მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ფორს-მაჟორი უკრაინის ელექტრომომარაგებაში: ოკუპანტების მოწყობილი "ენერგეტიკული გენოციდი" და ჩაბნელებული კიევი - "...მაგრამ უკრაინა იდგება!"
10:16 / 07-11-2022
"უკრენრეგომ" 6 ნოემბერს გააფრთხილა უკრაინის მოსახლეობა, რომ 7 ნოემბრის დილიდან 30%-ით შემცირდებოდა ელექტროენერგიის მოხმარება კიევში და ასევე ჩერნიგოვის, ჩერკასის, ჟიტომირის, სუმის, ხარკოვის და პოლტავის ოლქებში.
როგორც ცნობილია, დედაქალაქსა და ამ ოლქების ენერგოობიექტები ყველაზე მეტად დაზიანდა ოკუპანტი სამხედრო ძალების მიერ 10, 11, 17 და 22 ოქტომბერს და 2 ნოემბერს განხორციელებული სარაკეტო შეტევების შედეგად.
ენერგოსისტემაში არსებული მძიმე ვითარების გამო, ქვეყანაში ოქტომბრიდან მოქმედებს ელექტროენერგიით მომარაგების გრაფიკი.
"უკრენერგოს“ ინფორმაციით, დღეს, 7 ნოემბრის 06:00 საათიდან დღის ბოლომდე ელექტროენერგიის მიწოდების საათობრივ გრაფიკთან ერთად, საჭირო იქნება ე.წ. ავარიული გათიშვაც, რათა თავიდან აიცილონ დეფიციტი და მაღალვოლტიანი ინფრასტრუქტურის გადატვირთვა.
კერძო ენერგოკომპანია YASNO-ს წარმომადგენლის განცხადებით, დღეს, კიევის ენერგოქსელში გრაფიკით გათვალისწინებულზე 32%-ით მეტი დეფიციტი იქნება, რაც უკვე ფორს-მაჟორია.
კიევის მერმა ვიტალი კლიჩკომ დედაქალაქის მოსახლეობას მოუწოდა, უარესისთვის მოემზადონ.
მისი თქმით, თუ რუსეთი გააგრძელებს იერიშებს უკრაინის ენერგო ინფრასტრუქტურაზე, ისინი ელექტროენერგიის, წყლის ან გათბობის უქონლობისთვის უნდა მოემზადონ.
"ჩვენ ყველაფერს ვაკეთებთ ამის თავიდან ასარიდებლად. მაგრამ გულწრფელად, რომ გითხრათ ჩვენი მტრები ყველაფერს აკეთებენ, რომ ქალაქი გათბობის, ელექტროენერგიისა და წყალმომარაგების გარეშე დარჩეს. ყველაფერს აკეთებენ, რომ ზოგადად, ჩვენ ყველანი დავიხოცოთ. ქვეყნისა და თითოეული ჩვენგანის მომავალი იმაზეა დამოკიდებული, თუ რამდენად მზად ვართ სხვადასხვა ვითარებისთვის“, - განაცხადა კლიჩკომ.
The New York Times-ის ინფორმაციით, ელექტროენერგიის სრული გათიშვის შემთხვევაში, კიევის ხელისუფლებამ დედაქალაქის 3 მილიონი მცხოვრების ევაკუაციის დაგეგმვა დაიწყო.
გასულ ღამეს, უკრაინელებისადმი ვიდეომიმართვისას პრეზიდენტმა ვოლოდიმირ ზელენსკიმ განაცხადა, რომ 6 ნოემბრის საღამოს მდგომარეობით, ელექტროენერგიის გარეშე იყო 4.5 მილიონზე მეტი მომხმარებელი და მათგან ყველაზე მეტი კიევში და კიევის ოლქში. ზელენსკის თქმით, უკრაინის მთავრობა ენერგოკომპანიებთან ერთად დეტალურად განიხილავს ყველა სცენარს და შესაბამის ქმედებებს ამზადებს.
უკრაინის პრეზიდენტის ოფისის მრჩეველი მიხაილო პოდოლიაკი აცხადებს, რომ რუსეთი უკრაინაში “ენერგეტიკული გენოციდის“ ჩადენას ცდილობს.
ამის შესახებ პოდოლიაკმა "ტვიტერზე“ დაწერა, სადაც აღნიშნავს, რომ უკრაინა იდგება.
“მოდით ვიყოთ გულწრფელები: რუსეთის ფედერაცია ცდილობს "ენერგეტიკული გენოციდის" ჩადენას, მაგრამ კიევი და უკრაინა იდგება. მარტივი დაცვის გეგმა: საჰაერო თავდაცვა, ინფრასტრუქტურის ობიექტების დაცვა, მოხმარების ოპტიმიზაცია. სახელმწიფო ეფექტურად უმკლავდება გამოწვევებს. ჩვენ პარტნიორებთან ერთად ვმუშაობთ გამოსავალზე“, - წერს პოდოლიაკი.
მკითხველის კომენტარები /
40 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მოკითხონ თავის წამქეზებლებს ამერიკა ევროპას დააქციეს და გაანადგურეს უკრაინა ,ამერიკამ მასტერ კლასი ჩაუტარა ევროპას უკრაინასთან ერთად და ეს მონა ევროპელები ჩვენ გვარიგებენ ჭკვას
უკრაინის მთავრობა ყველაფრის ღირსია ხალხია ცოდო პროსტაა