ჰელენ ფილდინგი ბრიჯიტ ჯონსზე მესამე წიგნს გამოუშვებს

ინგლისელი მწერალი ჰელენ ფილდინგი ბრიჯიტ ჯონსზე მესამე წიგნს გამოუშვებს. წიგნის სახელი და სიუჟეტის დეტალები არ ხმაურდება, ცნობილია მხოლოდ, რომ მოქმედება თანამედროვე ლონდონში განვითარდება და საუბარი ბრიჯიტის ცხოვრების მორიგ ეტაპს შეეხება.

წიგნი გაყიდვაში 2013 წლის შემოდგომაზე ჩაეშვება. მისი გამოცემის უფლება საგამომცემლო სახლმა Jonathan Cape-მა უკვე შეიძინა.

ბრიჯიტ ჯონსზე პირველი წიგნი 1996 წელს გამოვიდა და "ბრიჯიტ ჯონსის დღიური" ერქვა. გაგრძელება - "ბრიჯიტ ჯონსი: გონიერების ზღვარი" 1999 წელს გამოქვეყნდა. ორივე წიგნი 40-ზე მეტ ქვეყანაში გამოსცეს. სულ წიგნის 15 მლნ ეგზემპლიარი გაიყიდა.

ბესტსელერები საფუძვლად ფილმებს დაედო, რომელთაგან პირველი 2002 წელს გამოვიდა, მეორე კი 2004-ში. ბრიჯიტ ჯონსის როლი ამერიკელმა მსახიობმა რენე ზელვეგერმა შეასრულა, ხოლო მისი თაყვანისმცემლები - ბრიტანელმა მსახიობებმა ჰიუ გრანტმა და კოლინ ფერტმა. 2009 წელს მედიაში ფილმის მესამე ნაწილის გადაღებების შესახებ ინფორმაცია გაჩნდა, რომელშიც ისევ რენე ზელვეგერი, ჰიუ გრანტი და კოლინ ფერტი ითამაშებენ. გავრცელებული ინფორმაციით, ფილმს "ბრიჯიტ ჯონსის ბავშვი" ერქმევა.

მომზადებულია The Daily Telegraph-ის მიხედვით.