მაიკლ ჯექსონის შავი ხელთათმანი 200 000 დოლარად გაიყიდა

მომღერალ მაიკლ ჯექსონის შავი ხელთათმანი აუქციონზე 200 000 დოლარად გაიყიდა. აქსესუარი, რომელიც Swarovski-ს კრისტალებითაა შემკული, ერთ-ერთ ყველაზე ცნობილ მუსიკალურ არტეფაქტს წარმოადგენს. პოპის მეფე 1984 წელს American Music Awards-ს სწორედ ამ ხელთათმანით დაესწრო. მაშინ, ჯექსონმა ალბომისთვის - Thriller ჯილდო მოიპოვა.

ერთ-ერთ ინტერვიუში მომღერალმა აღიარა, რომ ერთი ხელთათმანი "ორზე მაგარია" და იგი მართალი იყო - ეს აქსესუარი მაიკლის ერთ-ერთი მთავარ სავიზიტო ბარათად იქცა. ვაჭრობის ორგანიზატორ აუქციონის სახლ Nate D. Sanders-ში განაცხადეს, რომ ლოტმა რეკორდი დაამყარა და ჯექსონის ყველაზე ძვირაღირებულ აქსესუარად იქცა, რომელიც აუქციონზე გაყიდულა. ვინ გახდა ხელთათმანის მფლობელი, უცნობია.

2010 წელს პოპ მეფის თეთრი ხელთათმანი ლას-ვეგასში 192 000 დოლარად გაიყიდა. 

მომზადებულია Art Daily-ის მიხედვით.