მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ნატო-ს წევრმა ქვეყნებმა უკრაინის საჰაერო სივრცის ჩაკეტვას მხარი არ დაუჭირეს
18:15 / 04-03-2022
ნატოს გენერალური მდივნის იენს სტოლტენბერგის ინფორმაციით, ალიანსის წევრმა ქვეყნებმა განიხილეს უკრაინის თხოვნა მისი საჰაერო სივრცის ჩაკეტვასთან დაკავშირებით, თუმცა მას მხარი არ დაუჭირეს.
სტოლტენბერგის განმარტებით, უკრაინის საჰაერო სივრცის ჩასაკეტად ერთადერთი გზა არსებობს - ნატოს საჰაერო ძალებმა რუსეთის თვითმფრინავები უნდა ჩამოყაროს, რაც ევროპაში სრულმასშტაბიან ომს გამოიწვევს. მისი თქმით, სწორედ ამ მიზეზით, ნატო არ გეგმავს კონფლიქტში ჩართვას არც ხმელეთზე და არც ცაში.
"ეს იქნება კიდევ უფრო სახიფათო, უფრო დამანგრეველი და მოიტანს დიდ ადამიანურ წამებას. ამიტომ, ჩვენ მკაფიოდ განვაცხადეთ, რომ არ ვაპირებთ უკრაინაში შესვლას, არც ხმელეთით, არც უკრაინის საჰაერო სივრცეში. რა თქმა უნდა, ერთადერთი გზა საჰაერო სივრცის ჩასაკეტად, არის ნატოს სამხედრო თვითმფრინავების გაგზავნა უკრაინის საჰაერო სივრცეში და ჩაკეტილი საჰაერო ზონის შექმნა რუსული თვითმფრინავების ჩამოგდების გზით.
ჩვენ გვესმის სასოწარკვეთა, მაგრამ ასევე გვჯერა, რომ თუ ამას გავაკეთებთ, ეს, საბოლოო ჯამში, მიგვიყვანს სრულმასშტაბიან ომამდე ევროპაში უფრო მეტი ქვეყნის ჩართულობით და მიგვიყვანს ბევრად მეტ ადამიანურ ტანჯვამდე. ეს არის მიზეზი იმისა, რატომაც მივედით ამ მტკივნეულ გადაწყვეტილებამდე, რომ გამოვიყენოთ მძიმე სანქციები, მნიშვნელოვანი დახმარება გავუწიოთ უკრაინას, გავაძლიეროთ ეს დახმარება, მაგრამ ეს გავაკეთოთ ნატოს ძალების უშუალოდ კონფლიქტში ჩაურთველად არც ხმელეთზე და არც ცაში,“- განაცხადა სტოლტენბერგმა.
მისივე თქმით, ალიანსის წევრი ქვეყნები მოუწოდებენ რუსეთის პრეზიდენტ ვლადიმერ პუტინს, შეწყვიტოს ომი უკრაინის წინააღმდეგ და გამოიყვანოს ჯარი ქვეყნის ტერიტორიიდან ყოველგვარი პირობების გარეშე.
"ჩვენ მრავალი თვის განმავლობაში ვაფრთხილებდით, რომ პრეზიდენტ პუტინს განზრახული ჰქონდა უკრაინის ტერიტორიაზე შეჭრა. სწორედ ამიტომ ალიანსის წევრი ქვეყნები იყენებდნენ მთელს ძალისხმევას დიპლომატიური გამოსავლის მოსაძებნად. ამავდროულად, ჩვენ მკაფიოდ განვაცხადეთ, რომ რუსეთი გადაიხდიდა ძალიან მაღალ ფასს უკრაინის წინააღმდეგ განხორციელებული აგრესიისთვის. ახლა რუსეთი იხდის ამ ფასს. ამ ომს პუტინი გეგმავს და ახორციელებს მშვიდობიანი უკრაინის წინააღმდეგ. ჩვენ მოვუწოდებთ პრეზიდენტ პუტინს, შეწყვიტოს ეს ომი დაუყოვნებლივ, გამოიყვანოს მისი ძალები უკრაინიდან ყოველგვარი პირობის გარეშე და მიიღოს მონაწილეობა დიპლომატიაში ახლა,“ - განაცხადა სტოლტენბერგმა.
მკითხველის კომენტარები /
38 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რისი Თავი აქვᲗ გამოᲩნდა
როგორც ყოველთვის მოწოდების სიმაღლეზეა დასავლეთი! მთავარია რომ მუდმივად შეშფოთებული და აღშფოთებულია! ამას დაემატი ის რომ უკვე ჩაჯმულიცაა! აი როგორი ამოდგომა იციან ნაგავმა ამერიკამ და ბებერ მეძავმა ევროპამ! ყოჩაღ დიდება დასავლეთს!