რუსულმა ძალებმა ხარკოვში საევაკუაციო ავტობუსებს ცეცხლი გაუხსნეს, რის შედეგადაც 7 ადამიანი დაიღუპა და 27 დაშავდა
რუსულმა ძალებმა ხარკოვის რეგიონში საევაკუაციო ავტობუსებს ცეცხლი გაუხსნეს, რის შედეგადაც 7 ადამიანი დაიღუპა და 27 დაშავდა. ინფორმაციას ხარკოვის საოლქო პროკურატურის პრესსამსახურზე დაყრდნობით უკრაინული მედია ავრცელებს.
„2022 წლის 14 აპრილს რუსმა სამხედრო მოსამსახურეებმა იზიუმის რაიონის სოფელ ბოროვაში მშვიდობიანი მოქალაქეების საევაკუაციო ავტობუსებს ცეცხლი გაუხსნეს. წინასწარი მონაცემებით, შვიდი ადამიანი დაიღუპა, 27 კი დაშავდა“, - ნათქვამია პროკურატურის მიერ დღეს გავრცელებულ განცხადებაში.
საგამოძიებო უწყების ცნობით, ადგილობრივი მცხოვრებლები ამბობენ, რომ ავტობუსის მძღოლები რუსი ჯარისკაცების დანახვისას ტროტუარზე გაჩერდნენ და მანქანებიდან ხელებაწეულები გადმოვიდნენ, თუმცა ოკუპანტებმა ხალხის მისამართით ცეცხლი გახსნეს.