მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჩინეთი მთვარეზე ადამიანისთვის მუდმივი საცხოვრებლის შექმნას გეგმავს - მისია, რომელიც თუ განხორციელდა, ჩინეთს მთავარ კოსმოსურ ძალად აქცევს
10:50 / 05-10-2023
ჩინეთი მთვარეზე ახალ მისიას გეგმავს. ქვეყანას აქვს ამბიცია, რომ ისეთი რამ გაკეთოს, რაც მანამდე არცერთ ქვეყანას უცდია - მთვარის სამხრეთ პოლუსზე მუდმივი საცხოვრებელი შექმნას. ჩინეთს სურს, რომ 2030 წლამდე მსოფლიოში მთავარი კოსმოსური ძალა გახდეს.
ჩინეთი საერთაშორისო ორგანიზაციებს და უცხოურ ქვეყნებს მიესალმება და მისიის პროექტებში ჩართვისკენ მოუწოდებს. განცხადება ჩინეთის ეროვნულმა კოსმოსურმა ადმინისტრაციამ (CNSA) ორშაბათს, აზერბაიჯანის 74-ე საერთაშორისო ასტრონავტულ კონგრესზე გაახმაურა. ეს პროექტები ნიშნავს, რომ ჩინეთი და მისი საერთაშორისო პარტნიორები ერთობლივი ძალებით შეეცდებიან კოსმოსური ხომალდის ოპერირებას და გაშვებას, საბოლოოდ კი ერთად შეისწავლიან მთვარის ზედაპირს.
ჩინეთის Chang'e-8-ს სახელით ცნობილი მისია 2026 წლისთვისაა დაგეგმილი და მიზნად ისახავს, მთვარის სამხრეთ პოლუსზე რესურსები იპოვოს. Chang'e-7 და Chang'e-8 მისია, საბოლოოდ "მთვარის კვლევის საერთაშორისო სადგურის (ILRS)" მშენებლობას ჩაუყრის საფუძველს. ჩინეთის დაგეგმვით, ეს 2030 წელს განხორციელდება.
Chang'e-5-ის მისია ჩინეთმა 2020 წელს განახორციელა და მთვარეზე ზონდი განათავსა. რაც შეეხება Chang'e-6-ს, ის 2024 წლის პირველ ნახევარშია დაგეგმილი და მთვარის შორეულ მხარეზე ნიადაგის ნიმუშების შეგროვებას ისახავს მიზნად.
ჩინეთის გეგმები NASA-ს უფრო ამბიციურ და განვითარებულ "არტემისის" პროგრამას ეხმიანება. NASA გეგმავს, რომ ამერიკელი ასტრონავტები მთვარის ზედაპირზე 2025 წლის დეკემბერში ჩაიყვანოს. "არტემის 3"-ის მისიაზე 2 ამერიკელი ასტრონავტის მთვარის სამხრეთ პოლუსზე დაშვება იგეგმება (ამ რეგიონში ჯერ ადამიანს არ დაუდგამს ფეხი).
აღსანიშნავია, რომ აშშ-ის კანონმდებლობა NASA-ს ჩინეთთან პირდაპირ თუ არაპირდაპირ კოლაბორაციას კატეგორიულად უკრძალავს. ჯერჯერობით, ჩინეთის კოსმოსურ ადმინისტრაციასთან მთვარის სადგურის პროგრამაში თანამშრომლობის სურვილი მხოლოდ რუსეთმა და ვენესუელამ გამოთქვა.
წყარო: reuters
მოამზადა: ანა სიბოშვილმა
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვენესუელაში საერთოდ იციან რა არის კოსმოსი...
წყალში არ იძირება, ტყვია არ ეკარება, გრავიტაციას კარგად იტანს, ერთი სიტყვით... ჩინელი!