26
აპრილიდღის ზოგადი ასტროლოგიური პროგნოზი
დღეიდან ცნობილი რუსი მუსიკოსის, ზემფირას, კონცერტზე დასასწრები ბილეთები გაიყიდება. პირველი 300 ბილეთის შეძენა განსაკუთრებულ ფასად, 45 ლარად არის შესაძლებელი, რის შემდეგაც, მისი ფასი 60 ლარამდე გაიზრდება. 13 ივნისიდან ხელმისაწვდომი იქნება ვიპ ბილეთები. ბილეთების შეძენა www.ticketservice.ge -ზე არის შესაძლებელი.
მომღერალი კონცერტს 20 ივლისს ბათუმში, "პიაცას" მოედანზე, ხოლო 22 ივლისს მთაწმინდის პარკში გამართავს.
კონცერტის ორგანიზატორის, კირილ ხიმიჩევის თქმით, მომღერალი საქართველოს ბენდთან ერთად, 12 კაციანი შემადგენლობით ეწვევა და ორსაათიან კონცერტს გამართავს. ზემფირამ შარშანდელი გასტროლის შემდეგ ქართველ მსმენელთან შეხვედრის სურვილი კვლავ გამოთქვა. ბათუმის "პიაცაზე" კონცერტის ჩატარების იდეაც სწორედ მომღერალს ეკუთვნის.
მომღერალი უახლეს ალბომს "Жить в твоей голове" წარმოადგენს. ეს ზემფირას მეექვსე სტუდიური ალბომია, რომელიც 2013 წლის 14 თებერვალს გამოვიდა. მომღერალმა ამ ალბომზე მუშაობას ორი წელი მოანდომა. მუსიკალური თვალსაზრისით, "Жить в твоей голове" როკისა და პოპ როკის ჟანრისაა, თუმცა მოიცავს პოსტ-პანკის, თრიფ-ჰოპის, პოსტროკის, ბრიტპოპისა და ბლიუზ-როკის ელემენტებსაც. ამ ალბომით მომღერალმა თებერვლის თვიდან ტურნე დაიწყო.
ასევე იხილეთ:
