ დაუპირისპირდებით კონკურენტებს, მტრებს. არ გირჩევთ ახალ სამსახურში თქვენი წესების დამყარებას. უმჯობესია, დიპლომატიურად იმოქმედოთ. პროფესიაში მოკავშირეებს მტრად ნუ გაიხდით. შეინარჩუნეთ ის რაც გაქვთ, იყავით მომთმენი. 2022 წელი დაგამახსოვრდებათ მივლინებებით. ფინანსები თავზე არ გადაგივათ. თუ დანაზოგი გაქვთ, რამე კარგ საქმიანობას მოახმარეთ.

მამალი

ყველაფერი ახალი და არაორდინარული დაგაინტერესებთ. ვერაფერი გაიძულებთ, რომ წარსულში დაბრუნდეთ. პირიქით, მოგინდებათ გლობალური მიზნების დასახვა და მათი განხორციელება. გააქტიურდით, რომ საქმემ მეტი შემოსავალი მოგიტანოთ. ვერ გეტყვით, რომ ყველაფერს მარტივად მიაღწევთ, მაგრამ შედეგით აუცილებლად კმაყოფილი დარჩებით. დახმარებისთვის მხოლოდ ახლობლებს მიმართეთ, ვისი იმედიც შეიძლება გქონდეთ. 2022 წელს მეტად უნდა იზრუნოთ საკუთარი თავის გაუმჯობესებაზე. გაქვთ შანსი, რომ გაიმარჯვოთ. მთავარია, მოინდომოთ. ვეფხვის წელში უნდა იზრუნოთ მატერიალური მდგომარეობის გაუმჯობესებასა და კარიერულ წინსვლაზე. აკონტროლეთ ბიუჯეტი, მოერიდეთ დაუფიქრებელ ხარჯს. თუ სწავლას გადაწყვეტთ, ფულის ხარჯვა მოგიწევთ. პირად ცხოვრებაშიც გელით ცვლილება - ახალი პარტნიორი ან დაშორება არსებულთან.

ძაღლი

2022 წელი იქნება სიურპრიზებისა და მოულოდნელი სიტუაციების. მზად იყავით ცვლილებებისთვის, რომელსაც იღბალი გიგზავნით. უამრავი სასიხარულო მომენტი გექნებათ. მოგინდებათ ბრძოლა უკეთესი ცხოვრებისთვის, კარიერული წინსვლისთვის, ფინანსური კეთილდღეობისთვის. ვეფხვი მუდამ დაგეხმარებათ. თუ ფულს სარფიან საქმიანობაში დააბანდებთ, გაგიუმჯობესდებათ მატერიალური მდგომარეობა. ნუ იტყვით უარს საინტერესო შემოთავზებებზე. თუ ხელშეკრულებას გააფორმებთ, სასურველი ნივთების შეძენას შეძლებთ. ახლობლები ხშირად მოგმართავენ დახმარებისა და რჩევისთვის პირად ცხოვრებასა და ჯანმრთელობასთან დაკავშირებით. თუმცა, ნურც საკუთარ თავს დაივიწყებთ. რომანტიკული ურთიერთობები გელით, მაგრამ თუ არ მოისურვებთ, ვერც დაქორწინდებით. გირჩევთ, დაიცვათ კვების, ძილისა და დასვენების რეჟიმი.

ღორი

თუ მოინდომებთ და გააქტიურდებით, მწვერვალებს მიაღწევთ. შანსები და შემოთავაზებები საკმაოდ გექნებათ. მთვარია, მომენტი არ გაუშვათ ხელიდან. არ გამოვლინოთ მღელვარება და ჭოჭმანი. გაბედულად იმოქმედეთ, თქვენ ყველაფერი გამოგივათ. აიყვანეთ საკუთარი თავი ხელში და მიიღეთ კონკრეტული, სწორი გადაწყვეტილებები. წარმატება გელით სამსახურშიც, ბიზნესშიც და პირად ცხოვრებაშიც. ძველი პრობლემები წარსულში დარჩება. მარტივად შეძლებთ სირთულეების გადალახვას და პატიოსანი ქცევით გარშემო მყოფებში ავტორიტეტსაც კი აიმაღლებთ. ზოგიერთმა შეიძლება ფულის დაბანდება გადაწყვიტოთ და გონივრული ნაბიჯის გადადგმის შემდეგ მატერიალური მდგომარეობა გაგიუმჯობესდებათ კიდეც. შანსი მოგეცემათ, გაისტუმროთ ძველი ვალები. სიყვარულის ბუშტი გაგისკდებათ იმ ადამიანის მიმართ, ვისთანაც დიდი ხანია მეგობრობთ ან ერთად მუშაობთ. იზრუნეთ ჯანმრთელობაზე. ნუ გადატვირთავთ ორგანიზმს, კარგი იქნება დიეტის დაცვა.