მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პანიკა რუსეთის ორ რეგიონში: ბელგოროდიდან და კურსკიდან ხალხი გარბის - "ახლა იქ აქტიური საომარი მოქმედებებია... ღამით ოლქები 8 ათასამდე ავტომობილმა დატოვა"
14:41 / 15-03-2024
უკრაინის თავდაცვის სამინისტროს მთავარი სადაზვერვო სამმართველოს სპიკერმა, ანდრეი იუსოვმა დაადასტურა, რომ ბელგოროდისა და კურსკის რეგიონებში დივერსანტები მოქმედებენ.
იუსოვმა უკრაინულ ტელევიზიას განუცხადა, რომ "რუსეთის ფედერაციის მოქალაქეები, რომლებსაც სხვა არჩევანი არ აქვთ, იარაღით ხელში იცავენ თავიანთ სამოქალაქო უფლებებს პუტინის რეჟიმის წინააღმდეგ ბრძოლაში. კურსკისა და ბელგოროდის რეგიონები ახლა აქტიური საომარი მოქმედებების ტერიტორიაა."
- ბელგოროდის ოლქის გუბერნატორმა ვიაჩესლავ გლადკოვმა განაცხადა, რომ პარასკევს დილით, გრეივორონსკის ურბანული რაიონიდან 400-მდე ადამიანის ევაკუაცია განხორციელდა, მათ შორის არიან გორა-პოდოლის, გლოტოვოსა და კოზინკის სასაზღვრო დასახლებების მაცხოვრებლები.
ასევე, ლეგიონი "რუსეთის თავისუფლება“, ქვედანაყოფი, რომელიც უკრაინელი ოფიციალური პირების თქმით, რუსი სამხედრო ტყვეებისა და მოხალისეებისგან შედგება და რუსული ჯარების წინააღმდეგ იბრძვის, აცხადებს, რომ ბელგოროდისა და კურსკის ოლქების მცხოვრებლებმა საშიში ტერიტორიებიდან ევაკუაცია დაიწყეს და ღამით ოლქები 7.6 ათასმა ავტომობილმა დატოვა.
"რუსეთის ბელგოროდისა და კურსკის ოლქებიდან მშვიდობიანი მოსახლეობის ევაკუაციისთვის გამოცხადებული ჰუმანიტარული დერეფნის ამოქმედების შემდეგ, მოსკოვის დროით 07:00 საათისთვის, ამ დერეფნით ბელგოროდისა და ბელგოროდის ოლქის მაცხოვრებლების 7000-ზე მეტმა სამოქალაქო ავტომობილმა ისარგებლა, ევაკუაციის დერეფანი ქალაქ კურსკიდან 600-ზე მეტმა სამოქალაქო ავტომობილმა გამოიყენა“, - განაცხადეს რუსმა მოხალისეებმა.
კურსკის ოლქის გუბერნატორმა რომან სტაროვოიტმა განაცხადა, რომ უკრაინული დივერსიული და სადაზვერვო ჯგუფი წარუმატებლად ცდილობდა სოფელ ტეტკინოში შესვლას.
აღსანიშნავია, რომ ბელგოროდის დაბომბვის დაწყებამდე „რუსეთის თავისუფლების ლეგიონის" და „რუსეთის მოხალისეთა კორპუსის“ წარმომადგენლები (რუსეთში ტერორისტულ ორგანიზაციებად აღიარებული და აკრძალული) ამბობდნენ, რომ თავს დაესხმებოდნენ კურსკის, ბელგოროდისა და ბრაიანსკის რეგიონებს.
14 მარტს, დღის განმავლობაში დაბომბვის დაწყებამდე "რუსეთის თავისუფლების ლეგიონისა" და "რუსეთის მოხალისეთა კორპუსის“ წარმომადგენლებმა (რუსეთში ტერორისტულ ორგანიზაციებად აღიარებული და აკრძალული) გაფრთხილება გაავრცელეს, რომ კურსკში, ბელგოროდსა და ბრიანსკში სამხედრო ობიექტებს დაარტყამდნენ.
მალევე რუსეთის თავდაცვის სამინისტრომ გამოაცხადა, რომ მისმა შენაერთებმა უკრაინის შეიარაღებული ძალების რუსეთის ტერიტორიაზე შეჭრის მცდელობა აღკვეთეს. ბრძოლების შედეგად, დეპარტამენტის ცნობით, 195-მდე უკრაინელი სამხედრო დაიღუპა, თუმცა ეს ინფორმაცია დადასტურებული არ არის.
რუსი სამხედრო კორესპონდენტები ადრეც წერდნენ ბელგოროდისა და კურსკის სასაზღვრო რაიონებში "უკრაინელ დივერსანტებთან" ბრძოლების შესახებ. მათი თქმით, თავდამსხმელებს შორის დაღუპულთა რიცხვი გაცილებით ნაკლები იყო.
00:00 / 00:00
მკითხველის კომენტარები /
55 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ხალხი გარბის 😁😁🤣🤣 აი ამის დამჯერებლების თავში ჩამახედა ვინც ამ ტყუილებს იჯერებს თუმცა მთელი ომის პერიოდში ესე ატყუებენ ხალხს და დამჯერებლებიც ჰყავს, რა ვერ გაიგეთ უკრაინის მიწები უკვე გაყიდული და განაწილებულია შეეგუეთ.
1. უკრაინული მასმედიის 16 მარტის ინფორმაციით, რუსეთის თავისუფლების ლეგიონის, რუსეთის მოხალისეთა კორპუსისა და ციმბირის ბატალიონის რუსმა მოხალისეებმა, რომლებმაც 12 მარტს გაარღვიეს რუსეთის ფედერაციის საზღვარი, განაცხადეს, რომ ემზადებიან რუსეთის არმიის სამხედრო პოზიციებზე დარტყმისთვის. ბელგოროდსა და კურსკში.
მათივე ცნობით, მოხალისეებთან ბრძოლის შედეგად დაიღუპა ოთხი რუსი სამხედრო და ცხრა დაშავდა.
2. რუსული მასმედიის 14 მარტის ინფორმაციით, კურსკისა და ბელგოროდის რაიონებში რუსეთის ტერიტორიაზე შეჭრის მცდელობა აღკვეთილია.
უკრაინის დანაკარგებმა 1,5 ათას ადამიანს გადააჭარბა, რომელთაგან დაახლოებით 500 ტვირთი „200“-ია. განადგურდა უკრაინის 18 ტანკი და 23 ჯავშანტექნიკა.
ცნობისათვის, რუსული შეიარაღებული ფორმირებები ჩამოყალიბებულია რუსი სამხედრო ტყვეებისა და უკრაინის მხარეზე გადასული მოხალისეებისგან რუსეთის შიგნით დივერსიებისა და სამოქალაქო წინააღმდეგობის განსახორციელებლად.