ლაშა შავდათუაშვილმა ევროპის ჩემპიონატის ბრინჯაო მოიპოვა
ხორვატიის დედაქალაქ ზაგრებში ძიუდოში ევროპის ჩემპიონატის მეორე საშეჯიბრო დღეს საქართველოს სახელით ტატამზე 6 ქართველი ძიუდოისტი წარსდგა, მათგან ფინალურ ბლოკში ლაშა შავდათუაშვილი (-73 კგ) და ტატო გრიგალაშვილი (-81 კგ) გავიდნენ.
ლაშა ბრინჯაოს მედლისთვის ბრძოლაში მოლდოველ ადილ ოსმანოვს დაუპირისპირდა და გაიმარჯვა. დაპირისპირება რთული გამოდგა და მისი ბედი დამატებით წუთებში გადაწყდა.
შავდათუაშვილმა ასპარეზობა მეორე წრეში დაიწყო და ხორვატ რობერტ კლაჩარს სძლია, შემდეგ ეტაპზე კი ფინეთის სახელით მოასპარეზე ტურპალ დუკაევს აჯობა. სამწუხაროდ ლაშა მეოთხედფინალში შიდოებით დანიელ ლავრენტევთან დამარცხდა, რეპეშაჟში კი ბულგარელ მარკ ჰრისტოვს სძლია. ეს საქართველოს დელეგაციის მესამე მედალია. გუშინ ოქროს მოპოვება - 66 კილოგრამ წონით კატეგორიაში ვაჟა მარგველაშვილმა, ბრინჯაო კი ეთერ ლიპარტელიანმა მოიპოვა.
დღეს ოქროს მედლისთვის იჭიდავებს ტატო გრიგალაშვილი.
- ლაშა ჩვენი დროის ერთ-ერთი ტიტულიანი სპორტსმენია, მას ოლიმპიადის ყველა სინჯის მედალი აქვს მოგებული.
2012 წლის ზაფხულის ოლიმპიურ თამაშებზე, 66 კგ-მდე ძიუდოისტთა შორის ოქროს მედალი მოიპოვა.
2021 წელს ბუდაპეშტში გამართულ მსოფლიო ჩემპიონატზე, 73 კგ წონით კატეგორიაში, ოქროს მედლის მფლობელი გახდა.
2016 წლის 8 აგვისტოს, რიო-დე-ჟანეიროს ზაფხულის ოლიმპიურ თამაშებზე შავდათუაშვილმა ბრინჯაოს მედალი მოიპოვა.
2021 წელს გამართულ 2020 წლის ზაფხულის ოლიმპიურ თამაშებზე კი შავდათუაშვილმა ვერცხლის მედალი მოიპოვა.
არის მსოფლიო ორგზის ჩემპიონი ( 2013 ,რიო დე ჟანეირო, გუნდური; 2021, ბუდაპეშტი, უნგრეთი) , მსოფლიო ორგზის ბრინჯაოს პრიზიორი (2014, 2015; გუნდური), ევროპის ჩემპიონი 2012 (ჩელიაბინსკი, გუნდური), 2013 (ბუდაპეშტი, გუნდური), 2016 (ყაზანი, გუნდური), 2017 (ვარშავა, გუნდური) წლებში, საქართველოს ჩემპიონი (2017, 73 კგ) და მსოფლიო თასის მფლობელი 2012 (თბილისი, 66 კგ; პრაღა, 66 კგ; ბუენოს-აირესი, 66 კგ).
2012 წელს საქართველოს სპორტულ ჟურნალისტთა ასოციაციის მიერ წლის საუკეთესო სპორტსმენად დასახელდა . ამავე წელს საქართველოს სპორტისა და ახალგაზრდულ საქმეთა სამინისტრომ დაასახელა წლის საუკეთესო სპორტსმენად.
მიღებული აქვს ბრწყინვალების საპრეზიდენტო ორდენი (2018 წელს) და ღირსების ორდენი (2016 წელს).