26
აპრილიდღის ზოგადი ასტროლოგიური პროგნოზი
საქართველოს საკონსტიტუციო სასამართლოსთან, საპროტესტო აქციის მონაწილეებმა ე.წ ოცნების ქალაქში მომხდარი ტრაგიკული შემთხვევის გამო, სიმბოლურად თოჯინები, ყვავილები და სანთლები მიიტანეს. მათ ამ ფორმით სამძიმარი გამოუცხადეს დაღუპულთა ოჯახებს.
„მე ვფიქრობ, საზოგადოება მაშინ არის საზოგადოება, როდესაც სხვისი შვილია ბავშვის ისე ეხმაურები როგორც საკუთარს, სანამ ჩვენ შვილებამდე მოვიდნენ, უნდა გავაკეთოთ რამე, თუნდა სიმბოლურად გამოვხატოთ ჩვენი პოზიცია, რათა მომავალში კიდევ ერთი ბავშვი არ შეეწიროს”, - აცხადებს აქციის მონაწილე ნათია სირაბიძე.
ცნობისთვის, ბათუმში, უბედურ შემთხვევას ორი მცირეწლოვანი ემსხვერპლა. არსებული ინფორმაციით, ბავშვები ერთ-ერთი გასახლებული მოქალაქის მიერ გაკეთებულ საკანალიზაციო თხრილში ჩავარდნენ, რომელიც წყლით იყო სავსე. საქართველოს შინაგან საქმეთა სამინისტრომ ფაქტზე გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.
საპროტესტო აქცია განახლდა აჭარის მთავრობის სახლთანაც.
მოქალაქეები 81-ე დღეა უწყვეტად იკრიბებიან და ქვეყანაში საპარლამენტო არჩევნების ხელახლა დანიშვნას და დაკავებული მოქალაქეების გათავისუფლებას მოითხოვენ.
ამასთან, შეკრებილები სამძიმარს და მხარდაჭერას უცხადებენ ე.წ. “ოცნების ქალაქში” დაღუპული ბავშვების ოჯახის წევრებს.
საპროტესტო აქციაზე, აჭარის მთავრობის სახლთან და საკონსტიტუციო სასამართლოსთან სამართალდამცავები არიან მობილიზებული.
