პუტინი 8 მარტთან დაკავშირებულ მიმართვაში აცხადებს, რომ ომში, რომელსაც ის "სპეციალურ ოპერაციას" ეძახის, წვევამდელებსა და რეზერვისტებს არ გაიწვევენ

რუსეთის პრეზიდენტის, ვლადიმერ პუტინის განცხადებით, უკრაინაში მიმდინარე ე.წ. "სპეციალურ ოპერაციაში“ წვევამდელები არ მონაწილეობენ და არც მიიღებენ მონაწილეობას.

"მინდა მივმართო ჩვენი ჯარისკაცებისა და ოფიცრების დედებს, ცოლებს, დებს, რომლებიც ახლა იბრძვიან და იცავენ რუსეთს სპეციალური სამხედრო ოპერაციის ფარგლებში. მესმის, როგორ ღელავთ თქვენს საყვარელ ადამიანებზე. თქვენ შეგიძლიათ იამაყოთ მათით ისე, როგორც თქვენი ერთობით მთელი ქვეყანა ამაყობს. ხაზს ვუსვამ, რომ სამხედრო ოპერაციებში არ მონაწილეობენ და არც მიიღებენ მონაწილეობას წვევამდელები და დამატებითი რეზერვის გამოძახება არ მოხდება. გაცემულ დავალებას ასრულებენ მხოლოდ პროფესიონალი ჯარისკაცები. დარწმუნებული ვარ, ისინი საიმედოდ უზრუნველყოფენ ჩვენი ქვეყნის უსაფრთხოებას", - აღნიშნა პუტინმა 8 მარტთან დაკავშირებით გავრცელებულ მიმართვაში.