მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კიევში გარდაცვლილთა რაოდენობა შვიდამდე გაიზარდა (+LIVE)
05:30 / 25-01-2014
კიევის საავადმყოფოში, 22 იანვარს, გრუშევსკის ქუჩაზე მძიმედ დაჭრილი რომან სენიკი გარდაიცვალა. ამის შესახებ უკრაინული მედია იუწყება.
პარტია "სვაბოდას" დეპუტატის ირინა სეხის თქმით, გარდაცვლილს რამდენიმე ოპერაცია და ხელის ამპუტაცია ჩაუტარდა, თუმცა ექიმებმა მისი გადარჩენა მაინც ვერ შეძლეს.
ბოლო დღეებში, კიევში შეტაკებების შედეგად დაღუპულთაგან ოთხი ცეცხლსასროლი იარაღით მიყენებული ჭრილობების შედეგად გარდაიცვალა.
დღევანდელი მონაცემებით, მომიტინგეებმა უკრაინის რვა ოლქში – ხმელნიცკში, როვნოში, ტერნოპოლში, ჩერნოვიცაში, ივანო-ფრანკოვსკოსა და ლვოვში - დაიკავეს რეგიონული სახელმწიფო ადმინისტრაციის შენობები.
ამასთან, უკრაინის შინაგან საქმეთა სამინისტრის ინფორმაციით, კიევში, გოლოსეევის რაიონში, გარდაცვლილი მილიციელი იპოვეს. გარდაცვლილ მილიციელს თავის არეში ჭრილობები ცეცხლსასროლი იარაღით ჰქონდა მიყენებული.
თვითმხილველთა განცხადებით, მათ დაინახეს, როგორ გარბოდა ორი უცნობი ადამიანი შემთხვევის ადგილიდან.
კიევში ძალოვანებსა და დემონსტრანტებს შორის შეტაკებების შედეგად ხუთი ადამიანია დაღუპული. უკრაინული მედიის ინფორმაციით, ოთხ მათგანს ჭრილობები ცეცხლსასროლი იარაღით აქვთ მიყენებული.
ასევე ცნობილი გახდა, რომ ობოლონის რაიონულმა სასამართლომ კიევში, ავტომაიდანის 14 მონაწილე დააკავა. გავრცელებული ინფორმაციით, სასამართლომ დაკავებულებს 2 თვით თავისუფლების აღკვეთა მიუსაჯა. ამასთან, უკრაინული მედიის ცნობით, ყველა დაკავებული ნაცემია.
უკრაინის მხარდამჭერი აქციის 12 მონაწილე დააკავა სპეცრაზმმა მინსკშიც, სადაც ადგილობრივები უკრაინის საელჩოსთან კიევში შეტაკებების დროს დაღუპულთა ხსოვნის პატივისცემის ნიშნად შეიკრიბნენ.
ამასთან, უკრაინის სოლიდარობის აქციის მონაწილეები დააკავეს მოსკოვშიც. გავრცელებული ინფორმაციით, მოსკოვში 11 ადამიანია დაკავებული.
გარდა ამისა, ქვეყანაში პოლიტიკური დაძაბულობის ზრდის გამო, ხელისუფლების გადაწყვეტილებით, უკრაინის ყველა ატომურ ელექტროსადგურზე დაცვა გამკაცრდა, - ამის შესახებ ქვეყნის მედიასაშუალებები ენერგეტიკის მინისტრ ედუარდ სტავიცკის განცხადებაზე დაყრდნობით იუწყებიან.
აღნიშნული გადაწყვეტილება მთავრობამ ატომური ელექტროსადგურების ხელში ჩაგდების თავიდან ასაცილებლად მიიღო. სტავიცკის თქმით, პროფკავშირთან მიმდინარეობს შესაბამისი სამუშაოები, რათა სადგურებმა ხარვეზების გარეშე იმუშაოს. მინისტრის განცხადებით, ატომური ელექტროსადგურები წარმოადგენს სარეჟიმო ობიექტებს, რომელთა თანამშრომლებს გაფიცვის უფლება არ გააჩნიათ.
მომზადებულია Unian-ის მიხედვით.
პირდაპირი ეთერი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
