ქობულეთში მერის წარმომადგენელმა თანასოფლელ ქალს სცემა - TV25
TV25.GE-ის ინფორმაციით, ქობულეთის მერის წარმომადგენელი თანასოფლელ ქალს ფიზიკურად გაუსწორდა. მათივე ცნობით, შემთხვევა სოფელ ლეღვას ცენტრში, ერთ-ერთ სუპერმარკეტში მოხდა. ფაქტს ჰყავს თვითმხილველები.
სავარაუდოდ, ჯაბა სტამბოლიშვილი ალკოჰოლის ზემოქმედების ქვეშ იყო, როცა ქალს სცემა.
ქობულეთის მერიაში TV25.GE-ის განუცხადეს, რომ მამაკაცი სამსახურიდან მომხდარის გამო უკვე გაათავისუფლეს.
გამოცემის ინფორმაციით, ქობულეთის მუნიციპალიტეტის პრესსამსახურში აცხადებენ, რომ სამართალდამცავებმა სტამბოლიშვილი ძალადობის ბრალდებით დააკავეს, თუმცა, მოგვიანებით, გირაოთი გაათავისუფლეს. წყარო