მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
უკრაინული წარმოშობის ამერიკელი კონგრესმენის სკანდალური ბრალდებები ანდრეი ერმაკის წინააღმდეგ - რატომ მოუწოდებს ვიქტორია სპარცი ზელენსკის ადმინისტრაციის ხელმძღვანელს გადადგომისკენ
12:22 / 12-07-2022
რუსეთის ჯარის უკრაინაში შეჭრის შემდეგ, აშშ უკრაინის მთავარი მხარდამჭერია. უკრაინას ის ეხმარება როგორც სამხედრო თვალსაზრისით, ასევე ჰუმანიტარული კუთხით და საჯარო განცხადებების დონეზე აქამდე ამერიკელ და უკრაინელ პოლიტიკოსებს შორის არავითარი დაძაბულობა არ ყოფილა, თუმცა რამდენიმე დღეა ვითარება შეიცვალა.
- უკრაინული წარმომავლობის ამერიკელი კონგრესმენი, ვიქტორია სპარცი ბოლო დღეებია ღიად აკრიტიკებს პრეზიდენტ ვოლოდიმირ ზელენსკის საპრეზიდენტო ადმინისტრაციის ხელმძღვანელს, ანდრეი ერმაკს და გამოთქვამს ეჭვს, რომ ის რუსულ ინტერესებს ატარებს.
მედიაში გავრცელდა სპარცის წერილი, რომელიც მან აშშ-ის პრეზიდენტ ჯო ბაიდენს გაუგზავნა. წერილში ის მოუწოდებს ბაიდენს დაინტერესდეს და შეამოწმოს რამდენად საიმედოა ერმაკი. კონგრესმენი აღნიშნავს, რომ ერმაკმა თავის მოადგილედ ოლეგ ტატაროვი დანიშნა, რომელიც სპარცის აზრით, "დამოუკიდებელი ანტიკორუფციული პროკურორის დანიშვნას აჭიანურებს." კონგრესმენი წერილში წერს, რომ ენდრეი ერმაკი სარგებლობს ეროვნული უშიშროების საკითხებში პრეზიდენტის მრჩევლის, ჯეიკ სალივანის ნდობით.
ვიქტორია სპარცმა პრეზიდენტ ჯო ბაიდენს სთხოვა დაინტერესებულიყო ერმაკის სანდოობის საკითხით და დაუყოვნებლივ ეცნობებინა კონგრესისთვის მოკვლევის შედეგი.
აღსანიშნავია, რომ მანამდე ვიქტორია სპარცმა ბაიდენი და ზელენსკი ომთან დაკავშირებით მათი მიდგომის გამო გააკრიტიკა, რამაც ორივე ქვეყნის ოფიციალური პირების აღშფოთება გამოიწვია.
- სპარცის მორიგი განცხადება
კონგრესმენი უკრაინის საპრეზიდენტო ადმინისტრაციის ხელმძღვანელის შესახებ მორიგ განცხადებას აქვეყნებს და ამჯერად ის ანდრეი ერმაკს გადადგომისკენ მოიწოდებს. მისი აზრით, ერმაკი რუსეთის ინტერესების სასარგებლოდ მოქმედებს და ასევე კორუფციულ საქმეებთან დაკავშირებით საეჭვო ქმედებაშია ჩართული.
- უკრაინის ოფიციალური პასუხი
კონგრესმენის ბოლო განცხადების შემდეგ უკრაინის ოფიციალურ უწყებებს კომენტარი არ გაუკეთებიათ, თუმცა მანამდე განცხადება გაავრცელა ქვეყნის საგარეო საქმეთა სამინისტროს სპიკერმა ოლეგ ნიკოლენკომ.
- "ჩვენ ვურჩევთ ქალბატონ სპარცს, ჩვენს ქვეყანაში მიმდინარე ომის თემაზე და უკრაინელების მწუხარების შესახებ უსაფუძვლო სპეკულაციებით ნუ ეცდება პოლიტიკური დივიდენდების მოპოვებას. განსაკუთრებით ცინიკურია უკრაინული წარმოშობის კონგრესმენის მანიპულაციები უკრაინისა და მისი ხელმძღვანელობის შესახებ“, - წერს ოლეგ ნიკოლენკო "ფეისბუქზე."
ნიკოლენკომ თავის განცხადებაში აღნიშნა, რომ სპარცის რიტორიკის მიუხედავად, უკრაინა "ღრმად მადლიერია კონგრესისა და პირადად ბაიდენის, მილიარდობით დოლარის ოდენობის სამხედრო და ჰუმანიტარული დახმარების გამო, რომელიც აშშ-მა ომის დაწყების შემდეგ უკრაინისთვის გაიღო."
მანვე სპარცი დაადანაშაულა მცდელობაში, "დაებრუნებინა ამერიკულ პოლიტიკაში რუსული პროპაგანდის კლასიკური ნარატივი უკრაინის ხელმძღვანელობის ერთი შეხედვით რუსეთთან კავშირების შესახებ".
მან ასევე უარყო სპარცის პრეტენზია იმის თაობაზე, რომ საკმარისი ზედამხედველობა არ ეწევა უკრაინისთვის აშშ-ის იარაღის გადაცემის საკითხს.
როგორც გამოცემა Politico წერს, უკრაინელებმა თავიანთი შიდა პოლიტიკური ბრძოლები უკანა პლანზე გადაიტანეს და ხაზს უსვამენ ერთიანობის აუცილებლობას რუსი დამპყრობლების წინააღმდეგ ბრძოლაში. მაგრამ სპარცის ბრალდებებმა ზელენსკის პოლიტიკური ოპონენტების ყურადღება მიიპყრო, კერძოდ კი ყოფილი პრეზიდენტის, პეტრო პოროშენკოს ოპოზიციური პარტიის წევრების.
- "ეს ყველაფერი ძალიან სერიოზულია, რადგან ასეთი წერილები კონგრესიდან არ მოდის საფუძვლიანი ეჭვების გარეშე“, - წერს პოროშენკოს პარტიის წარმომადგენელი ვლადიმერ არიევი.
აღსანიშნავია, რომ ანდრეი ერმაკს ამ დრომდე ბრალდებებზე კომენტარი არ გაუკეთებია.
- ვინ არის ვიქტორია სპარცი?
ვიქტორია სპარცი 1978 წელს, უკრაინაში, ნოვისკაში დიაბადა. დაამთავრა კიევის ეროვნული ეკონომიკური უნივერსიტეტი. ის ემიგრაციაში აშშ-ში 2010 წელს წავიდა.
2006 წელს ამერიკის მოქალაქეობა მიიღო. დაამთავრა ინდიანას უნივერსიტეტი. ჰქონდა პროფესიონალი ბუღალტრის მოწმობა და ამ მიმართულებით მუშაობდა. მისი პოლიტიკური კარიერა 2017 წლიდან დაიწყო, როდესაც ინდიანას სენატში დაინიშნა ერთ-ერთი ოლქის წარმომადგენლად.
ის არის პირველი და ერთადერთი კონგრესმენი ისტორიაში, რომელიც უკრაინაშია დაბადებული.
მკითხველის კომენტარები /
43 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გამოიჭირეს ხახოლი ბიჭები ომში ფულის კეთებაზე, ალბათ ჯამბაზი საერთოდ არ იყო საქმის კურსში ))))
კიდევ ერთი "ძირძველი უკრაინელი" არის კი ვინმე ეთნიკურად უკრაინელი უკრაინის მთავრობაში?:)