27
აპრილიდღის ზოგადი ასტროლოგიური პროგნოზი
ახმეტის რაიონის მაჟორიტარი დეპუტატის, ზურაბ ზვიადაურის სახლს ახალი წლის ღამეს ავტომატიდან ესროლეს.
როგორც ზვიადაურმა "ინტერპრესნიუსს" განუცხადა, შემთხვევა ახალი წლის ღამეს, დაახლოებით 01.00-დან 01.30 საათამდე მოხდა. სროლა განხორციელდა სახლის საძინებელი ოთახის ფანჯარაზე. შენობას 13 ტყვია აქვს მოხვედრილი. საბედნიეროდ არავინ დაშავებულა.
მისივე ცნობით, აღნიშნულ ფაქტთან დაკავშირებით დაკავებულია ძებნილი გიორგი ქისტაური, რომელიც არჩევნებამდე უკრაინაში იმალებოდა, წინასაარჩევნოდ კი ის საქართველოში ჩამოიყანა შს მინისტრის ყოფილმა მოადგილემ, გია ლორთქიფანიძემ და ე.წ. "ზონდერ ჯგუფის" წევრი იყო.
ზვიადაურის განცხადებით, სროლის ფაქტს წინ უძღოდა მის ძმასა და ქისტაურს შორის მომხდარი ურთიერთშელაპარაკება, რომელიც შემდეგ ფიზიკურ დაპირისპირებაში გადაიზარდა.
