აქციის მონაწილეებმა ფილარმონიის შესასვლელი ცოცხებით "დალუქეს"

საპროტესტო აქციის მონაწილეებმა ფილარმონიის მთავარი შესასვლელი კარები ცოცხებით "დალუქეს".

მომიტინგეებმა საკონცერტო დარბაზის გამჭვირვალე კარები სამი ცოცხით გადაკეტეს, რის გამოც შენობიდან მოქალაქეები ვეღარ გამოდიან.

აღსანიშნავია, რომ აქციის მონაწილეებმა ამავე კარზე ბაჩო ახალაიას ფოტო და პლაკატი გააკრეს წარწერით - "დასაჯეთ ახალაია". ამავე პლაკატზე გაკეთებულია წარწერა - "ცოცხი უბნის მელოდიები", რითაც მომიტინგეები საკონცერტო დარბაზში მიუზიკლის "ვერის უბნის მელოდიების" მიმდინარეობას აპროტესტებენ.

"ინტერპრესნიუსი"