25
აპრილიდღის ზოგადი ასტროლოგიური პროგნოზი
კორონავირუსული პანდემიის გამო შექმნილმა კრიზისმა მომსახურების სექტორს, უფრო კონკრეტულად, კვების ობიექტებს, ბიზნესის დივერსიფიცირებისკენ უბიძგა და მათი ნაწილი რითეილ სფეროში გადავიდა. სწორედ ამ დივერსიფიცირების შედეგად თბილისში დღეიდან ახალი და უნიკალური სივრცე - „ბაზარი“ გაჩნდება. ეს იქნება ადგილი, სადაც სტუმარი იმოგზაურებს ძველ თბილისში, დააგემოვნებს უმაღლესი ხარისხის კერძებსა და ჯანსაღ პროდუქტს. როგორც იდეის ავტორები აცხადებენ, მათი მიზანია, რომ მომხმარებელს მიაწოდონ უსაფრთხო, სასარგებლო და ნატურალური პროდუქტი.
„ბაზარი“ ჭავჭავაძის ქუჩის 57 ნომერში, კუს ტბის ასახვევის მოპირდაპირე მხარე მდებარეობს. პროექტი 700 000 - ლარიანი ინვესტიციით განხორციელდა და 2 500 კვადრატულ მეტრზე განთავსებულ უნიკალურ სივრცეში დაახლოებით 100-მდე ადამიანი დასაქმდა.
როგორც „ბიზნესპრესნიუსთან“ საუბრისას, „ბაზარის“ მარკეტინგისა და გაყიდვების დირექტორმა თამარ გელანტიამ განაცხადა, კომპანიამ ტურისტებისთვის, გურმანებისა და მრავალეთნიკური კერძების მოყვარულთათვის კულინარიული სამოთხე შექმნა.
„როცა ვახსენებთ სიტყვას „ბაზარი“, უპირველესად ნამდვილი, თბილისური ბაზარი გვახსენდება - მთელი თავისი აზიური ეგზოტიკით. მე-19 საუკუნე - ფერადი, მრავალგვარი, ჯანსაღი პროდუქტით დახუნძლული დახლები, საუბრის მოყვარული ვაჭრები, დახლებს შორის, მშვიდად და აუჩქარებელად მოსეირნე მყიდველები... ჰაერში დატრიალებული, ახალგამომცხვარი პურის სურნელი, შემთხვევითი შეხვედრები ძველ ნაცნობებთან და სასიამოვნო საუბრები.
ნამდვილი თბილისური ბაზარი კი უკვე გაიხსნა ჭავჭავაძის 57-ში უნიკალური, ძველი თბილისური გარემო, სადაც შეიძენთ უგემრიელეს 100 % ნედლი ქართული ხორცისგან დამზადებულ დელიკატესებს და ცნობილი შეფ მზარეულის მომზადებულ სხვა კულინარიულ ნაწარმს. ჩვენს სივრცეში ასევე წარმოდგენილია ცნობილი უცხოური და ქართული ბრენდების პროდუქციის ფართო ასორტიმენტი. გარე გამწვანებულ სივრცეში კი ოჯახთან და მეგობრებთან ერთად ისიამოვნებთ სხვადასხვა კვების ობიექტების მომსახურებით, ასევე შეძლებთ ესტუმროთ ძველ თბილისურ დუქანს.
როგორც იცით, თბილისი ყოველთვის მიიჩნეოდა მრავალეთნიკურ, მრავალფეროვან ქალაქად. ეს ჩვენს კულტურასა და კერძებზეც მკაფიოდ აისახა და ასევე გრძელდება თანამედროვე თბილისშიც. თამამად ვიტყვით, რომ ტურისტებისთვის, გურმანებისა და მრავალეთნიკური კერძების მოყვარულთათვის კულინარიული სამოთხე შევქმენით“, - განაცხადა თამარ გელანტიამ.
მისივე თქმით, „ბაზარში“ სტუმრები იხილავენ უგემრიელეს სამზარეულოს, ხორცის დელიკატესებსა და საუკეთესო ყველის კუთხეებს. ეზოში გამოცხვება „დედას პური“. ამასთანავე, ეზოში სტუმრები შეძლებენ იხილონ ევროპული ბრენდების პროდუქცია და, რა თქმა უნდა, ადგილობრივი, ნამდვილი ქართული ნაწარმი.
„ჩვენს ეზოში იქნება საგულდაგულოდ შერჩეული უმაღლესი ხარისხის ახალი ხილ-ბოსტნეული და 100 % -ით ნედლი ხორცისგან დამზადებული ნახევარფაბრიკატები - ყველაფერი ეს HACCP სიტემით იწარმოება, ყოველდღიურად მოწმდება პესტიციდებსა და აგროქიმიური საშუალებების შემცველობაზე.
ჩვენი მიზანია მომხმარებელს მივაწოდოთ უსაფრთხო, სასარგებლო და ნატურალური პროდუქტი. არ მოვაკლოთ კულინარიული სიახლეები. შევუქმნათ ადამიანებს ყიდვისთვის სასიამოვნო და კომფორტული გარემო, შევთავაზოთ დამატებითი სერვისები, რაც კიდევ უფრო მეტად სასიამოვნოს გახდის ყიდვის პროცესს და ამავდროულად ადამიანებს მისცემს დასვენების საშუალებას“, - განაცხადა თამარ გელანტიამ.
R
ფასები რა იქნება ესეც არის მთავარი,რომ წარმოვიდგინე, შემაჟრიალა
როგორც ჩანს,ეგ უფრო ტურისტებზეა გათვლილი.არა მგონია, ღარიბმა თბილისელებმა მაგათი მომსახურებით სარგებლობა შეძლონ...