მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რას იზამს გიორგი ვარდოსანიძე, თუ სალომე ჭაჭუა დაშორდება
23:25 / 04-10-2013
რუბრიკა "ფსიქოს" სტუმარი მსახიობი გიორგი ვარდოსანიძეა.
- გიორგი, რა სიახლეებია შენს საქმიანობაში?
- თეატრში ახალი სეზონისთვის ვემზადებით, ასევე ვმუშაობთ ახალ სპექტაკლზე და ვილნიუსში მივდივართ საგასტროლოდ, "მაკბეტი" უნდა წარმოვადგინოთ. თეატრი არის ჩემი ცხოვრების აზრი, ვგიჟდები, ძალიან მიყვარს. ფართო საზოგადოებამ სერიალ "გოგონა გარეუბნიდან" გამიცნო, რომელშიც ლევანიე ხომერიკის როლი განვასახიერე. საბედნიეროდ, დაავიწყდა ხალხს ლევანიე ხომერიკი და ასე აღარ მეძახიან ქუჩაში. ახლა ახალ სერიალში ვმონაწილეობ და შეიძლება გოგსიკა დამიძახონ. სერიალი "კოქტეილი" "კომედი არხზე" გადის, სადაც ედიშერ გოგსაძის როლი მაქვს, რომელიც მექალთანეა და ცოტა გიჟი. ყველას ვურჩევ, უყუროს.
- ამბობენ, რომ ცხოვრებაშიც მექალთანე ხარ...
- არ ვარ მექალთანე და არა მგონია, ხალხი ასე ფიქრობდეს.
- მოგწონს გადაცემა "გააცინე და მოიგე", რომლის წამყვანიც შენ ხარ?
- წამყვანის ამპლუაში პირველად ვარ. "კომედი გრუპმა" ხელგაშლილად მიმიღო, რისთვისაც მათი მადლობელი ვარ. ვერ ვიტყვი, კარგი წამყვანი ვარ-მეთქი, მაგრამ არაფერს ვაფუჭებ. კიდევ კარგი, მე არ ვარ ჟიურიში, თორემ "რუსთავი 2"-ს გავაკოტრებდი.
- ცნობილია, რომ უამრავი თაყვანისმცემელი გოგონა გყავს, ალბათ ყველა ცდილობს არაორდინარულობით მოგაწონოს თავი, მოსაბეზრებელი არ არის?
- ვითომ ბევრი თაყვანისმცემელი მყავს?
- ფაქტია, რომ ასეა და შენც იცი ეს.
- ძალიან დიდი მადლობა ჩემს თაყვანისმცემლებს. მადლობა ყველას, ვისაც ვუყვარვარ. როდესაც ადამიანი სიყვარულს გამოხატავს, სასიამოვნოა და არ მბეზრდება, დიდი სტიმულია ჩემთვის.
- ბოლო დროს დიდი აგრესია გამოიწვია შენი და სალომე ჭაჭუას სიყვარულის ამბის გახმაურებამ, "ფეისბუქზე" სტატუსიც დაწერე, რომ თავადაც გაღიზიანდი ამ შეფასებებით...
- ყველას აქვს აზრის გამოხატვის უფლება, მაგრამ ფორმას გააჩნია. როცა აგრესიას ვხედავ, ჩვეულებრივი ქართველი კაცი ვხდები. სხვის სახელს ამოფარებული რომ მაყენებენ შეურაცხყოფას, ვღიზიანდები. ყველამ თავის პირადს მიხედოს.
- თავს ბედნიერად გრძნობ?
- ხუთიანზე მაქვს ყველაფერი.
- მონიკა ბელუჩიმ რომ დაგპატიჟოს ყავის დასალევად, უარს ეტყვი?
- თუ იქნება საქმიანი შეხვედრა, დავთანხმდები. ისე, მაგ სპორტს დაახლოებით ორი თვეა აღარ მივდევ. ერთადერთი სპორტი და გასართობი მაქვს და ბედნიერად ვგრძნობ თავს.
- კულტურის მინისტრი რომ იყო, პირველ რიგში რას გააკეთებ?
- პირველ რიგში კულტურული ვიქნებოდი, ასევე კულტურულ ღონისძიებებს გავმართავდი მთელ ქვეყანაში, ჩემს სადარბაზოში, ჩემს ეზოში, უბანში და ა.შ.
- პრეზიდენტის ამპლუაში წარმოგიდგენია საკუთარი თავი?
- საშინელი პრეზიდენტი ვიქნებოდი. მთელი ქვეყნის საჭმელი ჩემს ეზოში იქნებოდა. ვიქნებოდი უხასიათო, ტირანი, ეგოისტი, დამპალი. ჩემი პრეზიდენტობა არ შეიძლება (იცინის). მაცადეთ რასაც ვაკეთებ. ფანტაზიის დონეზეც ვერ წარმომიდგენია სხვა საქმის კეთება.
- ერთ დღეს სალომემ რომ გითხრას აღარ მიყვარხარო, რა რეაქცია გექნება?
- სალომემ რომ მითხრას აღარ მიყვარხარო, ამას იუმორით შევხედავ, მაგრამ ვნახოთ, რამდენად გამომივა. ვეცდები გავიგო (იცინის).
- რას აჩუქებდი ბიძინა ივანიშვილს?
- ჩემს პირად საფულეს, რაღაცები რომ ჩამიდოს (იცინის). სხვა რა უნდა ვაჩუქო, მას ყველაფერი აქვს.
- რამდენი გინდა ფული?
- რამდენიც ჩაეტევა იმდენი ჩადეთ, ბატონო ბიძინა, თუნდაც საფულე გაიხეს (იცინის).
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
