მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
კვირა, მთვარის ოცდამეცხრე დღე დაიწყება 05:27-ზე; ხოლო მთვარის პირველი დღე 23:30-ზე, მთვარე 11:16-ზე ესტუმრება კუროს
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია ამ დღეს დაიცვათ მარხვა. ნებადართულია რძის პროდუქტები. ხორცი არა. დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
იუსტიციის სამინისტროსა და პროკურატურის აღვირახსნილი ხარჯები
03:41 / 05-02-2014
"ალია" აგრძელებს სხვადასხვა სამინისტროების მიერ გაწეული "არასავალდებულო" ხარჯების პუბლიკაციების ციკლს. "ალიას" ფინანსისტი, "მეწარმეთა უფასო დახმარების ცენტრის" დამფუძნებელი გიორგი ჩახაია ესაუბრა, რომელმაც ამჯერად იუსტიციის სამინისტროს ხარჯები შეისწავლა:
- ბატონო გიორგი, რა სახის დოკუმენტები შეისწავლეთ და წულუკიანის უწყებამ შესყიდვების დროს რას მიანიჭა უპირატესობა?
- დასაწყისშივე აღვნიშნავ, რომ ქვემოთ წარმოდგენილი მონაცემები მოიცავს საქართველოს იუსტიციის სამინისტროსა და მის დაქვემდებარებაში მყოფი უწყებების, მათ შორის საქართველოს მთავარი პროკურატურის მიერ, 2013 წელს გაწეულ ზოგიერთი ტიპის ხარჯებს. სამინისტროსა და მისი უწყებების მიერ განხორციელებული შესყიდვების შესახებ ინფორმაციის ანალიზის შედეგად გამოვლინდა, რომ საკმაოდ დიდი მოცულობის თანხები დაიხარჯა ავტომობილების შესყიდვაზე, საწვავზე, კომპიუტერულ ტექნიკაზე, სარესტორნო მომსახურებასა და ფურშეტებზე, სასაჩუქრე ნივთებსა და ამ ტიპის სხვა ხარჯებზე.
- მოდით, დავაკონკრეტოთ, რა თანხა დაიხარჯა და რაში...
- სულ 2013 წლისთვის შეიძინეს 1 903 402 ლარის ღირებულების ავტოსატრანსპორტო საშუალებები, მათ შორის ყველაზე მეტი, 1 753 448 ლარის ღირებულების ავტომობილები კი საქართველოს მთავარ პროკურატურაზე მოდის. აქვე მინდა დავამატო რომ, 2013 წელს იუსტიციის სამინისტროს ცენტრალურმა აპარატმა შეიძინა მხოლოდ 82 000 ლარის ღირებულების ავტომობილები, მაგრამ ეს იმ მიზეზის გამო, რომ მათ ახალი ხელისუფლების პირობებში (2012 წლის ნოემბერი-დეკემბერი) უკვე შეძენილი ჰყავდათ 435 238 ლარის ღირებულების ავტოსატრანსპორტო საშუალებები, მათ შორის ისეთი ძვირადღირებული ავტომობილები, როგორიცაა 3 ერთეული სედანის ტიპის "ტოიოტა ქემრი", რომლის საცალო ღირებულება იყო 70 873 ლარი. ეს არ იყო ე.წ. ჯიპის ტიპის ავტომობილი, რომ ერთ ერთეულში ამხელა თანხა გადაეხადათ. რაც შეეხება მთავარი პროკურატურის მიერ შეძენილ 1 753 448 ლარის ღირებულების ავტოსატრანსპორტო საშუალებებს, სხვა უწყებების მსგავსად, აქაც გვხვდება ე.წ. ჯიპის ტიპის ძვირადღირებული ავტომობილები, კერძოდ: "ლექსუსი 570" - ერთეულის ღირებულება 174 575 ლარი, "ტოიოტა ლენდკრუიზერი 2004 - ერთეულის ღირებულება 124 117 ლარი, "ტოიოტა ლენდკრუიზერ პრადო" - ერთეულის ღირებულება 103 594 ლარი. როგორც ხედავთ, ძალიან ძვირადღირებული ავტოსატრანსპორტო საშუალებების შესყიდვასთან გვაქვს საქმე.
- ამის შესაბამისად, ალბათ, საწვავის რაოდენობაც გაიზარდა. ასეა?
- სულ 2013 წელს, იუსტიციის სამინისტროსა და მისი უწყებების მიერ, დაიდო 631 056 ლარის ღირებულების ხელშეკრულებები ავტომობილების ტექნიკურ მომსახურებასა და რეცხვაზე, ხოლო 2 883 820 ლარის ღირებულების ხელშეკრულებები საწვავის შეძენაზე. აქვე მინდა დავამატო ჩემი პირადი მოსაზრება, რომ ავტომობილების შესყიდვა დიდი რაოდენობით ერთ კონკრეტულ პრობლემას წარმოადგენს, ხოლო მეორე პრობლემა ის არის, რომ ამ ავტომობილებს სჭირდებათ დიდი რაოდენობით საწვავი და ასევე, ხშირი პროფილაქტიკა, რაც შესაბამისად დამატებით, დიდი რაოდენობის ხარჯებთან არის დაკავშირებული.
- კომპიუტერებსაც შეცვლიდნენ, ალბათ...
- ამ მიმართულებით ასეთი სურათი გამოიკვეთა: შეიძინეს 16 208 ლარის ღირებულების მობილური ტელეფონის აპარატები, მათ შორის ისეთი ძვირადღირებულები, როგორიცაა: "ბლექბერი 9900" - 1 ც; "სამსუნგ 19 500 გალაქსი" - 2 ც; "აიფონ 4", "აიფონ 5" - 5 ცალი.
სულ სამინისტრომ და მისმა უწყებებმა 2013 წელს შეიძინეს 2 236 151 ლარის ღირებულების კომპიუტერული ტექნიკა, მათ შორის არის ისეთი "თვალშისაცემი" შენაძენები, როგორიცაა: სამინისტროს ცენტრალური აპარატის მიერ შეძენილი 4750-ლარიანი პერსონალური კომპიუტერი, მთავარი პროკურატურის მიერ შეძენილი მაგიდის კომპიუტერი "აი მაკი" 4996 ლარად, "აიპედები", დიდი რაოდენობით ე.წ. "ლეპტოპები" და ა.შ. სულ 2013 წელს შეძენილია 177 671 ლარის ღირებულების საოფისე ტექნიკა, ასევე შეძენილია 520 505 ლარის ღირებულების საოფისე ავეჯი; 87 311 ლარის ღირებულების სასტუმროს მომსახურება, როგორც სასტუმროს ნომრის, ასევე ღონისძიებების ორგანიზების. დაიდო 45 507 ლარის ღირებულების ხელშეკრულებები, სხვადასხვა სახის პროდუქტებისა და ალკოჰოლური და უალკოჰოლო სასმელების შესყიდვაზე.
- სარესტორნო მომსახურებასა და ფურშეტებზე რამდენი დაიხარჯა?
- სარესტორნო მომსახურებაზე დიდი ფულის ხარჯვა მოდაში შემოვიდა. წულუკიანის სამინისტრომ რამდენი დახარჯა ამაში? რესტორნებსა და ფურშეტების ორგანიზებაზე, დადებულია 280 485 ლარის ხელშეკრულებები. ამ შესყიდვებში, სხვა სამინისტროებისგან განსხვავებით, სჭარბობდა ფურშეტების მოწყობის ხარჯები, ვიდრე სარესტორნო მომსახურების, თუმცა, როგორც ხედავთ, საკმაოდ დიდი თანხა დახარჯულა ამ მიმართულებით.
- მაგალითისთვის, რა მენიუს ანიჭებდნენ უპირატესობას?
- მაგალითისთვის შემიძლია წარმოგიდგინოთ ერთ-ერთი ორგანიზებული ფურშეტის მენიუ. საჯარო რეესტრის ეროვნული სააგენტოს მიერ 13 იანვარს მოწყობილი ფურშეტისთვის, შეძენილია: სადღესასწაულო ტორტი, ნამცხვრები, საჩუქრები, ხილის ასორტი, შიდა ფოიერვერკი - ღირებულება 2467 ლარია.
- საჩუქრებზეც სოლიდურ თანხებს ხარჯავენ ხოლმე. იუსტიციასაც აქვს მსგავსი შენაძენები? საჩუქრების რა სახეობა იქნა შეკვეთილი და რა ფასიანი?
- სულ შეძენილია 69951 ლარის ღირებულების სასაჩუქრე ნივთები. მათ შორის არის ასეთი შესყიდვები: 260-360-ლარიანი მინანქრის პერანგის სამაგრები, 150 ცალი კრისტალის სუვენირი, საცალო ფასით 49.91 ლარი, 530 ცალი პარფიუმერიის მაღაზია "ლუტეციას" სასაჩუქრე ბარათები, ჯამური ღირებულებით 24 910 ლარი.
ჟანა ასანიძე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
