2021 წლის ასტროლოგიური პროგნოზი სხვადასხვა წელს დაბადებული ვერძებისთვის - ჩინური ჰოროსკოპი

ვერძი - ხარი

სიფრთხილით მოეკიდეთ სიახლეებს. მოერიდეთ კონფლიქტურ სიტუაციებს. აკონტროლეთ ემოციები. ენერგია მხოლოდ კეთილი საქმეების შესრულებისკენ მიმართეთ. კარგი იქნება, თუ გათავისუფლდებით მავნე ჩვევებისგან და იზრუნებთ ფიზიკური მდგომარეობის გაუმჯობესებაზე. გაგიუმჯობესდებათ დამოკიდებულება მეუღლესთან და შესაძლოა, მშობელიც კი გახდეთ. შეყვარებულები მოერიდეთ კამათს. გირჩევთ, დააკანონოთ თქვენი ურთიერთობა. თავისუფალი დრო დაუთმეთ ჰობის. ფინანსურ სფეროში სტაბილურობა გელით, მცირე თანხის გადადებასაც კი მოახერხებთ, რომ სრულფასოვნად დაისვენოთ.

ვერძი - ვირთხა

ყოველთვის ინტუიციაზე დაყრდნობით იმოქმედეთ, რათა სწორად დააბანდოთ ფული, მიიღოთ სარგებელი, მოაგვაროთ საქმეები. მოერიდეთ აფერისტულ ქმედებებს. წელს უნდა დაოსტატდეთ თქვენს სპეციალობაში. შემოდგომაზე მეგობრების მხარდაჭერით სურვილს აისრულებთ. ფულის ხარჯვა მოგიწევთ ბინის რემონტზე, პირადი ბიზნესის გახსნაზე, დასვენებაზე, იმიჯზე. მარტოხელები შეხვდებით თქვენს შესაფერის, მზრუნველ და ლოიალურ პარტნიორს. ვინც უკვე რომანტიკულ ურთიერთობაში ხართ, გაამყარეთ კავშირი.

ვერძი - ცხენი

წარმატება გელით პროფესიულ საქმიანობაში. ეს შეეხება დაქირავებულ თანამშრომლებსაც და ბიზნესმენებსაც. ორივე შეძლებთ “ოლიმპის“ მწვერვალზე მოექცეთ. მოერიდეთ უსიამოვნო ადამიანებთან კონტაქტებს, მათთან კამათს. ნუ გაამხელთ იდეებს, სანამ მათ არ განახორციელებთ. იმოქმედეთ თავდაჯერებულად. იზრუნეთ ჯანმრთელობაზე; გათავისუფლდით, მავნე ჩვევებისგან, დაიწყეთ ვარჯიში. პირად ცხოვრებაში წუნია ნიშნებსაც კი ელით რომანტიკული შეხვედრები. პირადი ცხოვრების მოსაწესრიგებლად გულისკარნახით იმოქმედეთ.

ვერძი - კურდღელი

თავადაც იცით, როგორ უნდა მოიქცეთ და რა თვისებები უნდა გამოავლინოთ, სამსახურში წარმატებას რომ მიაღწიოთ. თქვენი შარმი და მომხიბვლელობაც შესაფერისად გამოიყენეთ. ფინანსურ სფეროში შეფერხებები არ გელით. თუმცა, წლის პირველ ნახევარში ეკონომიის გაწევა მაინც მოგიწევთ, თუნდაც იმისთვის, რომ სწავლისთვის ან დასვენებისთვის გადადოთ ფული. წლის ბოლოს კი იმასაც შეიძენთ, რაც დაგეგმილი არც გქონდათ. გარშემო მყოფებს თქვენი კარგი ხასიათით შეაყვარებთ თავს. მარტოხელებს დაწყვილების სურვილი გაგიჩნდებათ. შეყვარებულებს - დაქორწინების. ნუ აჩქარდებით, ყველაფერს თავისი დრო აქვს.

ვერძი - ვეფხვი

სიურპრიზებით აღსავსე წელი გელით. დაწინაურება, სასურველი ნივთების შეძენა და მატერიალური მდგომარეობის გაუმჯობესება გელით. იშვიათად გადაეყრებით სირთულეებს და მათაც მშვიდობიანად მოაგვარებთ. იყავით მომართული მთავარზე, რაც გამარჯვებას მოგიტანთ. შრომისმოყვარეებმა სამართლიანად დაამარცხეთ კონკურენტები. გამონახეთ მეტი დრო პირადი ცხოვრების მოსაწყობად. შეიძლება რომანი ძველ მეგობართან გააბათ. დაქორწინებულებმა მეტად დაატკბეთ და დაათბეთ ურთიერთობა.

ვერძი - დრაკონი

მეტი დრო დაუთმეთ თვითგანვითარებას. ახალი შესაძლებლობები გადაგეშლებათ: ეს შეიძლება იყოს პირადი საქმის გახსნა ან ინვესტიცია. გააზრებულად და გეგმაზომიერად იმოქმედეთ. ფინანსებში პრობლემები არ გელით, თუ არ იზარმაცებთ, ფული მუდამ საკმარისად გექნებათ, შვებულებასაც კი მდიდრულს მოიწყობთ. მარტოხელებს გაგიუმჯობესდებათ დამოკიდებულება საწინააღმდეგო სქესის წარმომადგენლებთან. დაქორწინებულები მოთმინებით უნდა აღიჭურვოთ, საყვარელ ადამიანთან ურთიერთობა რომ არ დაგეძაბოთ.

ვერძი - მამალი

წარმატება გელით ყველა იმ საქმეში, რასაც ხელს მოკიდებთ. ენერგიული ხართ და მიმართეთ იგი პროფესიული წარმატებისაკენ. წამოჭრილი სირთულეებისადმი მეტი დაკვირვება გმართებთ. პერიოდულად დაპაუზდით და პასიურად დაისვენეთ. გახსოვდეთ, რომ მხოლოდ ფულს არ მოაქვს ბედნიერება. სხვათა შორის, წლის ბოლოს მსხვილი შენაძენები გელით. თქვენი პირადი ცხოვრება “ამერიკულ მთებს“ დაემსგავსება. დაქორწინებულებმა მეტად გაანებივრეთ მეუღლე სიურპრიზებით.

ვერძი - გველი

მუხლჩაუხრელად მოგიწევთ შრომა სასურველის მისაღწევად. ნუ შეგეშინდებათ ინიციატივის გამოვლენა. ეცადეთ, შეინარჩუნოთ და გააუმჯობესოთ მიღებული შედეგი. დაკვირვებულად იმოქმედეთ და დაიზღვიეთ თავი შეცდომებისგან. წლის პირველ ნახევარში მეტი სირთულე გექნებათ გადასალახი, ივნისიდან კი მეტად ამოისუნთქავთ. წლის ბოლოს შეიძლება დაწინაურდეთ, გაიუმჯობესოთ დამოკიდებულება უფროსთან, მოგემატოთ ხელფასი. ფული საკუთარ თავში, განათლებაში დააბანდეთ. გვერდით მხოლოდ თქვენი შესაფერი ადამიანები დაიყენეთ.

ვერძი - ძაღლი

დაკვირვებული უნდა იყოთ თითოეული დეტალის, ინფორმაციის, ადამიანის მიმართ. დაიმეგობრეთ ახალგაცნობილები, ნუ მოგერიდებათ დისკუსიებში ჩართვის და საკუთარი მოსაზრების გამოთქმის. ფული გონივრულად განკარგეთ. პირად ცხოვრებაში სიმშვიდე და ბედნიერება გელით, ყველგან მზრუნველობას მიიღებთ. ახალ პარტნიორთან საუკეთესო თვისებებს გამოავლენთ. ზოგიერთები ახალ სიყვარულს შეიძლება მივლინების დროს შეხვდეთ. დაქორწინებულებს კი ოჯახში მატება გელით.

ვერძი - თხა

რაც უფრო გაბედულად და მიზანმიმართულად იმოქმედებთ, მით მოიგებთ. ნუ გადადებთ მომავლისთვის იმ პრობლემების მოგვარებას, რასაც დღესვე გაუმკლავდებით. ებრძოლეთ სიზარმაცეს. სამსახურში მეტად გამოავლინეთ შრომისმოყვარეობა და დაკვირვებულობა. თუ კარგად იმუშავებთ, დასვენებასაც კარგად შეძლებთ. იყავით მობილიზებული პირადი ცხოვრების გასაუმჯობესებლად. რომანი შეიძლება კოლეგასთან გააბათ. თუ დაქორწინებული ხართ, მოერიდეთ მეუღლის ღალატს. იზრუნეთ ოჯახის ბედნიერებაზე.

ვერძი - მაიმუნი

არ მოატყუოთ და არ ეჩხუბოთ გარშემო მყოფებს. იყავით მეტად დამთმობი, მაგრამ არც საკუთარი თავი დააზარალოთ. ფინანსურ სფეროში სტაბილურობა გელით და კაპიტალის დაბანდებასაც კი შეძლებთ. ნუ დასვამთ წერტილს იქ, სადაც შეიძლება მძიმე დასვათ. ობიექტურად შეაფასეთ მოვლენები. საყვარელი ადამიანისა და ნათესავების დახმარების იმედი გქონდეთ. გაუფრთხილდით თქვენთვის ძვირფას ადამიანებს. დაქორწინებულებმა მეორე ან მესამე “თაფლობის თვე“ მოიწყვეთ.

ვერძი - ღორი

წლის ნებიერა ხართ, ყველაფერი გამოგივათ, რასაც მოისურვებთ. მოგება იქნება შთამბეჭდავი. ისარგებლეთ მომენტით და გაიუმჯობესეთ პოზიცია სამსახურში. მოინდომეთ, რომ დაწინაურდეთ, გააფართოოთ ბიზნესი. რაც უფრო კარგად იმუშავებთ, მით მეტად გაგიუმჯობესდებათ მატერიალური მდგომარეობა. პირად ცხოვრებაში მეტად გაბედული უნდა იყოთ. გადადგით პირველი ნაბიჯი გასაცნობად, ურთიერთობის გასაუმჯობესებლად. დაქორწინებულებმა მეტი დრო გაატარეთ ოჯახში, იზრუნეთ ჰარმონიის შექმნაზე.