პარტნიორები:
ავტორი:

როგორ დახვდა პუტინი ზელიმხან ხანგოშვილის მკვლელს და რა ხდებოდა აშშ-ში, გათავისუფლებული პატიმრების დაბრუნებისას - ფოტოები ორი ქვეყნის აეროპორტებიდან

როგორ დახვდა პუტინი ზელიმხან ხანგოშვილის მკვლელს და რა ხდებოდა აშშ-ში, გათავისუფლებული პატიმრების დაბრუნებისას - ფოტოები ორი ქვეყნის აეროპორტებიდან

რუსეთში დაკავებული სამი ამერიკელი, მათ შორის Wall Street Journal-ის რეპორტიორი ევან გერშკოვიჩი, პატიმრების გაცვლითი შეთანხმების შედეგად საკუთარ ქვეყანაში დაბრუნდა.

  • 32 წლის გერშკოვიჩი, იყო ერთ-ერთი იმ 16 ტყვედან, რომლებიც რვა რუს პატიმარზე გაცვალეს. bbc -ის ინფორმაციით, ეს არის ყველაზე დიდი გაცვლა რუსეთსა და დასავლეთს შორის, ცივი ომის დასრულების შემდეგ.

მერილენდში ამერიკელ მეზღვაურს პოლ უელანს და რუს-ამერიკელ ჟურნალისტს ალსუ კურმაშევას აშშ-ის პრეზიდენტი ჯო ბაიდენი და პრეზიდენტობის კანდიდატი, კამალა ჰარისი დახვდნენ. სამივეს მიესალმა და თბილად ჩაეხუტნენ აშშ-ს პრეზიდენტი ჯო ბაიდენი და ვიცე-პრეზიდენტი კამალა ჰარისი - თითოეულ მათგანს იქ ოჯახებიც ელოდებოდნენ.

ბაიდენი მიესალმა მათ, მოიულოცა გათავისუფლება და უთხრა, რომ: “მათი სასტიკი განსაცდელი დასრულდა“. სამივე გათავისუფლებული სამედიცინო შემოწმებისთვის ტეხასის ბრუკის არმიის სამედიცინო ცენტრში გადაიყვანეს.

  • შეთანხმების დეტალები

მოლაპარაკება 18 თვეზე მეტხანს გრძელდებოდა და, როგორც ჩანს, ეყრდნობოდა მოსკოვის მოთხოვნას ვადიმ კრასიკოვის დაბრუნებაზე, რომელიც გერმანიაში სამუდამო პატიმრობას იხდიდა ბერლინის პარკში მკვლელობისთვის. ის ახლა რუსეთშია.

გაცვლის პროცესს, თურქეთის მონაწილეობით, ნატოც და ევროკავშირიც მიესალმნენ.

თურქეთის პრეზიდენტის განცხადებით, მთლიანობაში შვიდი ქვეყნის ციხეებიდან 26 ადამიანის გაცვლა განხორციელდა. პატიმრები იყვნენ აშშ-დან, გერმანიიდან, პოლონეთიდან, სლოვენიიდან, ნორვეგიიდან, რუსეთიდან და ბელორუსიდან. ათი ადამიანი, მათ შორის ორი არასრულწლოვანი, გადაიყვანეს რუსეთში, 13 პატიმარი გერმანიაში და სამი აშშ-ში, ნათქვამია განცხადებაში.

  • ყვავილები ვლადიმერ პუტინისგან

პრეზიდენტი ვლადიმერ პუტინი გათავისუფლებულ რუს პატიმრებს მოსკოვის, ვნუკოვოს აეროპორტში ყვავილების თაიგულებით დახვდა. ქალბატონებისთვის თაიგულების გადაცემის შემდეგ, მან ასევე განაცხადა, რომ გათავისუფლებულებს სახელმწიფო ჯილდოებს გადასცემდნენ.

  • გათავისუფლებულ პატიმრებს შორის არის უსაფრთხოების ფედერალური სამსახურის წევრი ვადიმ კრასიკოვი, რომელიც გერმანიაში 2019 წელს დააკავეს - მას ბრალად ედება ზელიმხან ხანგოშვილის მკვლელობა ბერლინში. Frankfurter Allgemeine Zeitung-ის ინფორმაციით, გერმანიის ფედერალური პროკურატურის დეპარტამენტი იმედგაცრუებულია ვადიმ კრასიკოვის რუსეთში ექსტრადაციის გადაწყვეტილებით. გარდა ამისა, სლოვენია გაათავისუფლებს ორ რუს ჯაშუშს: არტემ და ანა დოლჩევებს.

დაბრუნებულთა შორის, კრასიკოვის გარდა, იყო სლოვენიაში ჯაშუშობისთვის ნასამართლევი რუსი წყვილი, რომლებიც რუსეთში ორ მცირეწლოვან შვილთან ერთად დაბრუნდნენ.

პუტინი და ვადიმ კრასიკოვი

ამასთან, ცნობილია, რომ უკვე გაათავისუფლეს გერმანიის მოქალაქე რიკო კრიგერი, რომელსაც ბელორუსში სიკვდილით დასჯა მიესაჯა. მოგვიანებით ის ბელორუსის ლიდერმა ალექსანდრე ლუკაშენკომ შეიწყალა.

იხილეთ ასევე:

ტეგები თემაზე: