მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რას ნიშნავს OFAC-ის სანქცია და შეეხება თუ არა ის ბიძინა ივანიშვილის ოჯახს?
14:14 / 28-12-2024
გუშინ ცნობილი გახდა, რომ აშშ-ის სახაზინო დეპარტამენტმა “ქართული ოცნების“ საპატიო თავმჯდომარეს, ბიძინა ივანიშვილს სანქციები დაუწესა.
მათი ინფორმაციით, "როგორც რუსეთთან დაკავშირებულ პირზე, ბიძინა ივანიშვილზე და მის მიერ კონტროლირებულ კომპანიებზე სანქციების შედეგად რიგი შეზღუდვები წესდება. შეზღუდვები ვრცელდება ყველა ტრანზაქციაში, რომელშიც ივანიშვილის მფლობელობაში მყოფი ნებისმიერი კომპანია მიიღებს მონაწილეობას, მიუხედავად იმისა ის მას პირდაპირ თუ არაპირდაპირ აკონტროლებს, ინდივიდუალურად თუ ჯგუფურად, 50%-ს თუ მეტს".
აშშ-ის მიერ დაწესებული სანქციების შემდეგ, “ქართული ოცნების“ საპატიო თავმჯდომარე ბიძინა ივანიშვილი შვეიცარიული Credit Suisse-თან სინგაპურში დავის შედეგად მოგებულ თანხას ნებართვის გარეშე ვერ მიიღებს. აღნიშნულის შესახებ ვკითხულობთ სახაზინო დეპარტამენტმა მიერ გამოცემულ “გენერალური ლიცენზია #116“-ში.
გუშინ დაწესებულ სანქციებთან დაკავშირებით უამრავი კითხვა დაისვა - შეეხო თუ არა სანქციები ივანიშვილის ოჯახს და ზოგადად, რას ნიშნავს OFAC-ის სანქცია?
"საერთაშორისო გამჭვირვალობა – საქართველოს" უფროსი ანალიტიკოსი, ექსპერტი ეკონომიკის საკითხებში ბესო ნამჩევაძე, 27 დეკემბერს ბიძინა ივანიშვილის დასანქცირებასთან დაკავშირებით განმარტებას აქვეყნებს:
"ამერიკის სახელმწიფო ხაზინამ (იქაური ფინანსთა სამინისტრო) ბიძინა ივანიშვილი შეიყვანა უცხოური აქტივების კონტროლის ოფისის (OFAC) სანქცირებულთა სიაში (SDN)სანქციები არის ინდივიდუალური, ანუ დასანქცირდა მხოლოდ ბიძინა ივანიშვილი და არა მისი ოჯახის წევრები.
სანქცია გულისხმობს აშშ-ში მისი აქტივების გაყინვას და მასთან ნებისმიერი ტრანზაქციების შეწყვეტას. დასანქცირების პარალელურად OFAC-მა გამოსცა ლიცენზია, რომლის თანახმად სანქციები არ ვრცელდება არც ბიძინა ივანიშვილის საკუთრებაში არსებულ კომპანიებზე. გამონაკლისის სახით სანქციები გაავრცელეს რუსეთთან დაკავშირებულ შესაძლო ტრანზაქციებზე და "კრედიტ სვისთან" დავის ფინანსურ შედეგებზე.
სანქციას თან ახლავს ჩანაწერი Secondary sanctions risk-ზე, რაც ძალიან მკაცრი მიდგომაა. ეს გულისხმობს, რომ ნებისმიერი ფიზიკური ან იურიდიული პირი, ვინც ივანიშვილთან რაიმე ტრანზაქციას განახორციელებს, აშშ-ს მხრიდან "დაიბლოკება" (შეეზღუდება წვდომა აშშ-ს ფინანსურ რესურსებზე, დოლარზე, ამერიკულ კომპანიებზე და სერვისებზე)
რატომ არ შეიყვანა აშშ-მა ივანიშვილი მაგნიტსკის სიაში, როცა ამის საფუძვლებიც არსებობს?
მაგნიტსკის სია არის ძალიან მკაცრი და ამავე დროს სადამსჯელო, მისი მიზანი არ არის დასანქცირებულ პირს ქცევა შეაცვლევინოს, შეაჩეროს. მისი მიზანი სამუდამო დასჯაა.
OFAC-ის სანქცია ივანიშვილს აძლევს საშუალებას, ქცევის შეცვლის შემთხვევაში გამოვიდეს სანქციებიდან. OFAC-მა ივანიშვილი არ დაასანქცირა სრულად.
წინ კიდევ მნიშვნელოვანი ნაბიჯები დაიტოვა: სანქციების გავრცელება მის კომპანიებზე, მის ოჯახის წევრებზე და ბიზნეს-პარტნიორ ნათესავებზე. ასე რომ "მიწაში ჩადეს", "გაანადგურეს" და ა.შ. ტყუილია. მიდგომა არის თანდათანობითი, რაც სწორია. აშშ-მა დაიტოვა ბერკეტები, რომ თუ რეპრესიებს და ანტიდასავლურ პოლიტიკას გააგრძელებს, სანქციები გაუმკაცროს.
გამკაცრების დიდი პოტენციალია წინ, მაგალითად, იქამდეც კი შეიძლება მივიდეს საქმე, რომ გალერია თბილისიდან ბრენდები გამოვიდნენ, სანქციების შიშით, მხატვრულ-ლიტერატურულ წიაღსვლებს, ჯობია, სწორი ინფორმაცია გაავრცელოთ. იქნებ, თავად დასანქცირებულსაც სხვა რამეს უყვებიან" - წერს ნამჩევაძე.
წაიკითხეთ ასევე:
- “როგორც იქნა!“ - როგორ ეხმაურებიან სხვადასხვა ქვეყნის ლიდერები აშშ-ის მიერ, ბიძინა ივანიშვილის დასანქცირებას: ვინ რას აცხადებს?
- "რატომ ახლა და რატომ ბაიდენის ხელით? საქმე იმაში გახლავთ, რომ..." - რას ამბობს გია ხუხაშვილი ბიძინა ივანიშვილის მიმართ დაწესებულ სანქციებზე
- "მადლობელი ვარ შეერთებული შტატების - ბიძინა ივანიშვილის წინააღმდეგ დაწესებული სანქციებისთვის" - ზელენსკი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
