მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ზურა ბერიკაშვილი - "ჩემი მეუღლე უსამართლობის მსხვერპლი გახდა"
23:15 / 03-11-2012
ბოლო დროს გივი და მანანა ბერიკაშვილები პოლიტიკაში აქტიურად ჩაერთვნენ, მსახიობი ზურა ბერიკაშვილი კი პოლიტიკური განცხადებების გაკეთებისგან თავს იკავებს. როგორც თავად ამბობს, ამის მიზეზი მისი პროფესიაა - აქტიურად მონაწილეობს მარჯანიშვილის თეატრის სპექტაკლებში და სხვა რაღაცებისთვის დრო არ რჩება. თუმცა, დას - ქალბატონ მანანას შეძლებისდაგვარად, გვერდით ედგა და აქტიურად გულშემატკივრობდა.
- ბოლო დროს თქვენი ოჯახის წევრებს ხშირად ვხედავდით ეკრანზე; ისინი პოლიტიკურ პროცესებში აქტიურად იყვნენ ჩართული, თქვენ კი ამ მხრივ არ აქტიურობდით...
- მართლაც, დიდი ხანია, ეკრანზე აღარ გამოვჩენილვარ. მარჯანიშვილის თეატრში ყოველდღე სპექტაკლები გვაქვს და სხვა რაღაცებისთვის ვერ ვიცლი... ჩემი და - მანანა მაჟორიტარი დეპუტატობის კანდიდატი იყო და პოლიტიკაში ძალაუნებურად, მისი ოჯახის წევრებიც ჩავერთეთ. მართალია, მანანას პოლიტიკური გამოცდილება არ ჰქონდა, მაგრამ შემოთავაზებაზე უარი მაინც არ თქვა.
- როცა ბატონმა ბიძინამ გურჯაანში დეპუტატობის კანდიდატად თქვენი და დაასახელა, ბატონი გივი იქ იყო და კახელებს სიტყვითაც კი მიმართა... საინტერესოა, ასეთ დროს დის გვერდით რატომ არ იყავით?
- მეც იქ ვიყავი. კამერების წინ თუ არ ვპოზიორობდი, ეს იმას არ ნიშნავს, რომ ჩემს დას გვერდით არ ვედექი... სხვათა შორის, ოჯახის წევრები თავიდანვე მხარს ვუჭერდით "ქართულ ოცნებას".
- ბატონმა გივიმ თქვა, რომ ბატონ ბიძინასთან დიდი ხნის ნაცნობობა აკავშირებს...
- გივი წლებია, ბატონ ბიძინასთან მეგობრობს. ვიდრე მანანა პოლიტიკით დაკავდებოდა, მამა ხშირად მიდიოდა ივანიშვილების სახლში, სპეციალურად მეგობრებისთვის გამართულ ვახშამზე. 10-15 წელია, ბატონი ბიძინა თეატრის მსახიობებს გვეხმარება და პირადად მე, "ქართულ ოცნებას" მხარს ამიტომაც ვუჭერდი. ის ქველმოქმედი ადამიანია; ქართული თეატრი მისი გადარჩენილია. ჰოდა, როგორ შეიძლება, ასეთ ადამიანს საჭირო დროს გვერდით არ დაუდგე?!
- თუმცა, იყო პერიოდი, როცა ამბობდით, რომ ივანიშვილისგან არანაირ დახმარებას არ იღებდით.
- პირიქით, სულ იმას ვამბობდით, რომ ეს ადამიანი გვეხმარებოდა!.. თუმცა, როცა ბატონი ბიძინა პოლიტიკაში მოვიდა, რაღაც პერიოდის განმავლობაში მაშინდელი ხელისუფლების წარმომადგენლები თეატრის მმართველს იბარებდნენ და ეუბნებოდნენ, - ივანიშვილისგან დახმარების მიღებაზე უარი თქვითო, მაგრამ ადამიანისთვის, რომელიც წლების განმავლობაში გვეხმარებოდა, რა სინდისით უნდა გვეკრა ხელი?!
- ამჟამად რა ხდება თეატრში? ცნობილია, რომ წელს კოტე მარჯანიშვილის საიუბილეო წელია...
- ასეა და ამიტომაც, სეზონი ორი პრემიერით გავხსენით: ერთი მარჯანიშვილის ცხოვრებაზეა, მეორე კი შექსპირის პიესის - "როგორც გენებოთ" მიხედვით დაიდგა. სხვათა შორის, ამ სპექტაკლით ვიყავით ლონდონის ფესტივალზეც.
- იქნებ ცოტა რამ ამ ფესტივალზე გვიამბოთ...
- ლონდონში შექსპირის პიესების ფესტივალზე მიგვიწვიეს. მოგეხსენებათ, ამ ქვეყანაში მსოფლიოს თეატრალური ცენტრია და მსახიობები ყველა ქვეყნიდან იყვნენ ჩასული. თეატრის შენობას ისეთივე ფორმა აქვს, როგორიც შექსპირის დროს ჰქონდა. ღია ცის ქვეშაა, მხოლოდ სცენაა გადახურული. ჩვენი სპექტაკლის ნახვის შემდეგ, იქაურობა ტაშით დაინგრა; ისეთი წარმატება გვხვდა წილად, როგორსაც ნამდვილად არ ველოდით. სხვათა შორის, ლონდონში გაზაფხულზეც მოგვიწევს წასვლა - თეატრის მოყვარულებს ექვსი სპექტაკლი უნდა წარვუდგინოთ.
- პატარა გივი ბერიკაშვილი პაპის და მამის გზას არ დაადგა?
- პატარა გივი ბერიკაშვილი პატარა აღარ არის - სამედიცინო ფაკულტეტის მეორე კურსის სტუდენტია. თავად მოინდომა, რომ მედიცინის მუშაკი გახდეს და მის არჩევანში არ ჩავერიეთ.
- უმცროს შვილზე რას გვეტყვით?
- ჩემი ქალიშვილი ჯერ ხუთი წლისაა. არ მიყვარს, მშობლებს შვილები ამ ასაკში რაღაც წრეებზე რომ დაჰყავთ. წამოიზრდება და თავადვე მეტყვის, რისი გაკეთება უნდა.
- მეუღლე რას საქმიანობს?
- დროებით უმუშევარია. მოგეხსენებათ, ის მოზარდ მაყურებელთა თეატრის მსახიობი იყო, მაგრამ სამწუხაროდ, როგორც სხვა ბევრი არტისტი, ისიც უსამართლობის მსხვერპლი გახდა.
ნონა კუტიბაშვილი
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
