მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
6 შვილი და შთამბეჭდავი ქონება - ვინ არის დავით არახამიას მეუღლე?
13:30 / 02-03-2022
უკრაინის პოლიტიკურ ცხოვრებაში მიხეილ სააკაშვილის შემდეგ, რამდენიმე წელია რაც კიდევ ერთი ქართველი გამოჩნდა, რომელიც საკმაოდ სერიოზულ როლს ასრულებს. ქართველი ბიზნესმენი დავით არახამია უკრაინის რადას ფრაქცია "ხალხის მსახურის" თავმჯდომარეა. ორი დღის წინ, სწორედ არახამია წარმოადგენდა უკრაინულ დელეგაციას რუსულ მხარესთან ცეცხლის შეწყვეტის შესახებ გამართული მოლაპარაკებების დროს, რის შემდეგაც ქართული წარმოშობის პოლიტიკოსის მიმართ ინტერესი ჩვენში ძალიან გაიზარდა.
დავით არახამია ფსევდონიმით, ბრაუნი 1979 წლის 23 აგვისტოს დაიბადა. მისი ოჯახში ქალაქ გაგრაში ცხოვრობდა. 90-იანი წლების აფხაზეთის ომის შემდეგ, ოჯახი საცხოვრებლად უკრაინის ქალაქ ნიკოლაევოში გადავიდა. თუმცა, იქამდე გარკვეული დროის განმავლობაში, დავითი თბილისში ცხოვრობდა და დედაქალაქის ერთ-ერთ სკოლაში სწავლობდა.
მართალია, ამ დღეებში ქართულ მედიაში დავით არახამიას შესახებ საკმაოდ ბევრი ინფორმაცია გამოქვეყნდა. ქართული წარმოშობის უკრაინელი პოლიტიკოსი ჩაცმის სტილით ცნობილ დიზაინერს დემნა გვასალიასაც კი შეადარეს. მასაც ძალიან უყვარს შავი ტანსაცმელი და ჰუდები...
დავით არახამია მეორე ქორწინებაშია, ამჟამად მისი ცოლი ვიქტორია არახამიაა. წყვილს ხუთი საერთო შვილი ჰყავს. პირველი ქორწინებიდან პოლიტიკოსს კიდევ ერთი ვაჟი ჰყავს. დავითი ექვსივე შვილს ვიქტორიასთან ერთად ზრდის. არახამიას პირველი ცოლის შესახებ მედიაში ინფორმაცია არ იძებნება. დავით არახამიას ყველა შვილის სახელი დ - ასოზე იწყება. ერთ-ერთ შვილს კი მამის სახელი ჰქვია.
დავითი, დანიელი, დანა, დარიკა, ტყუპი - დემი და დენის არახამიები მცირეწლოვანები არიან.
2019 წელს შევსებული დეკლარაციის თანახმად, ცოლ-ქმარ არახამიები საკმაოდ შთამბეჭდავ ქონებას ფლობენ. არახამიებს აქვთ ოთხი მიწის ნაკვეთი კიევის რეგიონში, ვიტა ფოჩტოვაში და ასევე 295,7 კვ. მეტრი აგარაკი.
2020 წლის ივლისში ჟურნალისტებმა გაარკვიეს, რომ სახალხო დეპუტატს სახლის მშენებლობა 983 000 გრივნა დაუჯდა. არახამიას ეს სასახლე მდებარეობს ნოვიტას მებაღეობის საზოგადოების ტერიტორიაზე, ანუ გრინ ჰილზის კოტეჯში. კიევიდან 10 კილომეტრში ოდესის გზატკეცილის გასწვრივ.
წყვილი ამის გარდა ფლობს არაერთ ბინას უკრაინაში.
დავით არახამიას მეუღლეს აქვს წილები Global Bay Venture Limited-ში, კომპანიაში, რომელიც დარეგისტრირებულია სეიშელის კუნძულებზე.
ექვსი შვილის მამა დავით არახამია 2021 წლის 10 ოქტომბერს, ინტერვიუში აცხადებდა, რომ ის და მისი მეუღლე კიდევ ფიქრობენ შვილებზე. თუმცა ჯერ არ გადაუწყვეტიათ, ვიქტორიამ გააჩინოს თუ იშვილონ.
უკრაინულ მედიაში დავით არახამიაზე ვკითხულობთ, რომ ძალიან უყვარს ძვირფასი ბრენდების საიუველირო ნაკეთობები და საათები.
დღეს არახამიას და მის ოჯახს, როგორც უკრაინის ნებისმიერ მოქალაქეს, მძიმე დღეები უდგათ. აგრესორთან ბრძოლაში, ის ფრონტის წინა ხაზზეა. იმედია, რომ მალე, უკრაინასთან ერთად, ოკუპანტზე გაიმარჯვებს.
მკითხველის კომენტარები /
71 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
წარმატებები დავით
ხამია!