რატომ დაუპირისპირდნენ კოალიციის პარტიები სენაკის საკრებულოში?
იმპიჩმენტით გათავისუფლებულ სენაკის საკრებულოს თავმჯდომარე მურად შამათავას, რომელიც თანამდებობაზე სასამართლომ აღადგინა, სამუშაო მაგიდაზე კვლავ იმპიჩმენტის მოთხოვნით საკრებულოს 19 წევრის ხელმოწერის განცხადება დახვდა. შამათავას თქმით, მისი პოსტის დაკავება ისევ "ნაციონალებს" სურთ და თავმჯდომარედ მისი წინამორბედის, ბესიკ ნარმანიას წარდგენა აქვთ დაგეგმილი.
"ნარმანია უფრო ვაირესპუბლიკელია. ის "რესპუბლიკელებში" "ნაციონალური მოძრაობიდან" შეძვრა და ისევ მე მებრძვის. ჩემს უკან სიმართლეა. ეს სიმართლე სასამართლომაც მომანიჭა, ყოფილი ნაციონალების ყველა ქმედება კი უსაფუძვლოა", - აცხადებს მურად შამათავა.
"რესპუბლიკური პარტიის" წევრი და საკრებულოს ფრაქცია "სენაკის ხმის" თავმჯდომარე ბესიკ ნარმანია, "თავისუფალი დემოკრატების" სენაკის ადგილობრივი ორგანიზაციის თავმჯდომარის, მურად შამათავას წინააღმდეგ ხმის მიცემას ამჯერადაც აპირებს. მის პოზიციას იზიარებენ, საკრებულოს ყოფილი ფრაქცია "ნაციონალური მოძრაობის" წევრები, რომლებმაც დაშლის შემდეგ სხვადასხვა ფრაქციები შექმნეს. აღსანიშნავია, რომ სენაკის საკრებულოში უმრავლესობას ყოფილი "ნაციონალები" ფლობენ, ფრაქცია "ქართული ოცნება - თავისუფალ დემკორატებს" კი მხოლოდ სამი წევრი ჰყავს.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
