მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქართულმა ფილმმა ევროპული კინოფესტივალის გრან-პრი მოიპოვა
06:57 / 14-07-2013
ევროპის ახალგაზდული კინოფესტივალის VOICES-2013-ის გრან-პრი ქრთველ რეჟისორს, ნანა ექვთიმიშვილს ერგო. ექვთიმიშვილისა და გერმანელი სიმონ გროსის ერთობლივი ნამუშევარი "გრძელი ნათელი დღეები" ჟიურიმ საუკეთესოდ აღიარა.
კინოსურათი ორი თინეიჯერი გოგონას, ნათიასა და ეკას ცხოვრებას 90-იანი წლების ფონზე ასახავს. ფილმში გაცოცხლებულია დამოუკიდებელი საქართველოს პირველი დღეები.
"ასამდე სკოლა მოვიარეთ, სანამ ეკას როლის შემსრულებელს ვიპოვიდით. ნათია კი ქუჩაში შევნიშნეთ და მაშინვე გადაღებებზე მივიწვიეთ" - აცხადებს ექვთიმიშვილი, რომლის თქმით, კასტინგი მთელი წლის განმავლობაში გრძელდებოდა.
ქალის როლის საუკეთესო შესრულებისთვის პრიზი პოლონელ მსახიობს, კატარჯინა კვიატოვსკის გადაეცა ფილმში "ქალური დღე" შესრულებული როლისთვის.
ცერემონიაზე გაირკვა, რომ ექვთიმიშვილი და კვიატკოვსკი იუბილარები გახლდნენ. ამის გამგონე ჟიურის წევრებმა საზოგადოებას საგანგებოდ განუმარტეს, რომ ამ დამთხვევის შესახებ არაფერი იცოდნენ და საპრიზო ადგილების გამოვლენაზე ამ ფაქტორს არ უმოქმედია.
საუკეთესო მსახიობად აღიარეს ლარს მიკელსენი დანიურ ფილმში "ზედამხედველი" შესრულებული როლისთვის, ის ჯილდოს წასაღებად ცერემონიაზე არ მისულა.
ფესტივალი სოფია კოპოლას "ელიტური საზოგადოებით" დაიხურა. ფილმი თინეიჯერთა დაჯგუფებას ეხება, რომლებიც ბრენდული ნივთების გამო ჰოლივუდის ვარსკვლავების ბინებს ძარცვავენ.
ფესტივალზე სულ 60 კინოჩვენება გაიმართა. ძირითად საკონკურსო პროგრამაში კი 9 ფილმი იყო წარდგენილი.
ექვთიმიშვილის ფილმისთვის ეს პირველი საერთაშორისო აღიარება არ არის. "გრძელი ნათელი დღეები" ვისბადენის კინოფესტივალ go East-ზე მთავარი პრიზისა და 100 000 ევროს ოდენობის ჯილდოს მფლობელი გახდა.
მომზადებულია izvestia.ru-ს მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
