მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რომელ მათხოვარ ქალს ეძებს თაკო აბაშიძე - ამბები "ამბებისთვის"
04:49 / 03-03-2014
მსახიობ თაკო აბაშიძეს გასახსენებელს რა დაულევს, მაგრამ ცხოვრებაში დაუვიწყარ და უბედნიერეს დღედ შვილის დაბადების დღეს მიიჩნევს:
"დიახ, შვილის დაბადების მსგავსი ბედნიერება არასდროს მიგრძვნია და განმიცდია... ხმა რომ ამოიღო, მომიყვანეს, რომ დავინახე, გავოცდი. როგორც მე ვუყურებდი, ისევე მაკვირდებოდა. ჩვილის გამოხედვა კი არ ჰქონდა, დიდი ადამიანის ღრმა თვალებით მიყურებდა...
ბედნიერი ვარ, რომ ბარბარეს სიცოცხლის პირველი წამები მე და ლაშამ (მეუღლე) ერთად ვნახეთ და განვიცადეთ... მსგავსი ერთად ყოფნის შეგრძნება სხვა არ მგონია, არსებობდეს...
რაც შეეხება ოდნავ სევდიან და გულისამაჩუყებელ ამბავს, თაკო ასეთ რაღაცას ჰყვება:
"მახსოვს ერთი ქალბატონი, რომელიც "დელისის" მეტროსთან მიწისქვეშა გადასასვლელში მათხოვრობდა და იმ ადამიანს ვეძებ. პერიოდულად სულ ვეხმარებოდი, მაგრამ ერთ დღესაც გაქრა. იმ ადგილას აღარ გამოჩენილა, საოცრად კულტურული და სანდომიანი სახის მქონე მოხუცი ბებო იყო, რომელიც თავჩაღუნული იდგა და ადამიანებს სახეს არც უსწორებდა. ხანდახან გამოველაპარაკებოდი ხოლმე, როგორც ამბობდა, ერთი შვილი ჰყავდა, რომელიც საზღვარგარეთ ცხოვრობდა და ყურადღებას არ აქცევდა. მის შესახებ არაფერი იცოდა...
ერთ დღესაც ძალიან ციოდა, ყინვა იყო და რომ ვნახე, რამდენიმე დღის სამყოფი ფული მივეცი და ვთხოვე, ორ-სამი დღე დაესვენა, ძალიან ციოდა და შემეცოდა. იმის მერე ის ქალბატონი იქ აღარ მინახავს... არადა, თავს ვერ ვპატიობ, რამ მათქმევინა-მეთქი? დამნაშავედ ვგრძნობ მის წინაშე თავს. ნეტავ, იმ ნათქვამით ხომ არ შეურაცხვყავი, რამდენიმე დღე დასვენება რომ ვთხოვე და ფული მივეცი-მეთქი?
მოკლედ, რამდენიმე წელია, იმ ქალს ვეძებ. თუ ცოცხალია, იქნებ რაღაცნაირად მოხდეს მასთან დაკავშირება, ვთხოვ, გამომეხმაუროს, ხმა მომაწვდინოს და საკუთარი კოორდინატები დამიტოვოს... ვერ ავხსნი და გადმოგცემთ, თუ როგორი თვალები ჰონდა და მისგან რამხელა სითბო მოდიოდა... ძალიან მეცოდება. მისი მსგავსი ადამიანი, ალბათ ბევრია, მაგრამ ისეთი განსხვავებული ადამიანი იყო, რომ რა გითხრათ.
ბევრი საინტერესო და დასამახსოვრებელი ამბავი მქონია, მაგრამ ახლა რატომღაც ეს გამახსენდა. თან, იმ ქალს ვეძებ და იქნებ გამოჩნდეს?.."
ლალი ფაცია
სპეციალურად "ამბები.გე"-სთვის
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
