29
მარტიდღის ზოგადი ასტროლოგიური პროგნოზი
Amazon-ის დამფუძნებელმა ჯეფ ბეზოსმა და მისმა საცოლემ, ლორენ სანჩესმა ორწლიანი ნიშნობის შემდეგ დაქორწინება გადაწყვიტეს. როგორც Page Six იტყობინება, წყვილმა უკვე გაგზავნა მოსაწვევები.
- მსოფლიოში რიგით მეორე უმდიდრესი მამაკაცი და ყოფილი ჟურნალისტი, ლორენ სანჩესი ამ ზაფხულს იტალიაში, ვენეციაში დაქორწინდებიან.
61 წლის ბეზოსი და 55 წლის სანჩესი 2023 წლის მაისში დაინიშნნენ. ნიშნობამდე 4 წლით ადრე, მილიარდერმა მეუღლე მაკენზი სკოტთან 25-წლიანი ქორწინება დაასრულა. ამავე წელს გასცილდა თავის მეუღლეს სანჩესიც.
გავრცელებული ინფორმაციით, ლორენი და ჯეფი თავიანთ 500 მილიონიან იახტაზე ივნისში დაქორწინდებიან.
ნიშნობაზე ბეზოსმა ლორენს 20-კარატიანი, 2.5 მილიონი დოლარის ღირებულების ბეჭედი აჩუქა. წყვილმა ნიშნობა მაშინაც იტალიაში, საკუთარ იახტაზე აღნიშნა. სტუმრებს შორის იყვნენ ბილ გეითსი, ლეონარდო დიკაპრიო, ტობი მაგუაირი, ენდრიუ გარფილდი, იორდანიის დედოფალი რანია ალ აბდულა და კრის ჯენერი.
ასევე აღსანიშნავია, რომ ბეზოსის კოსმოსური კომპანიის, Blue Origin-ის ქალთა ეკიპაჟს, რომელიც კოსმოსში ამ გაზაფხულზე გაემგზავრება, მილიარდერის მომავალი პატარძალიც შეუერთდება. გავრცელებული ინფორმაციით, ლორენთან ერთად კოსმოსში ოპრა უინფრი, ქეითი პერი და გეილ კინგი გაემგზავრება.
წყარო: nypost
მოამზადა: ანა სიბოშვილმა
