მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
13 წლის მოსწავლის ტყუილი, რომლის გამოც 18 წლის ჩეჩენმა რადიკალმა მასწავლებელი მოკლა - საფრანგეთში იწყება სასამართლო პროცესი, რომელზეც მოსწავლის მამასაც გაასამართლებენ
14:32 / 04-11-2024
ეს იყო მკვლელობა, რომელიც ტყუილმა გამოიწვია. 2020 წლის ოქტომბერში, ისლამისტმა ტერორისტმა მოძებნა და თავი მოკვეთა პროფესორ სამუელ პატის იმ დროს, როდესაც არდადეგების წინა დღეს, პარიზის გარეუბნის სკოლიდან გამოდიოდა.
მკვლელობამდე რამდენიმე დღით ადრე, 47 წლის პატი, რომელიც გეოგრაფიასა და ისტორიას ასწავლიდა, ინტენსიური ბულინგის კამპანიის სამიზნე. ეს კი იმის გამო მოხდა, რომ მისმა 13 წლის მოსწავლემ მას მუსლიმი მოსწავლეებს დისკრიმინაციაში დასდო ბრალი.
გოგონამ მამამისს უთხრა, რომ პატიმ მუსლიმ მოსწავლეებს სთხოვა, დაეტოვებინათ საკლასო ოთახი მანამ, ვიდრე ის სხვა მოსწავლეებს სატირულ გაზეთ "Charlie Hebdo:-ში დაბეჭდილ წინასწარმეტყველ მუჰამედის კარიკატურებს უჩვენებდა.
სინამდვილეში, გოგონა იმ დღეს პატის გაკვეთილზე საერთოდ არ იმყოფებოდა. ეს ისტორია კი იმიტომ გამოიგონა, რომ სურდა დაემალა სკოლიდან, ცუდი ქცევის გამო, მისი დროებით დათხოვნის ამბავი.
პატიმ გამოსახულებები ეთიკის გაკვეთილზე, საფრანგეთის გამოხატვის თავისუფლების კანონებსა და "დილემის" საკითხის განსახილველად გამოიყენა. მან დასვა კითხვა, - უნდა გაეზიარებინათ თუ არა რიგით მოქალაქეებს #JeSuisCharlie ჰეშთეგი, რომელიც გაზეთის მხარდასაჭერად 2015 წლის იანვარში, მის ოფისზე ტერორისტული თავდასხმის შემდეგ გამოიყენებოდა. შეგახსენებთ, მუჰამედის კარიკატურის გამო მომხდარ თავდასხმას 12 ადამიანი ემსხვერპლა.
მაგრამ პატის ბავშვებისთვის ოთახის დატოვება არ უთხოვია - ამის ნაცვლად, მან უთხრა მათ, რომ შეეძლოთ გვერდზე გაეხედათ, თუ ფიქრობდნენ, რომ გამოსახულებები შეურაცხმყოფელი იქნებოდა მათთვის.
თინეიჯერმა ვერ გაითვალისწინა, რომ ისტორია, რომელიც მან მამამისს უამბო, უმძიმე მოვლენების ჯაჭვს გამოიწვევდა, რაც 18 წლის ჩეჩენს, აბდულა ანზოროვს იქამდე მიიყვანდა, რომ ნორმანდიაში თავისი სახლიდან მასწავლებლის მოსაკლავად 100 კილომეტრი გაევლო მას შემდეგ, რაც ბავშვის გაბრაზებულმა მამამ ეს ტყუილი სოციალურ მედიაში გაავრცელა.
მამა, ბრაჰიმ შნინა, იქნება იმ 8 ზრდასრული ადამიანიდან ერთ-ერთი, რომლებიც მკვლელობასთან დაკავშირებით სასამართლოს წინაშე წარდგება. შნინას ბრალად ტერორისტულ ორგანიზაციასთან კავშირი ედება სოციალური მედიაში პატის წინააღმდეგ კამპანიის, მათ შორის ონლაინ ვიდეოების გამოქვეყნების გამო, რომლებშიც ის პატის თავს ესხმოდა და მას მისი იდენტობისა და სამუშაო ადგილის შესახებ ზუსტი ინფორმაციის მიწოდებით, სამიზნედ ასახელებდა.
პროკურორების თქმით, შნინა მკვლელობამდე ცხრაჯერ დაუკავშირდა ანზოროვს, თუმცა ის ამ ბრალდებებს ამ დრომდე უარყოფს.
როგორც დაკითხვისას მან პოლიციას უთხრა, არასდროს გამოაქვეყნებდა ვიდეოს, წარმოდგენა რომ ჰქონოდა, რომ მასწავლებლის მკვლელობის პროვოცირების "მილიარდში ერთი შანსი" არსებობდა.
დანარჩენ პირებს ბრალად ედებათ კრიმინალურ ტერორისტულ დაჯგუფებასთან კავშირი და მსჯავრის დადების შემთხვევაში 30 წლამდე პატიმრობა ემუქრებათ. ანზოროვის ორ მეგობარს კი ბრალად ედება თანამონაწილეობა პატის მკვლელობაში.
შნინას ქალიშვილი და ხუთი სხვა ყოფილი მოსწავლე, რომლებიც მკვლელობის დროს 13-დან 15 წლამდე ასაკის იყვნენ, გასულ წელს გაასამართლეს. შნინას ქალიშვილმა "ცილისწამებისა და ყალბი ბრალდებების" გამო 18-თვიანი პირობითი სასჯელი მიიღო.
დანარჩენი ხუთი თინეიჯერი ძალადობის მიზნით კრიმინალურ შეთქმულებაში ცნეს დამნაშავედ. გოგონამ, რომელიც სკოლიდან გაკვეთილების გაცდენების გამო დაითხოვეს, პოლიციას უთხრა, რომ მამის იმედგაცრუება არ უნდოდა და ამიტომ იცრუა.
მსჯავრდადებული თინეიჯერებიდან ერთ-ერთმა ანზოროვს პატის აღწერილობა მიაწოდა, ისევე, როგორც ინფორმაცია მარშრუტზე, რომელსაც ის სკოლიდან გადიოდა და ამასთანავე, მასწავლებლის თვალთვალისთვის სხვა მოსწავლეები დაიქირავა.
რადიკალი ისლამისტი, 18 წლის ანზოროვი, რომელიც საფრანგეთში ექვსი წლის ასაკში, თავის ჩეჩენ მშობლებთან ერთად ჩავიდა და თავშესაფარი მიიღო, დაკავების დროს, პოლიციასთან შეტაკებისას დაიღუპა.
ცნობილია, რომ სკოლას, რომელშიც სამუელ პატი ასწავლიდა, მომავალი წლიდან მისი სახელი დაერქმევა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
