25
აპრილიდღის ზოგადი ასტროლოგიური პროგნოზი
რუნი მარა და ხოაკინ ფენიქსი მეორე შვილს ელოდებიან. 38 წლის მსახიობს ბერლინის 74-ე საერთაშორისო კინოფესტივალზე პოზირებისას მოუწია თავისი მუცლის გამჟღავნება. რუნი თავისი ახალი ფილმის წარსადგენად Givenchy-ს შავ კაბაში იყო გამოწყობილი.
ეს 49 წლის ფენიქსისა და 38 წლის მარასთვის უკვე მეორე შვილი იქნება. წყვილს თავიანთი პირველი ვაჟი 2020 წელს შეეძინა. ბიჭუნას დაბადების შემდეგ მათ გადაწყვიტეს, რომ შვილისთვის ხოაკინის გარდაცვლილი ძმის, რივერ ფენიქსის სახელი დაერქმიათ, რომელიც 1993 წელს 23 წლის ასაკში ნარკოტიკების ზედოზირებით გარდაიცვალა.
"რივერმა მათი ცხოვრება მთლიანად შეცვალა და ისინი ერთმანეთთან კიდევ უფრო დააახლოვა. ორივეს ჩაკეტილი ცხოვრება მოსწონს და სურს, რომ რივერს ნორმალური, ჯანსაღი აღზრდა მისცენ", - განაცხადა US Weekly-სთან საუბრისას წყვილთან დაახლოებულმა წყარომ.
ხოაკინმა და რუნიმ ერთმანეთი სპაიკ ჯონზის ფილმ "Her"-ის გადასაღებ მოედანზე გაიცნეს, თუმცა მათ ურთიერთობა მომდევნო საერთო ფილმის, "მარიამ მაგდალინელის" გადაღებებზე დაიწყეს. წყვილი ერთმანეთზე 2019 წლის ივლისში დაინიშნა.
2019 წლის ინტერვიუში ფენიქსი გამოტყდა, რომ თავდაპირველად რუნიზე მცდარი წარმოდგენა ჰქონდა. ხოაკინს ეგონა, რომ მარას ის სძულდა, მაგრამ მოგვიანებით მიხვდა, რომ რუნი მისით დაინტერესებული იყო და უბრალოდ პირველი ნაბიჯის გადადგმის სცხვენოდა. "ის ერთადერთი ქალია, რომელიც ინტერნეტში დამისერჩავს. მაშინ უბრალოდ მეგობრები ვიყავით, ელფოსტის მეგობრები. ეს აქამდე არასდროს გამიკეთებია",- ყვებოდა ინტერვიუში ხოაკინი.
წყარო: pagesix
მოამზადა: ანა სიბოშვილმა
როგორ გამახარეთ, ამეღამ ძილი არ გინდათ?
ნათლია მე ვარ, დაგასწარით!