მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
შავი ზღვა ეკოლოგიური კატასტროფის საფრთხის წინაშეა - ქერჩის სრუტეში ნავთობის ორი რუსული ტანკერი ჩაიძირა: რა ხდება ცნობილი?
10:19 / 16-12-2024
ქერჩის სრუტეში, რომელიც რუსეთისა და ანექსირებულ ყირიმს შორის მდებარეობს, კატასტროფა განიცადა ნავთობის ორმა რუსულმა ტანკერმა - "ვოლგონეფტ 212" -მა და "ვოლგონეფტ 239" - მა. ორივე გემზე ეკიპაჟის წევრები იმყოფებოდნენ: "ვოლგონეფტი 212“-ზე 13 ადამიანი, ხოლო "ვოლგონეფტი 239“-ზე - 14. არსებული ინფორმაციით, ერთი ადამიანი გარდაიცვალა.
- რუსეთის ხელისუფლების მიერ გავრცელებულ ვიდეოკადრებში ჩანს, რომ „ვოლგონეფტი 212“, სავარაუდოდ, შუაზე გაიხლიჩა და ძლიერი შტორმის დროს მეჩეჩზე გაიჭედა. წყალში ნავთობის კვალი შესამჩნევია, თუმცა ზუსტი ინფორმაცია ნავთობპროდუქტების რაოდენობაზე, რომელიც ზღვაში ჩაიღვარა, ამ ეტაპზე უცნობია, თუმცა ცნობილია, რომ თითოეულ ტანკერზე დაახლოებით 4000 ტონა ნავთობპროდუქტები ინახებოდა.
საგანგებო სიტუაციების სამსახურმა სააგენტო ТАСС-ს აცნობა, რომ შტორმის დროს "ვოლგონეფტი 212"-ის "ცხვირის ნაწილი" მოწყდა. ინციდენტი ნაპირიდან 8 კილომეტრის დაშორებით მოხდა. რუსეთის საგანგებო სიტუაციების სამინისტროს განცხადებით, რთული მეტეოროლოგიური პირობების (ძლიერი ქარი და 7 ბალიანი შტორმი ზღვაზე) გამო, გემმა სერიოზული დაზიანებები მიიღო და დახმარება მოითხოვა.
"ვოლგონეფტი 212“-ის ბორტზე მყოფი 13 ადამიანიდან ერთი გარდაიცვალა, დანარჩენების ევაკუაცია კი წარმატებით განხორციელდა. რუსული მედიის ინფორმაციით, 11 მეზღვაური გადაიყვანეს ანაპის ქალაქის საავადმყოფოში, სადაც ორი მათგანი მძიმე მდგომარეობაშია.
კრასნოდარის მხარის გუბერნატორის, ვენიმინ კონდრატევის განცხადებით, ეკიპაჟის ყველა წევრს ჰიპოთერმია დაუფიქსირდა.
მეორე ტანკერმა - "ვოლგონეფტი 239"-მა - ასევე მიიღო დაზიანებები და ტამანის პორტის რაიონში მეჩეჩზე გაჩერდა, ნაპირთან 80 მეტრის დაშორებით. დაზიანების მიზეზები ამ დროისთვის უცნობია. გემზე მყოფი 14 ეკიპაჟის წევრი ჯერ კიდევ ბორტზე რჩება, მათთან კომუნიკაცია შენარჩუნებულია, დაგეგმილია ევაკუაცია
კვირას, დღის მეორე ნახევარში, საგანგებო სიტუაციების სამინისტრომ განაცხადა, რომ "ვოლგონეფტი 239"-ის ეკიპაჟის ევაკუაცია ამინდის გაუარესების გამო დროებით შეჩერდა, თუმცა გემზე პირველადი საჭიროებების უზრუნველსაყოფად ყველა პირობა არსებობს.
სინოპტიკოსების პროგნოზით, ძლიერი ქარი და ზღვის ღელვა შავი ზღვის კრასნოდარის სანაპიროზე კიდევ ერთი დღე გასტანს.
"ვოლგონეფტი 212"-ის სიგრძე 136 მეტრია, სიგანე - 16 მეტრი, ის 1969 წელს აშენდა. "„ვოლგონეფტი 239“-ის სიგრძე 132 მეტრია, სიგანე - 17 მეტრია და 1973 წელს აშენდა. ორივე ტანკერი რუსეთის დროშის ქვეშ მოძრაობდა.
ეკოლოგიური რისკები
რუსეთის ფედერალურმა საზღვაო და მდინარის ტრანსპორტის სააგენტომ დაადასტურა, რომ ორი ტანკერის განადგურების შედეგად ზღვაში ნავთობპროდუქტები ჩაიღვარა.
- Greenpeace-ის ეკოლოგები აღნიშნავენ, რომ თუ ზღვაში 8000 ტონა ნავთობპროდუქტი მოხვდება, ეს შავი ზღვის რეგიონში ერთ-ერთი ყველაზე სერიოზული ეკოლოგიური კატასტროფა იქნება.
Greenpeace-ის წარმომადგენლებმა რუსეთის ხელისუფლებას მოუწოდეს, მაქსიმალური ზომები მიიღოს ეკოლოგიური ზიანის შესამცირებლად. თუ გემები ჩაიძირება, ზღვაში ნავთობპროდუქტების ხანგრძლივი გაჟონვის რისკი კიდევ უფრო გაიზრდება.
ეკოლოგებმა გაიხსენეს 2007 წლის ნოემბრის ავარია, როდესაც ქერჩის სრუტეში სხვა ტანკერი განადგურდა, რომელსაც 4800 ტონა ნავთობპროდუქტები გადაჰქონდა. მაშინდელმა შემთხვევამ შავი ზღვის სანაპიროს ათეულობით კილომეტრის დაბინძურება გამოიწვია.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
