მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
კონფლიქტი სამხედრო მოსამსახურეებს შორის და 7 გასროლა - სასამართლოს სხდომაზე ცნობილი გახდა, რომ მკვლელობა ეჭვიანობის მოტივით მოხდა
22:52 / 28-12-2023
სამხედრო მოსამსახურის მკვლელობაში ბრალდებული სამხედრო სასამართლომ პატიმრობაში დატოვა. 39 წლის ხვიჩა ვარდიაშვილმა, რომელმაც ვაზისუბანში 7 გასროლით მეგობარი, 43 წლის ლაშა გუჯეჯიანი მოკლა, დღევანდელ სხდომაზე სიტყვის უფლება მხოლოდ ერთხელ გამოიყენა და ისიც იმის სათქმელად, რომ მძიმე მდგომარეობაში იმყოფებოდა.
პროცესზე ცნობილი გახდა ისიც, რომ სამხედროებს შორის კონფლიქტი ეჭვიანობის მიზეზი გახდა. გუჯეჯიანმა მეგობრის ცოლს SMS შეტყობინება გაუგზავნა, რასაც ჯერ სიტყვიერი დაპირისპირება, შემდეგ კი მკვლელობა მოყვა.
ხვიჩა ვარდიაშვილს დანაშაულის ჩადენის ადგილი არ მიუტოვებია. საქმის მასალებით თანახმად, მან მკვლელობის ჩადენის შემდეგ მომხდარის შესახებ ჯერ უშუალო მეთაურს უამბო, შემდეგ კი პოლიციაში დარეკა. ადგილზე სამართალდამცველების მისვლისას, 39 წლის მამაკაცს თან ჰქონდა მის სახელზე რეგისტრირებული იარაღიც. ვარდიაშვილის ადვოკატი, რომელიც მისი დაცვის ქვეშ მყოფის გირაოს სანაცვლოდ გათავისუფლებას ითხოვდა, საქალაქო სასამართლოს გადაწყვეტილებას სააპელაციოში გაასაჩივრებს.
მოსამართლე დავით მგელიაშვილმა მიიღო გადაწყვეტილება და 39 წლის მამაკაცს საპატიმრო ვადა გაუხანგრძლივა. ხვიჩა ვარდიაშვილის ადვოკატი დღეს დაცვის ქვეშ მყოფის 10 000 ლარიანი გირაოს სანაცვლოდ გათავისუფლებას ითხოვდა.
ხვიჩა ვარდიაშვილის ადვოკატი, ლევან მარსაგიშვილი საქმის მასალებზე ჯერ არ საუბრობს. ამბობს, რომ თემა სენსიტიურია და დეტალებზე მომდევნო პროცესებზე გაამახვილებს ყურადღებას.
ჩატარებულ საგამოძიებო მოქმედებებზე მკვლელობის საქმის პროკურორმა სასამართლო პროცესის შემდეგ ვრცლად ისაუბრა. ბრალდების მხარის ინფორმაციით, გამოკითხულია ხვიჩა ვარდიაშვილის მეუღლე. ირკვევა, რომ სწორედ მას გაუგზავნა მესიჯი ლაშა გუჯეჯიანმა და მეგობრებს შორის კონფლიქტიც ამის გამო დაიწყო. საქმის გასარჩევად ვარდიაშვილი და გუჯეჯიანი ერთმანეთს წულუკიძის ქუჩაზე შეხვდნენ. მათ შორის სიტყვიერი კონფლიქტი მოკლულის ავტომობილში დაიწყო, რამდენიმე წუთში კი 39 წლის მამაკაცმა, კუთვნილი ცეცხლსასროლი იარაღიდან 43 წლის სამხედრო მოსამსახურეს 7-ჯერ ესროლა და მოკლა.
განცხადება გაავრცელა თავდაცვის სამინისტრომაც, რომელშიც მწუხარებას გამოთქვამს 27 დეკემბერს ტრაგიკული ინციდენტის შედეგად გარდაცვლილი სამხედრო მოსამსახურის, ლაშა გუჯეჯიანის გარდაცვალების გამო.
შინაგან საქმეთა სამინისტროს მიერ გამოძიება განზრახ მკვლელობის და ცეცხლსასროლი იარაღის მართლსაწინააღმდეგო შეძენა-შენახვა-ტარების ფაქტებზე, საქართველოს სისხლის სამართლის კოდექსის 108-ე და 236-ე მუხლებით დაიწყო.
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გახსოვთ, მურტალო რას ამბობდა - ეჭვიანობაზე მხოლოდ 6 წელიო.............
საინტერესოა დადიოდა მის ცოლთან, თუ ეჩალიჩებიდა და აწუხებდა.