27
აპრილიდღის ზოგადი ასტროლოგიური პროგნოზი
სტატისტიკის მიხედვით, ყველაზე დაუდევარი მძღოლები სახელმწიფო სტრუქტურებში მუშაობენ, ხოლო ყველაზე მოწესრიგებულები - კერძო კომპანიებში, - ასეთ მონაცემებს სადაზღვევო კომპანია "არდი" ავრცელებს.
კომპანიის ინფორმაციით, ბოლო სამი წლის განმავლობაში მიღებულმა გამოცდილებამ აჩვენა, რომ დაზღვეულთა შორის ყველაზე მეტად სახელმწიფო მანქანები ზიანდება და ხშირ შემთხვევაში მიზეზი მძღოლის დაუდევრობა და გაუფრთხილებლობაა.
სტატისტიკამ ასევე აჩვენა, რომ ყველაზე მოწესრიგებული და პროფესიონალი მძღოლები კერძო კომპანიებში მუშაობენ, რადგან მათი წლიური რისკი 18%-ს არ აღემატება. კერძო კომპანიების შემდეგ, პასუხისმგებლობით და სიფრთხილით ფიზიკური პირები გამოირჩევიან.
"კერძო სტრუქტურებში სამსახურის დაკარგვის მაღალი რისკია, რის გამოც მძღოლები ცდილობენ, იყვნენ სანიმუშო. ამიტომაც, მანქანის დაზიანების შემთხვევები გაცილებით მცირეა. ფიზიკური პირების შემთხვევაში კი, საკუთარი ქონების გაფრთხილების მექანიზმი მუშაობს", - აცხადებს "არდის" საცალო გაყიდვების დირექტორი გიორგი ლომიძე.
სადაზღვევო კომპანია სახელმწიფო სტრუქტურების შესაბამის დეპარტამენტებს მოუწოდებს, მეტი ყურადღება გამოიჩინონ, რათა ავტომობილების დაზიანების შემთხვევები შემცირდეს.
