მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ამიერკავკასიის ექიმთა ლიგა საქართველოში პირველ მულტიპროფილურ კონგრესს უმასპინძლებს
15:29 / 21-06-2023
24-25 ივნისს ქ. თბილისში „შერატონ მეტეხი პალასში“, წლის ღონისძიება, მულტიპროფილური საერთაშორისო კონგრესი - „სამედიცინო სიახლეები“ გაიმართება. ღონისძიების მთავარი თემაა - „ექიმები ექიმებისთვის და მეგობრები ექიმებისთვის“.
პროექტი ყოველწლიურად ტარდება „ამიერკავკასიის ექიმთა ლიგისა“ და ქ. თბილისის მუნიციპალიტეტის მერიის ხელშეწყობით.
2014 წელს ექიმ ალერგოლოგ-იმუნოლოგის, მედიცინის მეცნიერებათა აკადემიური დოქტორის, პროფესორის, ევროპის ალერგოლოგთა ასოციაციის წევრის - ბარბარე ბეზარაშვილის ინიციატივითა და ხელმძღვანელობით შექმნილი „ამიერკავკასიის ექიმთა ლიგა“ აწევრიანებს ათასობით მაღალკვალიფიციურ ექიმს ყველა პროფილის განხრით.
„ამიერკავკასიის ექიმთა ლიგა, უკვე მეცხრე წელია, მუდმივად სტუმრობს საქართველოს სხვადასხვა რეგიონებს და ახორციელებს ადგილობრივი მოსახლეობის უფასო საქველმოქმედო გასინჯვებს, მათ შორის მაღალმთიან სოფლებსა და სასაზღვრე ზოლში. ორგანიზაციის დაფუძნების მიზანი იყო სამედიცინო სფეროში არსებული სიახლეები, მკურნალობის, პრევენციისა და დიაგნოსტირების მეთოდები მიგვეტანა ნებისმიერი სოფლის ექიმამდე. რა თქმა უნდა, მარტო ვერაფერს გავაკეთებდი, რომ არა ჩვენი უძვირფასესი კოლეგების: მარიამ ბეზარაშვილის, კახა ვაჭარაძის, თემურ მიქელაძის, ხათუნა ღურჭუმალიძის, ირაკლი ხმალაძის, ელენე გიორგაძის და მთელი მისი გუნდის უანგარო დახმარება“ - აღნიშნა პროფესორმა ბარბარე ბეზარაშვილმა.
ამიერკავკასიის ექიმთა ლიგას, ქალაქ თბილისის მერიასთან ერთად, განხორციელებული აქვს არაერთი წარმატებული პროექტი შეზღუდული შესაძლებლობის მქონე პირთა საზოგადოებაში ინტეგრირებისა და მათი ჯანმრთელობის მდგომარეობის გაუმჯობესების მიმართულებით.
კონგრესში, გარდა ჩვენი ქვეყნის წამყვანი სპეციალისტებისა, მონაწილეობას მიიღებენ მოწვეული უცხოელი მეცნიერები და ექიმები, მათ შორის: მიხაელ (მაიკლ) შეხტერი, კობი შეფი, კურშატ სერინი, სადიკ სერვერი, სტეფანო მარტინოტი, ოლჟას ჟანდოსოვი, მარკუს ზუკფული, ჰარმუტ შნაიდერი, ფერუზა ხაიდაროვა.
კონგრესის მსვლელობისას წამყვანი ქართველი ექიმები და მოწვეული სპეციალისტები ისაუბრებენ თანამედროვე მედიცინის მიღწევებზე, დიაგნოსტიკისა და ფუნქციური კვლევების ინოვაციურ მეთოდებსა და მიდგომებზე, ონკოლოგიური დაავადებების კვლევისა და მკურნალობის უახლეს მეთოდებზე. ღონისძიებაზე, ასევე, წარადგენენ მოხსენებებს ბავშვთა ასაკში ეპილეფსიური სტატუსის მართვაზე, ძილის დარღვევების კვლევასა და თერაპიაზე, ფსიქოსექსუალურ პრობლემებზე, კოჰლეარულ იმპლანტებზე, ჰიპერტენზიასა და დიაბეტზე.
25 ივნისს, კონგრესის დასრულებისთანავე, „შერატონ მეტეხი პალასში“ შედგება გამორჩეული, ღვაწლმოსილი მედიკოსების დაჯილდოვება და სერთიფიკატების გადაცემა. ღონისძიებაში ექიმებთან ერთად მონაწილოებას მიიღებენ ჩვენი ქვეყნის ესტრადისა და ფოლკორის ვარსკვლავები.
ექიმთა ლიგა ღონისძიებიდან შემოსული თანხით აქტიურ რეჟიმში გააგრძელებს ჩვეულ საქველმოქმედო საქმიანობას ქალაქ თბილისსა და ქვეყნის ყველა რეგიონში.
R
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
