მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
აშშ-ის უსაფრთხოების სამსახურის სკანდალი გრძელდება - ამჯერად ირკვევა, რომ მაიკ უოლცი და ეროვნული უსაფრთხოების გუნდის სხვა წევრები საქმიანი მიმოწერისთვის Gmail-ს იყენებდნენ
10:05 / 02-04-2025
The Washington Post-ის ინფორმაციით, ეროვნული უსაფრთხოების საკითხებში დონალდ ტრამპის მრჩეველი, მაიკ უოლცი და ეროვნული უსაფრთხოების გუნდის სხვა წევრები ოფიციალური საქმიანი სამთავრობო კომუნიკაციისთვის Gmail-ის პერსონალურ ანგარიშებს იყენებდნენ.
- შეგახსენებთ, რომ ამ ინფორმაციის გავრცელებას წინ უსწრებდა ე.წ. სიგნალგეითის სკანდალი - როდესაც მაიკ უოლცმა გამოცემა The Atlantic-ის რედაქტორი შემთხვევით დაამატა Signal-ის ჩათში, სადაც ამერიკის შეერთებული შტატების უმაღლესი თანამდებობის პირები "ჰუსიტებზე" თავდასხმის საკითხს განიხილავდნენ.
Gmail კიდევ უფრო ნაკლებად უსაფრთხოა, ვიდრე Signal.
როგორც The Washington Post წერს, უოლცის მთავარი თანაშემწეც იყენებდა Gmail.-ის ანგარიშს სამთავრობო კომუნიკაციისთვის, რომელიც მოიცავდა ინფორმაციას სენსიტიურ სამხედრო პოზიციებზე და შეიარაღების სისტემებზე. ასევე ირკვევა, რომ მაშინ, როცა ეროვნული უშიშროების საბჭოს თანამდებობის პირი იყენებდა Gmail-ის ანგარიშს კომუნიკაციისას, კოლეგები სხვა უწყებებიდან, მასთან სასაუბროდ იყენებდნენ სპეციალურად შექმნილ სამთავრობო ანგარიშებს
"პერსონალური ელ.ფოსტის ანგარიშების გამოყენება, თუნდაც არასაიდუმლო ინფორმაციისთვის, სახიფათოა, რადგან უცხოური დაზვერვის სამსახურები დიდ მნიშვნელობას ანიჭებენ უმაღლესი თანამდებობის პირების კომუნიკაციებსა და განრიგს", - განუცხადეს ექსპერტებმა Washington Post-ს.
აშშ-ის ეროვნული უსაფრთხოების საბჭოს სპიკერი, ბრაიან ჰიუზი ამბობს, რომ უშიშროების საბჭოს თანამშრომლებს აქვთ მითითება, რომ გამოიყენონ უსაფრთხო პლატფორმები საიდუმლო ინფორმაციაზე სასაუბროდ.
ჰიუზის მტკიცებით, Signal-ის გამოყენება დამტკიცებულია უსაფრთხოების სამსახურის მიერ, თუმცა საიდუმლო ინფორმაციაზე სასაუბროდ არა. მისი მტკიცებით, უოლცს ეს არასდროს არ გაუკეთებია.
- "სიგნალგეითის" სკანდალის დროს მედია წერდა, რომ დონალდ ტრამპი მაიკ უოლცს დაკავებული თანამდებობიდან გაათავისუფლებდა, თუმცა ტრამპმა მხარი დაუჭირა უოლცს და საჯარო გამოსვლისას ის დაიცვა.
არსებული ინფორმაციით, მაშინ უოლცის საკითხზე ტრამპი ესაუბრა ჯეი დი ვენსს და სხვა მაღალჩინოსნებს და განიხილა, დაეტოვებინა თუ არა ის ეროვნული უსაფრთხოების საბჭოს მდივნის თანამდებობაზე.
ჯერჯერობით, უცნობია როგორი იქნება დონალდ ტრამპის რეაქცია ახალ ინფორმაციაზე, რომელიც აშშ-ის უსაფრთხოების სამსახურის მაღალჩინოსნების მხრიდან საქმიანი მიმოწერისთვის Gmail-ის გამოყენებას გულისხმობს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
