არსებული ინფორმაციით, ზურაბ ჭიაბერაშვილის სახლი გაჩხრიკეს

ზურაბ ჭიაბერაშვილის სახლი, რომელიც თბილისში ბოგდან ხმელნიცკის გამზირის #21-ში მდებარეობს, არსებული ინფორმაციით, სამართალდამცველებმა გაჩხრიკეს. ამჟამად სახლი დაკეტილია. "ინტერპრესნიუსის" კორესპონდენტი შეეცადა, რომ სახლის მცხოვრებთაგან ვინმეს დაკონტაქტებოდა, თუმცა, კარები არავინ გააღო.

როგორც "ინტერპრესნიუსს" ჭიაბერაშვილის ერთ-ერთმა მეზობელმა განუცხადა, მას კახეთის გუბერნატორი ბოლო 10 დღეა არ უნახავას.

"ზურაბ ჭიაბერაშვილთან ყველას კარგი მეზობლობა აქვს. ის აქ ცხოვრობს საკუთარ დედასთან, მამასთან, დასთან და თავის ოჯახთან ერთად. ბოლო 10 დღის განმავლობაში არ გვინახავს", - აღნიშნა მან.

"ინტერპრესნიუსი"