არქეოლოგებმა ნეაპოლში, ზღვის ქვეშ გასაოცარ აღმოჩენას მიაკვლიეს
არქეოლოგებმა და აკვალანგებმა ნეაპოლის წყლებში, ზღვის ფსკერზე უძველესი რომაული ვილის იატაკის მოზაიკური ნაწილი აღმოაჩინეს.
“ახლა წყალქვეშ მდებარე, მარმარილოს იატაკი სავარაუდოდ თავის დროზე იქნებოდა რეზიდენციის მორთული ვერანდა, რომელიც გადაჰყურებს ზღვას“, - ნათქვამია იტალიის კულტურის სამინისტროს ერთ-ერთი მიმართულების Campi Flegrei -ის ფეისბუქ პოსტში.
რეზიდენცია რომის იმპერიის მმართველების - იულიუს კეისრისა და იმპერატორ ნერონის საკუთრებაში იყო. როგორც მეცნიერები წერენ,ის გეოლოგიური ფენომენის შედეგად ნელ ნელა ჩაიძირა.
წინასწარი გამოკვლევა აჩვენებს, რომ იატაკი ძირითადად დამზადებულია მარმარილოს ნაჭრებისგან, ეს ტექნიკა გავრცელებული იყო მე-3-დან მე-5 საუკუნემდე.
წყალქვეშა სამუშაოები იატაკის დანარჩენი ნაწილის აღმოსაჩენად და აღსადგენად გრძელდება. ზოგიერთი ნიმუში უკვე ამოიტანეს ხმელეთზე და გაწმინდეს.
ადგილობრივმა მერმა ჯოსი გერარდო დელა რაჯიონემ ფეისბუქზე გამოქვეყნებულ პოსტში აღმოჩენას “გასაოცარი“ უწოდა.
ასევე იხილეთ:
- მეცნიერებმა უძველეს დროში მცხოვრები, დაუნის სინდრომის მქონე ბავშვის ძვალი შეისწავლეს - როგორ იცოცხლა მან უმკაცრეს პირობებში: უდიდესი აღმოჩენა, რომელიც საიდუმლოს ფარდას ხდის
- NASA-ს კიდევ ერთი გასაოცარი აღმოჩენა - მარსმავალმა ცეცხლოვან პლანეტაზე გოგირდის მოყვითალო-მომწვანო კრისტალები იპოვა: რას ნიშნავს ეს?