მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
10 წლის ბიჭს, რომელსაც მშობლების ძალადობის შემდეგ ფეხების ამპუტაცია დასჭირდა, სიარული კვლავ შეუძლია - "სასწაულებრივი" ოპერაცია და ბრიტანელი მოზარდის მძიმე ამბავი
14:36 / 21-12-2024
ბრიტანელი ბიჭის ამბავმა მსოფლიო მოიცვა. 10 წლის ტონი ჰაჯელი წლების განმავლობაში ყავარჯნებით, პროთეზებით ან ინვალიდის ეტლით გადაადგილდებოდა.
თუმცა ოპერაციის შემდეგ, რომელიც მისი დისლოკაციური თეძოს რეკონსტრუქციასა და მარცხენა ფეხის დაგრძელებას ისახავდა მიზნად, მან ფეხების ზედა ნაწილის გამოყენებით სიარული დაიწყო. ბავშვისთვის პროთეზების ტარებაც უფრო მარტივი გახდა, რადგან მისი ფეხები ახლა თანაბარი სიგრძისაა.
პაულა ჰაჯელმა, ქალბატონმა, რომელმაც ტონი იშვილა, The Sun-ს განუცხადა:
"ეს სრული სასწაულია - ქირურგმა აბსოლუტური საოცრება ჩაიდინა. ოპერაციები ჯერ არ დასრულებულა, მაგრამ ახლო მომავალში ახალი ოპერაცია არ იქნება საჭირო, ამიტომ ტონი მოუთმენლად ელის, როდის შეძლებს ფეხბურთის თამაშს. ძალიან უნდა თამაში, რეაბილიტაციის დროსაც ოდნავ დაარტყა ფეხი ბურთს - მგონი, ჯობდა, ეს არ გაეკეთებინა - მაგრამ ყველაფერი კარგად დასრულდა!“
ტონიმ 2 მილიონ ფუნტზე მეტი შეაგროვა საავადმყოფოსთვის, რომელმაც მას მცირეწლოვან ასაკში სიცოცხლე შეუნარჩუნა. პაულა ჰაჯელმა ის თავისი „გამძლეობისა და მიზანდასახულობისთვის“ შეაქო.
- ბიჭმა ექვსი კვირის ასაკში მშობლების სასტიკი ძალადობის შედეგად მრავლობითი მოტეხილობები მიიღო. ბოროტმოქმედებმა, ენტონი სმიტმა და ჯოდი სიმფსონმა, რომელთაც 2018 წელს 10 წლით პატიმრობა მიუსაჯეს, სამედიცინო დახმარების გამოძახებამდე 10 დღე დააყოვნეს. ამ დროის განმავლობაში, ტონის ორგანოების მრავალმხრივი უკმარისობა და სეპტიცემია (ლპობა) განუვითარდა.
Evelina London-ის ბავშვთა საავადმყოფოს მედპერსონალმა მისი სიცოცხლე გადაარჩინა, მაგრამ დაზიანებების შედეგად, ბავშვისთვის 4 წლის ასაკში საჭირო გახდა, ორივე ფეხის მუხლებთან ამპუტაცია გაეკეთებინათ.
ბიჭის დაუღალავი კამპანიების შემდეგ, 2022 წელს ბრიტანეთში მიიღეს "ტონის კანონი", რომლის მეშვეობითაც გაიზარდა სასჯელი ნებისმიერი ადამიანისთვის, ვინც ბავშვებს მათი მოვლის პროცესში ფიზიკურ ზიანს აყენებს ან მათ სიკვდილს იწვევს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
