მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მკვლელობა საჩხერეში: მამაკაცმა მეზობლის სახლს ცეცხლი გაუხსნა და მასთან სტუმრად მყოფი ნათესავი მოკლა - "წაკამათებას უდანაშაულო ადამიანი ემსხვერპლა"
13:23 / 10-07-2024
8 ივლისს ღამით საჩხერეში მკვლელობა მოხდა. ნასვამმა მეზობელმა ავტომატის ჯერით კუტალაძეების ოჯახში თბილისიდან სტუმრად ჩასული 45 წლის მამაკაცი ავტომატით მოკლა.
- კახა ლობჯანიძის მკვლელმა მიმალვა სცადა და სამართალდამცველებმა ის გორში აიყვანეს.
შინაგან საქმეთა სამინისტრო გამოძიებას 109-ე და 236-ე მუხლებით აწარმოებს. როგორც უწყებაში გვითხრეს, დამნაშავე ცხელ კვალზე დააკავეს.
AMBEBI.GE-მ მომხდართან დაკავშირებით დამატებითი დეტალები მოკლულის ოჯახის ახლობლისგან გაარკვია. მკვლელი იმ ოჯახის ნათესავი და მეზობელია, სადაც ტრაგედია მოხდა.
"წინა დღეს ნასვამებმა იჩხუბეს, მეორე დღეს კი იმ გარეწარმა სიძის მოკვლა განიზრახა, ღამის 11-დან 12 საათის ფარგლებში ჩაუარა მათ სახლს და ისე, რომ ავტომანქანიდან არც გადმოსულა, ავტომატის ჯერი გადაატარა სახლს, ავტოფარეხს, ეზოს. ამ დროს ეზოში კუტალაძეების ნათესავი კახა ლობჯანიძე მდგარა, რომელიც მამიდაშვილთან სტუმრად იყო ჩასული.
სამი ტყვია აქვს ავტოფარეხს მოხვედრილი, კახას კი ტყვია ზურგში მოხვდა, მას არტერია გადაჭრილი ჰქონდა და ადგილზე გარდაიცვალა. ეს ბიჭი საერთოდ არაფერ შუაში იყო, კახა თბილისელია, ვარკეთილში ცხოვრობს, ჰყავს მეუღლე. მშრომელი, უწყინარი და უკეთილშობილესი ადამიანი იყო.. კახა ადრე დაობლდა და უფროსი დის გაზრდილია. არ ვიცი, ავტომატი დაშინების მიზნით გადაატარა თუ რა, მეზობლების თქმით, ის მთვრალი იყო. არადა, ოჯახში ბავშვები იყვნენ და კიდევ კარგი, ისინიც არ მიაყოლა.
გაოგნებულები ვართ, რა უნდა მომხდარიყო ისეთი, ასე სასიკვდილოდ რომ გაემეტებინა ნათესავი? ამ უაზრო წაკამათებას კი სრულიად უდანაშაულო და საუკეთესო ადამიანი ემსხვერპლა... მკვლელი დაუჭერიათ, გორში გაქცეულა და პოლიციას ნათესავის სახლში აუყვანია. ჯოჯოხეთი ტრიალებს საჩხერეშიც და თბილისშიც“, - გვითხრა კახა ლობჯანიძის ახლობელმა.
რა განცხადებას ავრცელებს შსს?
"შინაგან საქმეთა სამინისტროს იმერეთისა და შიდა ქართლის პოლიციის დეპარტამენტების თანამშრომლების მიერ, ცხელ კვალზე, ერთობლივად ჩატარებული ოპერატიული ღონისძიებებისა და საგამოძიებო მოქმედებების შედეგად, 1995 წელს დაბადებული, წარსულში ნასამართლევი და ამჟამად პირობითი მსჯავრის ქვეშ მყოფი თ.ჭ. დააკავეს. მას ბრალად ედება დამამძიმებელ გარემოებაში ჩადენილი განზრახ მკვლელობა და ცეცხლსასროლი იარაღის უკანონო შეძენა-შენახვა-ტარება. დანაშაული 20 წლამდე ან უვადო თავისუფლების აღკვეთას ითვალისწინებს.
გამოძიებით დადგინდა, რომ თ.ჭ.-ს სიძესთან, 1992 წელს დაბადებულ გ.კ.-სთან კონფლიქტი მოუვიდა, მოგვიანებით ბრალდებული საჩხერეში, გ.კ-ს საცხოვრებელ სახლთან მივიდა და იქვე არსებულ ავტოფარეხთან, სადაც გ.კ.-ს მეგობარი - 1979 წელს დაბადებული კ.ლ. იმყოფებოდა, ცეცხლსასროლი იარაღიდან რამდენიმე გასროლა განახორციელა. მომხდარის შედეგად კ.ლ. დაიჭრა. დაშავებული მამაკაცი სამედიცინო დაწესებულებაში მოათავსეს, თუმცა მისი გადარჩენა ვერ მოხერხდა. სამართალდამცველებმა თ.ჭ. ბრალდებულის სახით, ცხელ კვალზე დააკავეს".
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
