დიზაინერ ტომ ფორდის მეუღლე, ჟურნალისტი რიჩარდ ბაქლი გარდაიცვალა

დიზაინერ ტომ ფორდის მეუღლე, ჟურნალისტი რიჩარდ ბაქლი 72 წლის ასაკში გარდაიცვალა. ბაქლი მოდის სფეროს ჟურნალისტი იყო.

მისი კარიერა 1979 წლიდან იწყება, როდესაც New York Magazine-ში დაიწყო წერა, შემდეგ მუშაობდა ისეთ გამოცემებში, როგორებიცაა Women’s Wear Daily, Vanity Fair, Mirabella და Vogue.

ტომ ფორდის მიერ გავრცელებულ ოფიციალურ განცხადებაში ნათქვამია, რომ რიჩარდი დიდი ხანი ავადმყოფობდა და 20 სექტემბერს ლოს ანჯელესში, საკუთარ სახლში გარდაიცვალა.

მის გვერდით იყვნენ ტომი და მათი საერთო შვილი. წყვილს ერთი შვილი ჯეკ ბაქლი-ფორდი ჰყავს.

ტომ ფორდსა და რიჩარდ ბაქლის 35-წლიანი ურთიერთობა აკავშირებდათ. ოფიციალურად კი 2014 წელს იქორწინეს.