26
აპრილიდღის ზოგადი ასტროლოგიური პროგნოზი
ლივერპულში "ევროვიზიის" ნახევარფინალი გაიმართა, სადაც საქართველოს სახელით სცენაზე ირუ ხეჩანოვი წარსდგა. მან სიმღერა Echo შეასრულა. საქართველოს წარმომადგენელი მეთერთმეტე ნომრად გამოვიდა.
"საქართველო მიყვარხარ" - აღნიშნა ირუმ შთამბეჭდავი შესრულების შემდეგ.
უნდა აღინიშნოს, რომ ირუს ბედი კონკურსში შესული ხმების რაოდენობაზე იყო დამოკიდებული. აქვე უნდა ვთქვათ, რომ საქართველოს თავისი წარმომადგენლისთვის ხმის მიცემა არ შეეძლო, ამიტომ უცხოეთში მცხოვრები ქართველების მხარდაჭერა უმნიშვნელოვანესი და გადამწყვეტი იყო.
სამწუხაროდ, ქართველი გულშემატკივრების აქტიურობა საკმარისი არ აღმოჩნდა და ირუს ფილანში გადასასვლელად ხმები არ ეყო. ფინალში გადავიდნენ: ალბანეთი, კვიპროსი, ესტონეთი, ბელგია, ავსტრია, ლიეტუვა, პოლონეთი, ავსტრალია, სომხეთი და სლოვენია.
ცნობისთვის, ირუ ხეჩანოვმა კონკურსის საგზური მუსიკალურ კონკურს Voice-ში გამარჯვებით მოიპოვა. მომღერალი ჯგუფ "ქენდის" ყოფილი წევრია, რომელმაც 2011 წელს საბავშვო "ევროვიზიაზე" საქართველოს გამარჯვება მოუტანა.
"ევროვიზიის" რიგით 67-ე კონკურსის ფინალი13 მაისს გაიმართება და მასში სულ 25 კონკურსანტი მიიღებს მონაწილეობას. წლევანდელი "ევროვიზია" უკრაინაში უნდა გამართულიყო, თუმცა ომის გამო მასპინძლობა დიდმა ბრიტანეთმა ითავა.
საქართველო "ევროვიზიზე" 2007 წლიდან გამოდის, აქამდე საუკეთესო შედეგი მე-9 ადგილია, რომელიც 2010 წელს სოფო ნიჟარაძემ, ხოლო 2011-ში ჯგუფმა Eldrine დაიკავეს.
იხილეთ ასევე:
ნახეთ ვიდეო - ირუ ხეჩანოვის გამოსვლა "ევროვიზიაზე":
სოფომოოოოოო???????იმ დორბლიანმა ნახევარი საქართველოს ბიუჯეტი დაახია ამ უნიჭოს გამოსვლას.
ვერ გაიგო ამ ხალხმა, რომ ეს კონკურსი ე.წ. პრივილეგირებული ხალხისაა.